معتمد على الله، ......... ثم عليكم يالشباب!!! أنا طالبكم ورامي العقال بعد !!!

[Amory Kantory]

السلام عليكمورحمة الله وبركاته

شباب الله يرضى عليكم أنا شاب لي في الجامعة سنتين وتخصصت المجال اللي أبيه ولله الحمد (الرغبة الثانية)، والحمد لله!!!
مشكلتي إن معدلي طاح طيحة بنت حرام الترم الماضي من الماتلاب (الله يهدي بالعمش) والفيزياء (الله يهدي الجميع)، والآن منزل مواد حلوة وجيدة وفي نفس الوقت قوية ولكن مشكلتي تكمن في الـ(النيوميركال Ee332) الله يرضى عليكم أنا عرفت طريقة الدكتور محمد الفهيد، هو دكتور يبغى يعقد المادة ويبغى الطلاب يجيبوا فيها درجات زفت يعني من 120 طالب يبغة 90% يجيبوا+c, C
وأنا حقيقة طماع أبغى أكثر بإرادة الله ثم بالمذاكرة .................
المذاكرة هنا المشكلة،،، دفتر الفهيد بسيط وما في تركات (مسائل فيها لفة) فأنا أبغى مواقع، كتب إلكترونية يعني عالويب سايت أو أي شئ أذاكر فيها المادة حتى لو مذكرات المدرسين الخصوصيين!!!

ويعطيكم ألف عافية ومساعدتكم لي لها آجرها إن شاء الله لأن من فرج كربة عن مسلم في الدنيا فرج الله له كربة في الآخرة.
وشكراً

[AhmadASG]

وعليكم السلام ورحمة الله

انا اخذت الماده الترم اللي راح واسمح لي مافي اي تعقيد بالعكس هو مبسطها ... لكن في شباب مع التبسيط مايذكر اول باول وينسى ووقت الاختبار صعب يتذكر بسبب نقص المسائل

المهم الكتاب تقدر تشوف اي كتاب رياضيات ... في كتاب مادة EE300 موجوده فيها كذا شبتر يتكلم عن دروس النيوميركال ... اسم الكتاب Advanced Engineering Mathematics 8th Erwin Kreyszig Solution

ومثل ماقلت انصجك تروح المكتبة المركزية وتمسك كتب الرياضيات وتدور عن الدروس اللي عندك مثل جاوس وووو وبتحصلها ان شاء الله

والله الموفق

[سفير النوايا الكويسة]

الله ..
رامي العقال بعد .. من متى وانت تلبس العقال يامحمد ههههههههههههههههههههههههههه

يؤ ..
اسف .. وش دراني انك انت محمد ؟!!

انا من رأيي انك تاخذ مثلك مثل غيرك C ..
وش فيها يعني ؟!!

عادي ..
زيك زي كل العالم ..


بالتوفيق حبيبي ..
بس حبيت امزح معك يا بعدي ..
وتراني ما اعرفك بسلامتك .. بس حببيت افرفش معك انت ووجهك ..
الا انت صدق اسمك محمد ؟!! ..

[AbO FahaD]

لاتزعل مني بس المشكله فيك الصراحه


اذا بلعمش مو عاجبك


والفهيد مو عاجبك

وش بتسوي لما تبدا في مواد التخصص

النيومركال اللي يبي يجيب فيها 95 يجيبها بالراحة

[الحذر]

المشاركة الأصلية كتبت بواسطة AbO FahaD لاتزعل مني بس المشكله فيك الصراحه اذا بلعمش مو عاجبك والفهيد مو عاجبك وش بتسوي لما تبدا في مواد التخصص النيومركال اللي يبي يجيب فيها 95 يجيبها بالراحة

انا اايد ابو فهد يعني ما جيت الا على احسن دكاترة

انت انوي النية في النوميركل و راح تجيبها و انت تضحك