كم معدل دخول قسم الاقتصاد ؟

[glitter]

مساء الخير عالجميع ..
أنا طالبة انتظام مسار إداري وناوية أحول الترم الثاني من كلية الآداب للإدارة والاقتصاد ينفع ؟ و أبغى أعرف المعدل المطلوب لدخول قسم الاقتصاد ؟
وشكرا

[سمـــســـووم]

شوفي تقدري اظن تحولي من كلية لـ كلية بس دخول قسم الاقتصاد مدري تقدري تدخليه أو لا لأنه صآر للمسارات العلمية

افضلك تروحي تسآلي بنفسك الشئون التعليمية

[glitter]

أنا حسب علمي ينفع لأنو سمعت من بعض البنات اللي مسار إداري قدروا يدخلو بس بشروط لكن مني عارفة التفاصيل وحبيت أتأكد من أعضاء الإدارة والاقتصاد وأعرف المعدل المطلوب لدخول قسم الاقتصاد

[battota]

^^

لا الشروط دي على دفعه 10 اللي هي احنناا ,,,,,,وندرس كيميا اوو فيزياا
بس اظن خلاص صار علمي وما تدخليه الا اذا دخلتي علمي

بس اتاكدي
وع فكر ه الاقتصاد بدووووووووووووووووووووون معدل خخخ

[glitter]

أنا سألت الشؤون التعليمية يوم الإثنين آخر أسبوع في الاختبارات النهائية وقالتلي وحدة إذا أنا من دفعة 2011 وقلتلها إيوا فقالت ينفع بس لازم أول شي أنقبل في الكلية
الله يقدم اللي فيه الخير وشكرا للجميع على تجاوبهم معايا

[abdullah21]

قسم الاقتصاد ما يتشرط على الطلاب والطالبات زي المحاسبه والقانون
إن شاء الله لو معدلك و1 من 5
يقبلك يقولك يا مرحبا

[glitter]

شكرا عالإفادة ويعطيك العافية

[abdullah21]

المشاركة الأصلية كتبت بواسطة glitter شكرا عالإفادة ويعطيك العافية

بس تبغي نصحتي ادخلي قانون افضل من الاقتصاد في مليون مره
واذا معدلك ما يسمح عادي تخصصي ادارعه عامه وارفعي المعدل وحولي الى القانون اصرفلك من الاقتصاد

[glitter]

لا معدلي عالي ويسمح بالراحة بس أنا أساسا ما حبيت أقسام الإدارة والاقتصاد حقت المسار الإداري لا القانون ولا الإدارة العامة وحاسة إنو الأقسام العلمية أحلى و أسهل

[glitter]

أنا مني مصرة عالاقتصاد بس حبيت أعرف معدل القبول فيه ومحتارة بين كذا قسم زي إدارة الأعمال والتمويل ونظم المعلومات الإدارية والاقتصاد والمحاسبة بس أهم خطوة عندي إني أنقبل في الكلية