اقتراح لطلاب الرياض بشأن تدريس المحاسبة ومالية واستثمار وبحوث عمليات

[d7om_1]

المشاركة الأصلية كتبت بواسطة feras351 للأسف مع تخبطات الدورة التأهيلية يقول ابو شهد بناء على استشارتة للغزالي ومدرس ثاني اسمه عبدالباسط ان الدورة التأهيلية الثانية تغيرت بعض المواضيع المشروحة واختلفت عن ملزمة ابو طرفة اللي كانو يوصون عليها الشباب من الاترام السابقة وعشان كذا اعتذر ابو شهد انه يدرسها وبنضطر نرووح لجده من بدري يا عند الغزالي او عبدالباسط ؟؟ واذا لكم رأي بالموضوووع نكون لكم من الشاكرين ..... والمعذرة للجميييع للاحداث اللي صارت ...

هلا فيراس الله يعطيك العافيه
للإيضاح فقط عشان يعرفون الشباب الماده اللي تقصدها هي بحوث العمليات صحيح؟
وباقي المواد يدرسها اللي هي (محاسبه 101/102 - مالية شركات - أستثمار) وإذا غلطان صحح لي

[طموح ـــي بلا ح ـــدود]

السلام عليكم ورحمه الله وبركاته

صباح الخير للجميع

اخوي ابوعبدالرحمن ما قصرت وبيض الله وجهك

اعذروني يا اخوان انا بقولكم الي حصل بالضبط

بس ابو شهد الله يسامحه باين عليه انه من جنبها كل يوم يلطع فينا وانواع الاتصالات وتنسيق معه

انتم عارفين انه اجل رحلته المره الاولي وقال انه بيجي يوم الاربعاء وارتباطات جده والواحد ما يعرف الظرووووف

اخذنا اجازة من العمل بعد التاكد ان ابو شهد بيوصل يوم الاحد او الاثنين وتم التنسيق معه للمره الثانيه وكلمته يوم الاحد وقال انا بالرياض
نبداء الاثنين وقلت ماشي وبعدها كلمك وقاللك انه خالع ضرسه ولا يقدر يدرس ورجعت اتصلت عليه قال الثلاثاء نبدا بحووووووث العمليات وقلنا متى قال 8 المساء ماااااااشي


ومالكم بالطويله اتصلت عليه 7ونص انا تحت عن الاستقبال وما يرد انواع الازعاج ومايرد حتى المصري طلع ودق باب شقته رقمها 11 ولا نفع وقلت للمصري ممكن احد ماره اول طالع يتمشى قال يا رجال الرجال واصل اليوم الظهر

وكانت المصيبه ليش يكذب ويقول عنه بالرياض وقبل صلاه الفجر كلمني وقال انه في اختلاف في الدورات وانه خايف على سمعته وانه وانه

واعطاني رقم الغزالي وعبدالباسط ونصحني اخذ الماده عندهم وانهم ماخذين الدوره الثانيه من الكلام الفااااضي


اتصلت اليوم الثاني على الغزالي وقالي بالحرف الواحد الماده عند الشعيبي وراح نشرح منهج الشعيبي وسيبك من الكلام بس يا اخوان نصيحه لا احد يرتبط مع مدرس من هنا لاني يوم كلمته قلت انا بوصل الوم الفلاني قالي اتصل علي واشوف ممكن مضغوط ولا اذا وصلت خير ان شاء الله

وانحكم انكم ما تترتبطون مع مدرسين لانهم بيضيعونااااااااااااااااااااااااااااااااااااااااااا اااا

ذاكرو الماده حقت ابو طرفه لان كل مدرسين جده راح يدرسونكم منها


والي اكتشفته ان ابو شهد ما عنده ما عند جدتي وسيبكم من كلام الشباب والتسويق والي ماله داعي


وفيه مواضيع سابقه للاخوان هنا يقولون انه ما يدرس بحوووووث العمليات بس انه كان يبي يجمع اكبر عدد من الطلاب ويقارن ايهم افضل دخل مادي واكتشف ان الاستثمار والمحاسبه افضل من البحووووث والله ولي التوووووفيق



اسف على الاطاله

[feras351]

المشاركة الأصلية كتبت بواسطة d7om_1 هلا فيراس الله يعطيك العافيه للإيضاح فقط عشان يعرفون الشباب الماده اللي تقصدها هي بحوث العمليات صحيح؟ وباقي المواد يدرسها اللي هي (محاسبه 101/102 - مالية شركات - أستثمار) وإذا غلطان صحح لي

صحيح كلامك يابو مشعل

على العموم واحد من الشباب بدأ مع الغزالي اليوم بجده وبنشووف وش ذا المنهج الجديد اللي طلع لنا ..

لو انزل منهجه سكانر هنا ونتناقش فيه .. حصتهم القادمة بتكون يوم الاثنين وبنشووف وش بيرسلنا اللي عند الغزالي

احس المنهج ماتغير بس هذي من حوسة كلام كاسر ويغمور ومسكو فيها ذولا المدرسين !!

[عجلان العجلان]

المدرس هذا مهوب صاحي الظاهر

اتصل عليه ومطنش ما يرد وشكلها عند الحسيني بجدة

[d7om_1]

ابو عبدالرحمن البحوث مو عندي هذا الترم يمكن أنزلها ترم صيفي لكن لا تبخل علينا بالمعلومات الخاصه بالبحوث

وبخصوص ابو شهد عندك خبر بأني ماخذ مادتين عنده (واللي يعتقد أني مسوق له نهاية الترم نبي نسخ للنتائج)

وعلى فكره المنتدى مو مقصر معنا تجدون أنواع الأعلانات الخاصه بالمدرسين الخصوصين لجميع المواد
يعني مش موقفه على مدرس واحد
والتوفيق أولاً وآخراً بالله ثم بأجتهاد الطالب بالمذاكره