امريكي سافر الى بلد عربي بس علشان يقـــــــــــــــــــــــــول.....؟!؟!؟!

[كلي حمااااس]

المشاركة الأصلية كتبت بواسطة عموريahli مستحييل انشر الدعوة في أمريكا وللا مصيري بيكون زي حميدان التركي الله يفرج عنه بس ممكن في اوروبا على مااعتقد .

صحيح صعب
لكن بعلق بعد شوي اقرا ردي اوكي =)

المشاركة الأصلية كتبت بواسطة صوت الفجر الحمدلله الذي هداهـ ،، كيف هي وجيهينا يوم نلقاه ولم نُرشد بشر للأسلام ..!! ياااااارب يسُلم شخص عن يدي قبل ان تُقبض روحي شكرآآآ كلي حماس ’’

الحمدالله
أخخخ
يارب اميـــــــــــــــــــ^_^ـــــــــــــــــــــــــ ــــن
ان شالله ع يدنا كلنا^^يارب
العفو عسوله
الله يسعدك مانسيتك ترى

المشاركة الأصلية كتبت بواسطة мαѕooяy سبحان الله نصيبه أن الله يهديه ويجعله من المسلمين .. والله يرحمنا يآرب برحمته ... آشكرك

سبحان الله
امــــــــــــــــــــــــــ^_^ـــــــــــــــــــ ـــــين
العفو

المشاركة الأصلية كتبت بواسطة m!ss.7lawa الحمدللهـ الذي هدآهـ بس فعلآ زي مآقآل عمووووري لو رحنآ ننشر الإسلآم في الغرب وش اللي يضمن سلآمتنآ وسلآمة الدعآة مش همآ أطلقوا علينآ اسم الإرهآب ؟؟؟؟؟؟؟؟؟؟؟؟؟؟؟؟؟

الحمدالله
برضو انت كمان اقري ردي الي بعدو اوكي ^^

المشاركة الأصلية كتبت بواسطة تـفـاااحـه سبحان الله دائما الاحظ انه حديثي الاسلام يكون اسلامهم قوي .. مو المسلمين الى عارفين دينهم من صغرهم ومتربين عليه وبرضو مقصرين في حق الله وفي نفسهم ... >صحيح ماشالله ما ادري امكن عشان كانو قبل ما يسلمو بحال وبعد ما اسلمو صارو بحال افضل .. اللهم اهدينا واهدي الملمين اجمعين وارحم امواتنا جميعا ... >اميـــــــــــــــــــــــــــــــ^_^ــــــــــــ ــــــــــــــــــــــــــن بس برائي انه بعد الاحداث الى صارت الاسلام انتشر واتعرف في كول مكان وما يحتاج تعريف عنه .. صحيح الي يحتاجه انه يعدل ويشرح معنى الاسلام ويعدل من صورته الى شوها الغرب .. ممكن معليش بس في شي تاني .. اصوات الاهات والموسيقي الي بالمقطع مطيه على صوت الشيخ او انها اعلى من صوته لو في طريقه او برنامج اقل افصل بينهم يا ريت احد يقلي عليه ... >للافس الافيس ماافقه في التكنكل ثنقز ولا كان ساعدتك^^ اسفه طولت بالهرج الكتير ...

بالعكس خذي راحتك المهم ونتعلم و نستفيد من اراء بعض = )

[كلي حمااااس]

فتوضيحات مهمه لازم اقولكم عليها بس ان شالله لمن افضى ليا باك ^^

[كلي حمااااس]

السلام عليكم^^
اسفه تأخرت عليكم
...

انا اتفق معاكم انو صعب الدعوة في امريكا

يبغالها شخص قلبو حديد

بس اتوقع انو الوضع في السنوات الاخيره سار

احسن واخف من زمان والله اعلم

واتفق معاكم كمان انو سار الاسلام منتشر معروف

لكن مو في كل الاماكن

في امريكا و اروبا نسبه انتشاره معقوله وفي افريقا النسبه اقل

وفي اسيا بستثناء ماليزيا واندنسيا

في الدول الاخرى جدا نسبه الاسلام قليله

صحيح هيا في ازدياد لكنها تعتبر جدا قليله

والغالب عندهم البوذيه والكنفشوسيه حتى المسيحيه جدا قليله

اما الاسلام شبه معدوم

لدرجه انهم يستغربون ايش يعني اسلام ما سمعو عنه تخيلوا!!!

طيب خلونا نتناقش اكثر في الموضوع

ونطرح كم تساؤل موجه للجميع وانا اولكم

علشان نستفيد اكثر

= )

ايش رايكم؟؟

يالله انا بسأل كم سؤال خطرت في بالي وأبغى كل واحد فيكم يجاوب عليها

ياترى احنا ايش الي يخلينا مقصرين ؟؟

ايش عذرنا

<<<هل مافي وقت >>>>

لو ماعندنا وقت كان ماسجلنا في منتديات !!

انتو جالسين تقرون موضوعي

كيف حصلتو وقت للقرايه؟؟

وانا جالسه ارد عليكم يعني عندي وقت

يعني لا انا ولا انتم لنا عذر

طيب يمكن احد يقول احنا في اجازه نبغى ننبسط مانبغى نلتزم بشي هذا غير كثرت المناسبات والسفرات والخرجات يعني مرا مافي وقت نتمنى يكون في وقت فاضي واذا لقينا شويت وقت فاضي

نبغى نتسلى ولا نبغى نلتزم بشي

اقولكم على حل سحري يخليك تلاقي وقت فاضي تنجز فيه الي تتمنى وكمان ماتنحرم من الوقت للتسليه

؟!؟!

الحل بكل بساطه هو تنظيم الوقت بالورقه والقلم حسب الاولويات

يعني الحياه هذي لعبه وقت متى ماخططت لوقتك كويس وحددت ايش اولوياتك وايش اهدافك وقسمتها ع اوقات محدده

تتناسب مع ظروفك الخاصه تقدر تصنع المستحيل

اذا جربتو هذي الطريقه حتتفاجئو من نفسكم انكم تقدرون تقومو بكل واجباتكم وكل مشاويركم

ومع هذا كله حيزيد عندكم وقت!!!

خلصنا من عذر وقت

<<<<هل سبب تقصيرنا لاننا ماعندنا اودوات تساعندنا>>>>>

انتو جالسين تقرون موضوعي وهذا يعني

انو عندكم نت وعندكم لابتوب يعني عندكم ادوات

وانا جالسه ارد عليكم يعني عندي نت وعندي ادواات

يعني لاانا ولا انتو عندكم عذر في هذي المسئله

<<<<<هل احنا مقصرين لاننا

ماعندنا علم شرعي او لاننا مانتقن لغات >>>>>

صحيح احنا مهما بلغنا درجه من العلم مازلنا لانملك شي

طيب ايش الحل؟؟

العلماء ماقصرو غالبيتهم عندهم مواقع رسميه

فيها اعمال دعويه كثيره جاهزه للنشر وبلغات متعدده

هذا غير شغل القروبات الي في منتدياتهم

لكن علمائنا ماعندهم وقت ينشروها انتو عارفين هما قد ايش مشغولين في محاضرات دورات ..

هنا احنا يجي دورنا اننا ننشرها

وقريت مرا انو مهمه الدعوه ماتقتصر على العلماء فقط

مومعنات ان الدعوه الي يقوم بيها شخص صالح خالي من العيوب

او شيخ عالم

بل هذي مهمة الجميع والشخص الي يحتاج للعلم هوا الي يبغى يتحاور معاهم ويناقشهم في الشبهات الي بيسألو عنها

والله اعلم بصحه هذا الكلام لكن احسو مقنع وعلى فكره حتى الرد على الشبهات في جاهزه وبلغات متعدده بس علينا اننا ننشرها

يعني احنا متوفر عندنا نعم كثيره

نعمه الوقت والتكنو الي فيدنا الي نقدر نصنع بيها المستحيل

كل شي سار متوفر وكل شي سار سهل مو زي زمان بس يبغى مننا نوقف وقفه صادقه مع نفسنا ونتحرك

اذا ماتحركنا في شبابنا متى بنتحرك!!

خلونا نعكس الصوره لثواني ونتخيل مع بعض

خلونا نحط نفسنا مكانهم

تخيل انك شخص مهمل وعايش في ظلام وفي نفس الوقت في غيرك جالس يتنعم بكنز ثمين(لاسلام)

ومايبغى يديلك هوا مع انو يقدر يديلك هوا بمنتهى السهوله في ظل كل التسهيلات الي متوفره !!

مايبغى يديللك الكنز اما تكاسل وتسويف او اعذار مالها اول من اخر

واتوقع انو كل هذي الاعذار ماهي

الا مداخل شيطانيه علشان تبعدنا عن فعل الخير

بالله ترضى ذا الشي ع نفسك ؟؟اكيد لاء

ياجماعه ترى كلنا مقصرين مالنا عذر

نقدر واحنا جالسين في بيوتنا بضغط زر

نساهم في انقاذ روح من النار بفضل الله

وترى الاجانب عقولهم مفتحه يحبو يتعلمو

و يتقبلو كل شي جديد مقنع منطقي

يعني مرا لاتخافو من هذي المسئله

لكن لاتفرضو عليهم شي

وكمان لازم تحترمو اديانهم

احنا علينا التبليغ فقط وعلى الله الهدايه

يعني اختصار كل الكلام ان الدعوه عن طريق النت اسهل طريقه يقدر اي شخص يقوم بيها وبأقل مجهود

اما على ارض الواقع الله اعلم عن مدى سهولتها او صعوباتها

ويمكن السهوله والصعوبه تعتمد ع المكان

اضعف الايمان اذا توجدنا في بلادهم ندعوهم بطريقه غير مباشره

عن طريق اقتدنا بالرسول صلى الله عليه وسلم

وحسن تعاملناو سلوكيتنا

خصوصن الاشياء الي تتعلق بالنظافه واحترام الكبير

واحترام النظام هذي الاشياء جدا تلفتهم

وبدون ماتتكلمو هما بنفسهم حيجو لحد عندك ويسألوك يبغو يتعلمو

اسأل الله ان يهدينا جميعا ويرزقنا الاخلاص

واسال الله ان لا يجعل اهملنا وتقصيرنا في نشر الاسلام

في ظل كل النعم المتوفره عندنا

حجه علينا يوم نلقاه

اتقبل اي نقد واتمنى الاشخاص الي عندهم تجارب

يتناقشو معانا ويفيدونا

علشان نتعلم ونستفقيد من بعض اكثر

اسفه على الاطاله والتأخير

^-^

اللهم صلى وسلم وبارك على محمد

لاتنسوني من دعائكم

[Super Linux]

الله يجزلك خير أختي كلي حماس

ولي تعليق على أخر رد لك والله كفيتي ووفيتي في كل كلمه قلتيها ماشاء الله عليك

[كلي حمااااس]

المشاركة الأصلية كتبت بواسطة super linux الله يجزلك خير أختي كلي حماس ولي تعليق على أخر رد لك والله كفيتي ووفيتي في كل كلمه قلتيها ماشاء الله عليك

واياك كل الخير
وانا في انتظار كل التعليقات من الجميع
والنقد البناء الهادف واي شي يخلينا نتعلم
ونستفيد من بعض = )