التدريب في مستشفى بخش

[وسام الامان]

السلام عليكم ورحمة الله وبركاته
صباح الخيرات
الله يوفق الجميع

الحمدلله ,بما انه تم قبولي للتدريب الميداني في مستشفى بخش لمدة اسبوعين ب750 ريال من السبت الى الخميس فاود ابلاغ لمن يرغب بمسارعة التسجيل فيها ,صح انا لما قدمت مو بسهولة يعني بعد ما حزنوا عليا عشاني تخهرج قبلو بس اللي حاب يتدرب الترم ده بسرعة قبل لا يرفعوا قرار بتوقيف التسجيل احسن لهم يروحو ده الاسبوع ماعليهم الا انهم يجيبوا افادة+بطاقة الجامعة+بطاقة الاحوال+صورة شخصية +سند قبض من نفس المستشفى وان شالله رح يحددوا لكم الوقت والايام .انا ان شاءالله ابدا الاسبوع الجاي واتممت التسجيل الاحد ده .وبالتوفيق للجميع

اللهم صل وسلم على الحبيب

[جروووحه]

الله يوفقك يارب وياليت تكتبيلنا تجربتك وكيف التدريب فالمستشفى

[وسام الامان]

تسلمي حبيبتي جروحة الله يسعدك يارب ,الحمدلله بفضل الله تميت التدريب كان من اروووووووووع التجارب كانت الحمدلله اول شي اتدربت في قسم البيوكمستري واتعلمت على انواع الانابيب واش يخض كل انبوب وعلى اجهزة جديدة غير اللي درسنا عليها وعرفت كيف تقرا العينات وكيف احطها في الجهاز وبعدين انتقلت قسم الهيماتولجي واتعلمت برضو على جهاز قراءة عينة الدم الكامل وكيف ادخل معلومات المريض وكيف اعمل اختبار الترسيب والتخثر والكشف عن الانيميا المنجلية ومعرفة فصائل الدم ,واللي بعده كان قسم جمع عينات الدم من العيادات الخارجية واتعملت كيف سحب الدم وطبقت على اثنين من اخواتي وعلى نفس الفني اللي دربني والحمدلله نجحت فيها واللي بعده انتقلت قسم الميكرو واتعلمت طريقة زراعة العينات واخر قسم كان الباراسايتولجي (الطفيليات) برضو كيف احلل عينات البول والبراز-الله يكرمكم- وكيف تحليل عينة (المني) وعمل اختبار الحمل يعني الحمدلله جمعت معلومات جدا روعة وكانو الفنين جدا متعاونين ولطفاء وممتازين في التعليم ويخلوني اطبق اول بأول الحمدلله يعني التجربة جدا ؤوعة استفدت كثير مع انه كانو بس اسبوعين لكن حسيت كانها شهر من كثر اني جمعت معلومات جيدة,واخر شيء دكتورة المعمل قيمتني واعطتني الحمدلله درجة حلوة
بس بقي اكتب التقرير الخاص بالتدريب واسلمه دكتورة سوسن خوجة وان شاءالله ربنا يسهل واتخرج على خير
نصيحة اللي حابة تتدرب في الصيف ومالقت في الجامعي تروح بخش لان المعمل صغير وممكن انت تدربي لوحدك او عدد قليل معاك فراح يركزوا لتعليمك والله الموفق
اللهم صل وسلم على الحبيب محمد