والدتي تريد ان تأخذ شهاده تربويه ...كيف ؟؟؟؟!!!

[طالبه جامعيه]

السلام عليكم ورحمة الله وبركاته //
والدتي متخرجه من جامعة الملك عبد العزيز
قسم دراسات اسلاميه انتساب من عشر سنوات تقريبا
وحاولت عدة مرات ومرات على تقديم وظايف علميه ولكن لاحياة لمن تنادي!!!!
والان قاعده تفكر انها تدرس تربوي بس ماهي عارفه وين وكيف ؟؟؟!!!
بمعنى هل ممكن تدرسها بالجامعه او ممكن تدرسها بأي مكان ثاني مثل المعاهد وغيرها .....
واذا كان تبغى تدرسها بالجامعه كم سنه مدة الدراسه وهل عليها رسوم وهل ممكن تدرسها انتساب او لازم انتظام
ارجو مساعدتي حتى استطيع افيد امي ونور عيني

[زوجة أروع رجل]

ياقلبي ممكن تقدم في جامعة أم القرى وان شالله بالراحة تنقبل
بس اللهم انها تتابع الموقع وتعرف مواعيد التقديم وعلى طول من يوم ما تسلم الملف وتدفع الفلوس
تضمن القبول بإذن واحد احد بس تحاول انها تكون من أوائل المقدمات عشان الأماكن محدودة
والرسوم 3000ريال تدفع مرة وحدة اول السنة
وكان معايا بنات اعمارهم فوق الأربعين ومن جدة والطايف
وبالنسبة لأم القرى سنة كاملة 3 أيام في الأسبوع
والتطبيق العملي في نفس الجامعة يعني مع زميلاتها وتقيمها الأستاذة على وقفتها والقائها بعكس التربوي المجاني اللي لازم تنزل مدارس
الله يوفقها واي استفسار حاضرة

[جرح الغلا]

الدبلوم التربوي بجامعة الملك عبد العزيز انتظام فقط ومدته سنة ونصف اول

سنه دراسة والترم الاخير تدريب عملي والرسوم 4000 ريال

ما عندي فكرة اذا في معاهد تعطي دبلوم تربوي

ان شاء الاعضاء يفيدونك وممكن كمان تتصلي بالجامعه

6400000 وتطلبي الدبلوم التربوي وتسالي عن اللي

تبين تعرفينه ...

هذا اللي اعرفة

تحياتي وتقديري لك ولوالدتك احب الامهات اللي عندهم طموح

بالتوووووووووووفيق

[طالبه جامعيه]

اشكركم على المرور وحسن الرد وفقكم الله