استشارتكم في المواد جزآكم الله خير ..

[mola]

تحليل اقتصادي جزئي أنصح ب كوثر شغراب

[نورا ~]

شكراً مولا
طيب تحليل احصائي مين ترشحوا ؟؟

وعذراً أخطأت فوق مو مادة حره , عندي مادة اختيارية ,,
ممكن المواد الإختيارية ؟
أفضل وأحسن مادة تكون 3 ساعات مع أستاذتها أو أستاذها ؟

جزيتم خيراً جميعاً

[Do0na]

ياعسل شوفي انا بقولك بختصار الي انا حاستة مناسب بما اني مريت بالمواد كلها


* مباديء اقتصاد جزئي .. دكتورة كوثر شغراب وبس اخلاق حقانية وتاسسك صح خصوصا انو الاقتصاد كلو يعتمد على جزئي وكلي يعني لازم تشدي حيلك فيها وكمان لانو تحليل اقتصاد جزئي ماينزل الا معاها فحلو لمن يكون كلو مع نفس الدكتورة وانتي متعودة ع اسلوبها , طريقة الشرح للدكتورة واضحة جدا تحب تملي المحاضرات وانتي تكتبي معاها الاسئلة واضحة صح وخطا اختياري ورسم

* محاسبة .. دكتورة ريم صقر برضو انسانة حقانية تعيد الشرح مليووون مرا لو تبغي , جايا تشرح وبتشرح من دون ماتتافف حتى تروحين المكتب وتشرح ولاعندها اي مشكلة , الاسئلة كانت موحدة وتضمني معاها انو تتاسسي صح خصوصا اذا كان 101 مع دكتورة مو تمام ومافهمتي معاها واسهل من 101 بكثثثثير سحر مهران اتوقع تدي بس خذي مع ريم نصيحة

* نقود وبنوك ... مع دكتورة حاجة اخلاق تساعد امانة شرح مو قد كذا بس احسن من غيرها بكثير

* لغة عربية .. الماادة جدا سهلة اخذتها مع دكتورة عتيبية ناسية اسمها الله يسعدها وين ماكانت يعني اقدر اقلك اضمني a+ في ذي المادة بالراحة جدا سهلة

اما المواد الي باقيتلك إن شاء الله :

* ثقافة اسلامية ... اسئلة موحده ناسية مع مين اخذتها بس احس مايفرق لانو راح تذاكري من الكتاب لحالك لانو الشعب تكون اكثر من 100 طالبة والدكتورة تشرح لنفسها

* تحليل اقتصاد جزئي ... تكررررار لي اقتصاد جزئي واذا قررتي تاخذية مع كوثر فقدر اقولك لاتخافي راح تنبسطي كثير في المادة وتجيبي درجة عالية وتحسين انو مافي شي جديد عن مبادئ جزئي ولاترمي المحاضرات لانو راح تستفيدي منها

* مالية عامة .. زي ماقال الاخ نزليها مع دكتور خالد تجيبي درجة والمادة اغلبها نظري وكم مسالة ينعدو ع الاصابع الشرح كويس الاسئلة كانت صح وخطا وفي النهائي جابها نفسها الصح والخطا بس ع شكل اختياري

* مادة حره ... صحة نفسية رمزها HED 424 حلوة المادة وسهلة لحد يقولك صعبة خذيها مع دكتورة اقبال

* تحليل احصائي ... دكتورة سناء اخذتو معاها شرحها ماشاء الله اقدر اقول ممتاز حقانية واخلاق تحب الطالبة المهتمة اسئلتها كانت مسائل بكون المادة رياضية


بس بخصوص جدولك الترتيب الي اديتك هوا حلو بس 4 مواد مممرا قليل لو كل ترم 5 يكون حلو يعني العربي ماراح ياخذ منك مجهود كثير فلو تحطي مادة نظرية كمان يكون احسن

تخصص اعمال ايوا مفتوح انا متخصصتو

http://www.skaau.com/vb/showthread.php?t=108580
الرابط هذا بيتكلم عن التخصص بشكل عام
التخصص له وظائف مطلوبة في كل مكان وحلو وجديد وتغيير من الروتين الي في الجامعة خصوصا انو اغلب تخصصات الكلية زي ا دارة اعمال ومحاسبة وادارة عامة كلها فيها ناس كثير وناس متخرجين ومالهم وظائف
وفي الاخير الارزاق بيد الله وربي يفتحها ان شاء الله علينا كلنا بس احنا نسوي الي علينا

وبالتوفيق يارب

[نورا ~]

^^
الله يسعدك أختي يارب
سهلتي عليا مهمة الدكاترة , الله ينورلك طريقك

أنا باقيلي بس 9 مواد عشان أتخصص في الإقتصاد
فقلت أخذ الترم الثاني 5 يسير باقيلي 4 للترم ألي بعده , من وين أجيب مادة زيادة ؟
مادة حره ماعندي ’ طلع عندي مادة اختياري بس مو عارفه إيش هيا المواد ..
إذا تقدري تفيديني فيها ..


ممكن أبدل بين التحليل الإحصائي وتحليل اقتصاد جزئي
يعني أخذ الترم الثاني اقتصاد جزئي مع تحليل اقتصاد جزئي مع محاسبه
والترم ألي بعده أخلي التحليل الإحصائي ؟
أفيدني الله يسعدك ..


أنا كنت معارضه الإقتصاد في البداية
بس بعدين فكرت وراجعت نفسي وعرفت إنه كل شيء الأن قائم على الإقتصاد
وحمدت ربي إنه كتبلي هذا التخصص الحمد لله
وزي ماقلتي الأرزاق بيد رب العالمين
شكراً لكِ
وجزآكِ الله خير

[Do0na]

ممكن أبدل بين التحليل الإحصائي وتحليل اقتصاد جزئي
يعني أخذ الترم الثاني اقتصاد جزئي مع تحليل اقتصاد جزئي مع محاسبه
والترم ألي بعده أخلي التحليل الإحصائي ؟
أفيدني الله يسعدك ..

مو تحليل اقتصاد جزئي متطلب لمبادئ الاقتصاد الجزئي والافضل انك تاخذين المبادئ اول عشان يسهل عليكي التحليل
ومشرفتك امكن ابدا ماتسمحلك تاخذينهم سوا في نفس الترم والاوديس امكن مايقبل انك تضيفينهم سوا يقولك لهذة المادة متطلب

الترتيب الي اديتك هوا مره كويس وحترتاحي فيه ان شاء الله

الثقافة سهلة والمادة الحرة سهلة يعني مجهودك حيكون في التحليل الاحصائي


شوفي ياقلبي

مبادىءالمحاسبة 2
تحليل اقتصادي جزئي
تحليل احصائي(2)
نقود وبنوك
مالية عامة
مقرر اختياري

مبادىءالمحاسبة
مبادىء الادارة
مبادىءالاقتصاد الجزئي
مبادىءالاقتصاد الكلي
تحليل كمي (2)
الثقافة الاسلامية (2)
اللغة العربية (2)

هذي مواد خطتي للمستوى الثالث والرابع

عندك مادة مبادئ الادارة مادة نظري بس دسمه وكلامهااا مرا كثثثير

بس اذا بتتخصصي اقتصاد تقدري تاخذيها دحين عادي وهيا اصلا اجباري في الخطة

تخصص الاقتصاد حلو بس اهم شي انتي استخيري وربي يكتبلك الي فيه الخير يارب

[نورا ~]

أنا الترم هذا أخذت :
مباديء محاسبة 1 / مباديء إدارة / اقتصاد كلي / تحليل كمي / ثقافة 1 / عربي 1
ونفس خطتي كمان

بس معليش ممكن تكتبيلي ترتيبك مره ثانية
لأني ملخبطه بقوه ..
الله يسعدك ويوفقك وينورلك طريقك يارب
شكراً لكِ

[Do0na]

العفو ياقلبي ماسوينا شي


واسفة ع التاخير ... هذا الترتيب

* مباديء اقتصاد جزئي ...
* محاسبة ...
* نقود وبنوك ...
* لغة عربية ...

اما المواد الي باقيتلك إن شاء الله :

* ثقافة اسلامية ...
* تحليل اقتصاد جزئي ...
* مالية عامة ...
* مادة حره ...
* تحليل احصائي ...


بس مو تدعين عليا اذا مارتحتي في الجدول هوا اولاً واخراً مجرد اقتراح

انا اعطيتك رايي من خلال تجربتي وكوني عرفت اسلوب كل مادة نظري ولا عملي والمجهود الي تطلبو

وبالتوفيق يارب

[الفتاة الطموحة]

بس نقطة لو لقيتي نقود وبنوك مع حنان جشعم افضل من ناحية الاسئلة وتبسيط المادة من الدكتورة حاجة امام طلعت عيوني لم اخذت معاها نقود وبنوك

والباقين ماقصروا معاكي الله يعطيهم العافية

[نورا ~]

Do0na

شوفي هذا ترتيبي ..
مباديء اقتصاد جزئي
تحليل احصائي
محاسبة 2
لغة عربية 2
نقود وبنوك
أنا كذا رتبت الجدول لهذا الترم

بس الفتاة الطموحة قالتلي نقود وبنوك مع أستاذة حنان أفضل
وأنا لقيتها مع أستاذة حاجة الإمام
وأبغى أخذ أول مباديء اقتصاد جزئي بعدين التحليل أحس كذا أفضل
أحس مرتاحة لهذا الجدول أكثر ..

شكراً لكم جميعاً
ولو عندكم أي إضافة أفتوني فيها

[Do0na]

ترتييبك حححلو وان شاء الله يرتفع فيه المعدل بسهولة

ومبادئ الاقتصاد اصلا ضروري تاخذيها قبل التحليل لانها متطلب

وبالتوفيق يارب