خـطواتنـا للإعتـراف بنـا من قبـل وزارة الصحة سواءً كيمياء حيوي أو أحياء دقيقة

[بيو كيميائية ^_^]

المشاركة الأصلية كتبت بواسطة مياسة العود ايوا صح أنا اتدربت ولاحظت فرق التعامل معانا مشرفة فلبينيه كانت تشرف عليا وتعلمني الحاجات بلاب الهرمون بالمستشفى أول ما عرفت اني بايو كمستري صفتني بالحيط بالرغم انه كل اللي قالته من معلومات احنا درسنا عنها ونعرفها لكن اخدين فكره عننا انو احنا تخصصنا أي كلام تخيلي فصل سيروم عن عينة دم سهله ما تحتاج وياما سويناها بمعمل التغذية وأيض2 متدرب تقنية مختبرات ما عرف يسويها رغم انه طالع سنة خامسه واحنا نعرف لها وطافحه من عيننا وأشياء كتيره جدن احنا نعرفها وتخصصنا يأهلنا نشتغل بالمختبرات لكن أبدن فكرتهم عن البايو كمستري مييييييييح وفي حاجات تانيه ما أنكر انه احنا معلوماتنا فيها ضئيله وتحتاج مناهج تدعمها زي البارا..الهيماتولوجي..سحب الدم.. جزء الأمراض زي كدا بلس تدريبي كان 4 اسابيع في كل اسبوع في سيكشن معين صراحه ما الحق أستفيد من قسم وآخد عالجو الا اتنقلت قسم تاني ما مدا المعلومات ترسخ يعني حتى لو قالوالي تدريب 6 أسابيع أحسن وانتي اتدربتي 4 أسابيع راح أقول مدة التدريب سواء 4 أو 6 أسابيع غير كافيه اننا نتعلم طريقة الشغل وترسخ ويسير عندنا ذخيره معلوماتيه عمليه * في حاجه ابغى أذكرها احنا تصنيفنا من قبل الوزارة فنيين مختبر اذا درسنا ماستر نسير أخصائيين مختبر ودا بسبب تدريبنا :( تخصص تقنية مختبر يتدربوا على مدار عامين في سنة خامسه وسنة الامتياز تخصصهم يغلب عليه الطابع العملي عشان كدا هم مقبولين ويصنفوا أفضل مننا احنا اللي طالبينو مجرد سنة تدريب تتوزع بين 5 شهور لأقسام المختبر الخمسه و3 شهور لقسم معين و4 شهور لقسم معين تاني أو تتوزع بطريقه تانيه بس المهم نطلع بفايده من تدريبنا ودراستنا ويسير فيها طابع عملي ونظري وليس نظري فقط وبس عسا ما اكون طولت انا عادتي لما اتحمس اهرج كتير على الله اللي يكون في بالي يكون وصلكم ولما ارجع تاني افتكر حاجات حقولها ولا تنسوا كمان هالله هالله فيكم ايش أفكاركم :)

عـادي إهـرجـي كثير

ليه مهملين تخصصنا وهم كلهم يدرسونهـ

أفكاركـ مرة رائعة بحسب خبرتك

إن شاء الله نرتب كل الأفكار في ملف ورد حق نعطيهمـ إياهـ

المشاركة الأصلية كتبت بواسطة -.-Hawazen-.- بيوكيمائيه .. صراحه لفتتك للموضوع في مكانها .. انا ماكنت ادري بالكلام هذا كله وغالبا غالبا مدة التدريب ماتقل عن 6 شهور ,, عشان لو قالوا سنه كثير علينا ,, واستغرب في ناس تدربوا 4 اسابيع وناس 6 ويقولون اللي يتدرب بمستشفى الجامعه اقل واقل بحد ذاته الشي غلط مفروض كلنا زي بعض والمده موحده للجميع ,, مياسسه العود .. بصراحه كلامك عين العقل وموزون جدا وكل اللي قلتي عليه انا مؤيده له 100 % بالعكس كل مازادت الفتره الدراسية كان أحسن لنا .. وكمان بيفيدنا في مسالة الرتبه في سلم الوزارة .. اذا مو معترف فينا ليه يدربونا من الأساس انا اقول ماله داعي اصلن لان المستشفيات ماراح ترضى تشغلنا في المختبرات اذا ماكان لنا تصريح و خبرة على الاقل 3 شهور أما بالاسابيع هذي من جد مو معترف فيها .. وانا معاكم في اللي تقولوه واذا ماتطبق الكلام هذا علينا ان شاء الله اللي بعدنا يستفيدون لين متى واحنا نعاني من هذي المشاكل في جامعاتنا الجامعات غيرنا خلاص مرتبين امورهم وكل شي وحاسبين حساب اي مشكله بتصير ماتلقون عندهم مشاكل انو هذولي مو معترف فيهم وهذولي مدري وش فيهم أتمنى يرتقي بنا التعليم لاعلى من كذا وشششكرا ,,

مدامـ مو معترفين بنا ليه فاتحين القسم دائمًا أتسائل

إن شاء الله تنحل المشكلة

المشاركة الأصلية كتبت بواسطة لوفه تتوقعوا رح يوافقو لنا طيب نقدر لو اخذنا الماستر نقدر نعمل ابحاث في مركز الملك عبدالله للابحاث ؟؟؟؟؟؟؟؟؟؟؟؟؟

إن شاء الله

خلنا نتأمل

مادري

المشاركة الأصلية كتبت بواسطة R-Kh الرجاء عدم الخروج عن صلب الموضوع وسيتم حذف المناقشات الجانبية ..

ok

[اهات جامعية]

بناااااااااااااااااااااات انا معاكم
مياسه العود كلامك درررررررررررر

[سحر الوجدان]

انا كمان معاكم وبحاول اشجع الى معايا
ومياسة يا حلوة كلامك جدا" رائع ..واسلوبك مقنع<<فتحتي انتى وبيو عيوننا على اشيا كثيرررررة ^_^
وبأذن الله يتحقق مطلبنا
ومن توكل على الله فهوة حسبه
^_^

[اريج العمر]

وانا بعد معاكم
وبحاول ان شاء الله اقنع اللي معي ..
منجد الواحد يبي يتخرج ويستفيد مو يجلس في البيت
يسلموووو يالغلا على فكرو الموضوع اللي صدق كنا غافلين عنها
وان شاء الله يسمعولنا يااارب وياخذو بأرانا لو شوي .. يعني ماتوقع تفرق معهم

[Qꊚǻђ MǻήŠұǻ]

وأنا معاكم ... وجاري نشر الخبر
يالله ترى مو على كيفيهم ما يعترفوا فينا ..
نكرف 4 سنيييين وع الفاضي ...
طيب ليييييش فاتحين التخصص ... وتدريب وحووووسه وفي النهاية


وعجبتني فكرتك بيو زيادة مدة التدريب ,,, رح تفيدنا كثييير ...

يعطيكــ ربي الف عافية انتي ومياسة ..
سيروا ونحن من ورائكم
وبالتووفيق للجميع ^_^

[وتر الإحساآآس]

بصراآحة قسم البيو مرة مفيد في حياتناآ ومهم وعملي

وممتع كماآن بس ناآقصهـ شوية تنظيم واهتماآم

طبعًا معاكم عليهم =)

والي يقهرني فترة التدريب أتمنى مدتهاآ تكون أطول عشاآن بجد نستفيد منهـ :/

وفي حاجاآت كتييرة أبغى أقولهاآ خليني أرتب أفكاآري وأرجع إن شاء الله ^_^

[بيو كيميائية ^_^]

فـي إنـتـظـار أفكــــــاركـ

بالتوفيق لنـــــا

[batbot]

بيوكميائيه
جاتني فكره
ايش رايك تحطي ورقه التوقيع عند لوحه الاعلانات
اللي عند رئيسه القسم.<< بعد ما تكلموها طبعا عشان لاحد يشيلها

وبالتوفيق

[Aziza Yahya]

^
^

مررره قوووود

عشان نضمن إنو نجمع اكبر عدد للتوقيعات

[مياسة العود]

يب فكره حلوه

بنوتات حبايبي

لازم قبل ما نكلم رئيسة القسم نجمع اصوات كثيره

ولما ندخلها ندخلها مجموعه ناخد منها موعد

ونجلس معاها ونتكلم عن مقترحاتنا بالقسم

وايش نبغى وايش ما نبغى

ايش رايكم ...:)