بليييز ابغى احد يعطيني فكرة عن الاحياء

[MS.Sowaleh]

السلام عليكم

انا طالبة خلصت التحضيري اخيرا
وانا حابة ادخل قسم الاحياء فياريت يعني لو وحدة تقولي
مثلا ايش طيبعه الدراسة في الاحياء العملي اكثر او النظري
ايش طبيعه المادة وايش الانطباع الشخصي عنها
وقد ايش الفترة اللي رح ادرس فيها احياء عام وبعدين احدد (نبات _حيوان.....)
وتنصحوني فيه والا كيف
واخر شي (معليش طولت عليكم)ايش وضع المواد غير الاحياء زي الرياضيات احصاء بتاخدو مستوى ثاني منها في التخصص والا كيف

وشكرا اتمنى احد يجاوبلي على طلبي وشكرا مقدما

[MS.Sowaleh]

ايش يا جماعه ما في احد هنا احياء

[R-Kh]

مثلا ايش طيبعه الدراسة في الاحياء العملي اكثر او النظري

لكل ماده جزء عملي وجزء نظري
...

ايش طبيعه المادة وايش الانطباع الشخصي عنها

انا اخدت احياء1 واحياء 2 وبيولوجيا خليه (كلها مواد من قسم الاحياء)
هيا تعتمد على الحفظ في جزئيات وجزئيات تعتمد على الفهم
بالنسبة لـ احياء 2 اخدتها مع د/سهيلة قاري
وبصراحة انسانه رائعه
تفهمك المنهج فهم
فبيصير الحفظ جدًا سهل
وبالنسبة لمادة بيولوجيا الخلية كانت سهله بس تعتمد جدًا على الحفظ وفي اجزاء فهم
وبالنسبة لبقيه مواد الاحياء مااعرف عنها لانها مو تخصصي
...

وقد ايش الفترة اللي رح ادرس فيها احياء عام وبعدين احدد (نبات _حيوان.....)

حتدرسي 5 أترام عام
والترم الـ 6 تخصصي حيوان أو نبات أو دقيقه
انتِ خلصتي ترمين(السنة التحضيريه) يصير باقيلك 3 أترام
ودي الخطة لقسم الاحياء (نبات حيوان دقيقه)
http://sciences.kau.edu.sa/Files/130...Plan%20Bio.pdf
...

واخر شي (معليش طولت عليكم)ايش وضع المواد غير الاحياء زي الرياضيات احصاء بتاخدو مستوى ثاني منها في التخصص والا كيف

لا ما تاخدي رياضيات او احصاء مستوى تاني
بس تاخدي كيمياء عضوي وكيمياء حيوي
(في الخطه حتلاقي المواد بالتفصيل)
...
وبالتوفيق يارب
واي اسئلة اسألي عادي
...
بس على فكره
قريبًا حيفتحوا تخصص جديد في الاحياء
اسمو (تقنية حيويه)
بس لسا ممكن عالسنة الجيه أو اللي بعدها
يعني وقتها انتِ تكوني خلصتي الـ 3 اترام اللي باقيتلك وتختاري (حيوان-نبات-دقيقه-تقنية حيويه)
ويارب تدخلي اللي تبغيه
..
:)
:)

[ocean heart]

ايش يعني تقنيه حيويه <<< أنا كمان تحضيري و ابغى اتخصص احياء بس راح أتخصص متأخر شويا ع الترم التاني من السنه الجديدة ان شاء الله فا ممكن الحق عليه ولاا كيف

وبعدين ابغى احياء مايكرو فا ممكن تفيدوني ع القسم هاده

[M!Ss AmoOoLa]

المشاركة الأصلية كتبت بواسطة ocean heart ايش يعني تقنيه حيويه <<< أنا كمان تحضيري و ابغى اتخصص احياء بس راح أتخصص متأخر شويا ع الترم التاني من السنه الجديدة ان شاء الله فا ممكن الحق عليه ولاا كيف وبعدين ابغى احياء مايكرو فا ممكن تفيدوني ع القسم هاده

تقنية حيوية قسم بيفتحوه قريب طالبات احياء 08 بيكونو اول دفعه بإذن الله تتخرج من هاالقسم الجديد

يعني انتي ياحبيبتي اكيد حاتلحقي عليه وباالراحه ان شاالله

بس مااعندنا خلفيه عن التخصص تقنية حيويه بس اكيد تخصص ممتاز وجديد ومطلوب في سوق العمل نيالهم الي بيدخلوه ان شاالله

اما احياء مايكرو مره رووعه وحلو بصراحه
سؤال/ انتي ليش بتتخصصي بعد المستوى الثالث ؟؟==>سؤال بريء

[Dr-Bro0r]

التقنيه الحيوية اعتقد انه يتلكم ع علم الجينات وهوة قسم له مستقبل اكثر من غيرهــ ....

وبالتوفيقــ للجميــع ,,,!

[R-Kh]

ايش يعني تقنيه حيويه

وبعدين ابغى احياء مايكرو فا ممكن تفيدوني ع القسم هاده

بكره تلاقي اجابة سؤالك
..
:)

[ocean heart]

مره شكراً كلكلم والله مره فدتوني

و يا عسل انا ما راح اتخصص في المستوى التالت بس انا مع الترم الجديد الي راح اخدو راح يكون لي تلات اترام وبس <<<< اهم شي تلات اترام تحضيري

كدا فهمت سؤالك ومره شكرن يا حبي على ردك ع اسئلتي الله يعطيكي العافيه

[MS.Sowaleh]

مررررررررررررررررررة شكرا وربي يعطيكم العافية على مروركم اللي اسعدني
وتوضيحك الرائع r-kh



ويارب يكون القسم الجديد دا عن الجينات لانو من جد انا احب دي الاشياء مرة فرحت لما قلتو كذا يا الله والله مررررررررررة مبسوطة

[طلال الغامدي]

سلام عليكم .. أختي

عن نفسي متخصص أحياء دقيقة دخلت التخصص على طوول ( يعني مافي شي إسمه أحياء عامة بعدين تتخصصي) .. طبعا بالنسبة لقسم البووويز معرف إذا نفس الشي ولا لأ عندكم ..
المهم عموما الأحياء تقريبا كل مادة لها معمل .. يعني شغلها معااامل .. طبعا بالنسبة لمجالات العمل حسب كلام الناس والله أعلم الأحياء الدقيقة << أحسن قسم .. مجالاتو في المعامل الطبية والتدريس ووزارة الصحة وبعض الوزارات كمان تطلب زي كدا حاجات << يعني إن شاء الله تمام ..
وبالنسبة للدراسة طبعا تعتمد على الحفظ أكثر من الفهم لكن فيه فهم طبعا ( 80% حفظ) .. عموما القسم ممتع وفي رأيي أحسن تخصص في كلية العلوم ..

إن شاء الله أكون أفدتك ..
بالتوفيق في حياتك العلمية والعملية .. :)
مع السلامة