أرحموا من في الأرض يرحمكم من في السماء .. ارجوكم نبي نعرف نتائجنا

[كلام كليم]

الأخوان المسئولين بجامعة الملك عبدالعزيز

لنا اسبوعين أو اكثر وإحنا نسمع ان النتائج ستكون يوم الأربعاء وكل اربعاء ننتظر لكن للأسف ماشفنا شي

نتمنى ان يحسم الموضوع بأسرع وقت ممكن عشان كل متقدم يشوف وضعه لأن الموضوع بصراحة زاد عن حده

الإجازة الصيفية على الأبواب وإحنا الى الآن ماندري وش مصيرنا

لا احنا قادرين نقدم اجازتنا السنوية ولا احنا قادرين نرفع اوراقنا لأعمالنا عشان يوافقون على دراستنا ولا احنا قادرين نسوي اي شي والمشكلة غن اداراتنا تطالبنا برفع اجازتنا السنوية واحنا جالسين نماطلهم .. الى متى ؟!


إحنا نبي الموضوع ينحسم أم بقبول أو عدمه عشان نعرف وضعنا


انا على سبيل المثال موظف خارج جدة ومرتبط بأشياء كثيرة اذا تم قبولي
مرتبط بتقديم أوراقي وهذا يحتاج إجازة ومرتبط بنقل عملي الى جدة وهذا يحتاج الى اجراءات طويلة ومثل ماتعرفون الصيفية على الأبواب والمسئولين عندنا يأخذون أجازات وبالتالي كيف بقدر انهي كل هالإجراءات طالما المسئولين غير موجودين اضف الى ذلك انه اذا انهيت هذه الاجراءات سأرتبط بالبحث عن سكن في جدة وهذا ايضا يحتاج الى وقت طويل .. وغيري كثيرين ظروفهم تشابه ظروفي أو ظروف اصعب من ظروفي

كل الجامعات حسمت موضوع القبول منذ فترة وتوقعت جامعتنا الموقرة ان تحسم الموضوع من زمان لكن للأسف عندنا بعض الكليات اهملت كثيرا في ارسال النتائج الى عمادة الدراسات العليا وعمادةالدراسات العليا مصرة انها ماتعلن النتائج الا عندما تكتمل جميع نتائج الكليات وإحنا المتقدمين اللي ضايعين في الطوشة

ارجوكم انظروا في حالنا والله خلاص ماراح نقدر نصبر أكثر من كذا والله ملينا وطقت كبودنا

ارحموا من في الأرض يرحمكم من في السماء

[sbelady]

سوف اقوم بطباعة طلبكم واقدمه للمسئولين في الجامعة غدا الثلاثاء

[أمل وألم]

الله يعطيك العافية

[منصور66]

الله يجزاك خير اخي فيصل...

الحقيقة بأن الموضوع طول اكثرمن اللازم حتى اننا بدأنا نفقد الامل بالقبول...

[الاكاديمي بلس]

تجاوب بلا حدود من الاستاذ فيصل
له كل الشكر والتقدير

[كلام كليم]

المشاركة الأصلية كتبت بواسطة sbelady سوف اقوم بطباعة طلبكم واقدمه للمسئولين في الجامعة غدا الثلاثاء

اشكرك استاذي الكريم فيصل البلاي

والله يكثر من امثالك .. اتعبناك بطلباتنا وانت احرجتنا بطيبتك وسعة صدرك

الكثير منا يعرف ان سبب التأخير ليس عمادة الدراسات العليا وأنما سببه بعض الكليات التي تأخرت كثيرا في اعتماد اسماء المقبولين في اقسامها وبالتالي تأخر رفعها لعمادة الدرسات العليا التي هي ملتزمة بإعلان جميع النتائج في وقت واحد مما جعل النتائج تتأخر وبشكل كبير

مرة أخرى نشكرك يا أستاذ فيصل والله يوفقك دنيا وآخرة

[الحقيقة الكاملة]

الف الف شكر أستاذ فيصل

بصراحه تعجز الأقلام والأنامل بكتابه اشكر لك

على خدماتك هذي

[وجنة الورد]

لسا فيها طباعة طلب ونترجاهم عشان نتائجنا اش الجامعة هذي
والله ما توقعتها كذا
كرهتها والله وانا لسا مادخلتها
انا برضوه موظفة خارج جدة وآخذ اجازات بالهبل عشان اجي اسأل في الجامعة وفي النهاية ما نلاقي إلا كل سوء معاملة
ياليت المسؤلات زيي أخلاقك يافيصل البلادي

[متخرج ومتفرج]

كان الله في عونك اخي كلام كليم ومبروك القبول مقدما (( تفائلوا بالخير تجدوه)) وانا متفائل انك ستكون زميل دراسة بإذن الله لو لم تكن في نفس القسم على الاقل سنتلقي في هذا المنتدى الطيب

الاستاذ فيصل البلادي جزيت خيرا على سعة صدرك
الاقسام المتأخرة ليس لها حل ام ماذا يعني حرام نتأخر من اجل قسم او قسمين طلعوا الاسماء اللي عندكم والاقسام المتأخرة اول ماتوصل لكم اسماء المقبولين فيها نزلوها مباشرة

ترى والله حالتنا حالة واعصابنا على وشك تنهار

[كلام كليم]

المشاركة الأصلية كتبت بواسطة متخرج ومتفرج كان الله في عونك اخي كلام كليم ومبروك القبول مقدما (( تفائلوا بالخير تجدوه)) وانا متفائل انك ستكون زميل دراسة بإذن الله لو لم تكن في نفس القسم على الاقل سنتلقي في هذا المنتدى الطيب الاستاذ فيصل البلادي جزيت خيرا على سعة صدرك الاقسام المتأخرة ليس لها حل ام ماذا يعني حرام نتأخر من اجل قسم او قسمين طلعوا الاسماء اللي عندكم والاقسام المتأخرة اول ماتوصل لكم اسماء المقبولين فيها نزلوها مباشرة ترى والله حالتنا حالة واعصابنا على وشك تنهار

كان الله في عون الجميع .. والله يجبر بخاطرك يا أخوي متخرج ومتفرج وان شاء الله كل اللي بالمنتدى مقبولين .. لا اخفيك انه يهمني اكون من المقبولين لكن يهمني ان يحسم الموضوع أما بالسلب أو الايجاب عشان كل واحد يعرفه وضعه لأن التأخير ليس من مصلحة الجميع

وبالنسبة لفيصل البلادي فالكلمات لن توفيه حقه مهما قلنا فيه من مدح والله العظيم ما اقولها مجاملة لأنه اصلا لا يحتاج الى مجاملتي .. نتمنى ان نكون عندنا عشرات من فيصل البلادي

الله يوفق الجميع