أنا هنا ياطلاب الكيمياء أفيدوني

[كنت متفائله]

السلام عليكم طلاب وطالبات العلوم

أتمنى مأخذ من وقتكم كثير عندي بعض الأستفسارات بخصوص الكيمياء وخصوصا الحيويه
لانو خلاص غسلت يدي من الصيدله وقالو أنو الكيمياء نفس الشي
س1 ماهي أقسام الكيمياء في جامعتنا والكيمياء الحيويه هل هي صعبه جدا ومستحيله ومايمشي فيها إلى عبقرينو ؟
س2 كم تتوقعو أقل معدل يقبل قسم الكيمياء؟
س3 أهم سؤال ماهي الوظائف المتاحه ليا بعد التخرج يعني بعد عمر طويل وهل صحيح يصير أتوظف في مستشفى؟
س4 لازم تكون لغتي واااااااااااااو ولا عادي ؟

معليش أسئلتي كثيرررررررررره أستحملوني مالي بعد الله إلى أنتو
أختكم في الله كنت متفائله

[northstar]

يس معلوماتك صحيحه
والكيمياء الحيويه تشبه الصيدله

وسهله ومره روعه

واي معدل يقبلو

[M!Ss AmoOoLa]

الكيمياء الحيويه افضل تخصص بعد الطب والصيدله :)

وصحيح انو الكيمياء الحيويه مشابهه للصيدله

[DNA..~]

وعليكم السلآم يا عسل..

خليكِ متفائله..بدل ما " كنت " :)

س1 ماهي أقسام الكيمياء في جامعتنا والكيمياء الحيويه هل هي صعبه جدا ومستحيله ومايمشي فيها إلى عبقرينو ؟

الكيمياء العامه - الكيمياء الحيويه..
من ناحية الصعوبه على حسب..تلاقي ناس يقولوا لك سهل وناس تقول صعب وناس تقول مشي حالك..إلخ
يعتمد لو تحبي قسمك مهما كانت صعوبته حتمشي فيه بإذن الله..

س2 كم تتوقعو أقل معدل يقبل قسم الكيمياء؟

حسب ما سمعت القبول في اقسام كلية العلوم مافيه تعقيد..

على حسب الرغبات..
وعلى حسب السعه احياناً..

يعني الحيوي العام قبل ما اسجل فيه كنت اسمع القبول فيه صعب والعدد محدود..!!

ولما دخلتو كل أمة محمد في القسم..!!

حتى في بنآت معدلاتها اقل من 3.5 وداخلينو..

س3 أهم سؤال ماهي الوظائف المتاحه ليا بعد التخرج يعني بعد عمر طويل وهل صحيح يصير أتوظف في مستشفى؟

يب تقدري تتوظفي في المستشفى..(مختبرات)..حسب ماسمعت بس ما تكوني اخصائيه تكوني فنيه بس تقدري تكملي ماستر او على حسب..
كمان ممكن تتوظفي في مراكز الأبحاث والتطوير..وفي في موقع الجامعه كاتبين المجالات معليش ناسيه ههههههه..

الأرزاق بيد الله.. :)

س4 لازم تكون لغتي واااااااااااااو ولا عادي ؟

مو عشان القسم..

بس في هالزمن لازم تكون لغتك على قولك وااااااااو..

^_^

القسم كا كيمياء حيويه الدراسه بالإنجلش..

وبالتوفيق..

وأستخيري قبل كل شيء :)

أتمنى افدتك..وتشرفينآ :)

[كنت متفائله]

المشاركة الأصلية كتبت بواسطة northstar يس معلوماتك صحيحه والكيمياء الحيويه تشبه الصيدله وسهله ومره روعه واي معدل يقبلو

تسلمي ياعسل وربي يعطيك العافيه عن جد طمنتيني

[كنت متفائله]

المشاركة الأصلية كتبت بواسطة غروور الكيمياء الحيويه افضل تخصص بعد الطب والصيدله :) وصحيح انو الكيمياء الحيويه مشابهه للصيدله

مشكوررررررررررره يعني تخصص ولا أحلى مدام بعد الطب والصيدله

[كنت متفائله]

المشاركة الأصلية كتبت بواسطة dna..~ وعليكم السلآم يا عسل.. خليكِ متفائله..بدل ما " كنت " :) الكيمياء العامه - الكيمياء الحيويه.. من ناحية الصعوبه على حسب..تلاقي ناس يقولوا لك سهل وناس تقول صعب وناس تقول مشي حالك..إلخ يعتمد لو تحبي قسمك مهما كانت صعوبته حتمشي فيه بإذن الله.. حسب ما سمعت القبول في اقسام كلية العلوم مافيه تعقيد.. على حسب الرغبات.. وعلى حسب السعه احياناً.. يعني الحيوي العام قبل ما اسجل فيه كنت اسمع القبول فيه صعب والعدد محدود..!! ولما دخلتو كل أمة محمد في القسم..!! حتى في بنآت معدلاتها اقل من 3.5 وداخلينو.. يب تقدري تتوظفي في المستشفى..(مختبرات)..حسب ماسمعت بس ما تكوني اخصائيه تكوني فنيه بس تقدري تكملي ماستر او على حسب.. كمان ممكن تتوظفي في مراكز الأبحاث والتطوير..وفي في موقع الجامعه كاتبين المجالات معليش ناسيه ههههههه.. الأرزاق بيد الله.. :) مو عشان القسم.. بس في هالزمن لازم تكون لغتك على قولك وااااااااو.. ^_^ القسم كا كيمياء حيويه الدراسه بالإنجلش.. وبالتوفيق.. وأستخيري قبل كل شيء :) أتمنى افدتك..وتشرفينآ :)

تسلمي ماقصرت وتعبتك أسئلتي كثيرره
والله ريحني كلامك وحسستيني أنه في أمل في الحياه
وربي يوفقك وتتخرجي بأمتياز يااااااااااااارب

[R-Kh]

لانو خلاص غسلت يدي من الصيدله وقالو أنو الكيمياء نفس الشي

لو طموحك صيدله لا تحبطي نفسك
وبإذن الله نسمع انك في كلية الصيدلية بداية الترم الشي
واذا ربي ماكتبلك دا رزقك وقولي الحمدلله على كل حال
...

س1 ماهي أقسام الكيمياء في جامعتنا والكيمياء الحيويه هل هي صعبه جدا ومستحيله ومايمشي فيها إلى عبقرينو ؟ ؟

لو تحبي الشي يحبك
لو قلتي انها صعبة مستخيل تمشي فيها
صمي ادنك عن كل الكلام اللي حتسمعيه وصدقيني حتمشي بدون اي مشاكل
لو انتِ داهلة رغبة فيا لشي ومن جد حابتو حتمشي تمام ومهما كان صعب حتشوفيه سهل
واهوا احنا قدامك لا عبقرينو ولاشي بس اننا بيوكيميئات نحب قسمنا من كل قلبنا
...

س2 كم تتوقعو أقل معدل يقبل قسم الكيمياء؟

على ايامنا قبلوا كل اللي حطوا الحيوي رغبة اولى
حتى وحدة معدلها مره قريب من الـ 2 واتخصصت حيوي
كانوا يقولوا لازم معدلات عاليه وكدا بس ماشفنا شي من دا كلو
...

س3 أهم سؤال ماهي الوظائف المتاحه ليا بعد التخرج يعني بعد عمر طويل وهل صحيح يصير أتوظف في مستشفى؟

مجالات العمل للخريجين:

1. مختبرات وزارة الصحة والمستشفيات الحكومية والخاصة

2. مصانع الأدوية والعقاقير

3. مصانع الأغذية والزيوت والصابون والمنظفات

4. هيئة المواصفات والمقاييس ومختبرات الجودة النوعية

5. محطات تحلية المياه ومصلحة الأرصاد وحماية البيئة

6. التدريس في مراحل التعليم المختلفة

س4 لازم تكون لغتي واااااااااااااو ولا عادي ؟

اللغة الواو على قولك مطلوبة في كل المجالات
في البداية حتحسي انو كتير مصطلحات وكدا
مع الوقت تصير اللغة واو
...
http://www.skaau.ws/vb/showthread.php?t=48406
^
زورينا تتعرفي علينا اكتر
...
اي سؤال تاني حاضرين
..
وبإذن الله تتخصصي في اللي تبغيه
..
:)

[كنت متفائله]

المشاركة الأصلية كتبت بواسطة r-kh لو طموحك صيدله لا تحبطي نفسك وبإذن الله نسمع انك في كلية الصيدلية بداية الترم الشي واذا ربي ماكتبلك دا رزقك وقولي الحمدلله على كل حال ... لو تحبي الشي يحبك لو قلتي انها صعبة مستخيل تمشي فيها صمي ادنك عن كل الكلام اللي حتسمعيه وصدقيني حتمشي بدون اي مشاكل لو انتِ داهلة رغبة فيا لشي ومن جد حابتو حتمشي تمام ومهما كان صعب حتشوفيه سهل واهوا احنا قدامك لا عبقرينو ولاشي بس اننا بيوكيميئات نحب قسمنا من كل قلبنا ... على ايامنا قبلوا كل اللي حطوا الحيوي رغبة اولى حتى وحدة معدلها مره قريب من الـ 2 واتخصصت حيوي كانوا يقولوا لازم معدلات عاليه وكدا بس ماشفنا شي من دا كلو ... مجالات العمل للخريجين: 1. مختبرات وزارة الصحة والمستشفيات الحكومية والخاصة 2. مصانع الأدوية والعقاقير 3. مصانع الأغذية والزيوت والصابون والمنظفات 4. هيئة المواصفات والمقاييس ومختبرات الجودة النوعية 5. محطات تحلية المياه ومصلحة الأرصاد وحماية البيئة 6. التدريس في مراحل التعليم المختلفة اللغة الواو على قولك مطلوبة في كل المجالات في البداية حتحسي انو كتير مصطلحات وكدا مع الوقت تصير اللغة واو ... http://www.skaau.ws/vb/showthread.php?t=48406 ^ زورينا تتعرفي علينا اكتر ... اي سؤال تاني حاضرين .. وبإذن الله تتخصصي في اللي تبغيه .. :)

ياقلبي عليكي وعلى طيبه قلبك والله يوفقك لانك مرررررررره حمستيني
طيب كيف أقدر أعرف أقل معدل أنقبل في الصيدله العام الماضي لانك رجعتيلي الامل

[R-Kh]

ياقلبي عليكي وعلى طيبه قلبك والله يوفقك لانك مرررررررره حمستيني طيب كيف أقدر أعرف أقل معدل أنقبل في الصيدله العام الماضي لانك رجعتيلي الامل

شوفي يا حبيبتي لا تسألي عن معدلات ولاشي
قدمي واتوكلي على ربك
كل سنة تختلف المعدلات فـ لو سألتي عن معدلات العام ماراح تفرق
...
قدمي صيدلية وان شاء الله ما تتقبلي
وفي حاله ما انقبلتي لا تزعلي
كملي حيوي ترم وحولي صيدلية وبالراحة تتعادل المواد لانها مره متشابهه
...
وبعدين لو دخلتي حيوي سهل تحولي عشان حتكون في سنة تحضيرية-الناس اللي بعدكم-
ويصير بالراحة التحويل
...
عموما قدمي واتوكلي على ربك وربي مايخيب ظنك
والشغلة ارزاق ومحد ياخد الا نصيبو
..
حنشوفك في يوم بإذن الله صيدلانيه قد الدنيا
بس لا تحبطي نفسك
ونفرح فيكِ ان شاء الله
..
:)