ملتقى تعارف طلاب التحضيري علمي خطة ( ب)

[فتى تثليث]

الله يوفقكم الخطة هذي صعبه للي ما معاه لغه ..بس ترا الخطه مررررررره سهله انا كنت خطه ب بالتحضيري وعانيت بالبدايه عشان اللغه بس مشت سهاله بس لازم تذاكروا اول باول وترى النظام الي عملوه للإنقلش ترا مرره حلو و يخدمكم يعني هو تقليد لنظام السنه التحضيريه بجامعه الملك سعود ...اما بالنسبه للمستوى الأول بالإنقليش في دفعتنا كان عادي حتى لو كنت ليفيل 1 تخش طب بس انتوا اذا ما عديتوا ليفيل 1 ترا ما رح تدخلوا طب او هندسه ..واكرر واقول ترى في صالحكم عشان تطوروا لغتكم بسرررعه الدكتور الي كان يدرسني كان يقولي السنه الجايه الي هي دفعتكم رح يغيروا المناهج ورح يخلوها عالميه .بس انتوا شدوا حيلكم وخلوا الباقي على الله

[~RAN~]

ايوه صح حتى انا هذا الي فهمته من كلامها

الله ييسر لنا

[D.mohammad]

السلام عليكم ورحمة الله وبركاتة

كيفكم اخواني وحبايبي بصراحة معني مالي يومين في المنتدى بس بصراحة حاس اني بين اهلي انتم فاضين تسمعون قصتي ........... انا من الرياض يعني مغترب معنو في عيال عماني وعماتي في مكة وجدة لاكن احب الاستقلالية
يعني مصيري السكن الجامعي يعن ما راح يكون في احد معاي في السكن الى انا ومحمد الى هو انا بس وانا في الطيارة
قابلت واحد باين علية راعي طموح ويبي يتخصص صيدلة طلع معي علمي بس ما ادري اي خطة المهم اتفقن نسكن سوا وان شاء الله يكون عز رفيق وفترت التجربة راح تثبت واكيد مو اكثر من اربعين يوم ............... شكلة قدع .
وما بعد الكلام الى السلام .

[D.mohammad]

المشاركة الأصلية كتبت بواسطة فتى تثليث الله يوفقكم الخطة هذي صعبه للي ما معاه لغه ..بس ترا الخطه مررررررره سهله انا كنت خطه ب بالتحضيري وعانيت بالبدايه عشان اللغه بس مشت سهاله بس لازم تذاكروا اول باول وترى النظام الي عملوه للإنقلش ترا مرره حلو و يخدمكم يعني هو تقليد لنظام السنه التحضيريه بجامعه الملك سعود ...اما بالنسبه للمستوى الأول بالإنقليش في دفعتنا كان عادي حتى لو كنت ليفيل 1 تخش طب بس انتوا اذا ما عديتوا ليفيل 1 ترا ما رح تدخلوا طب او هندسه ..واكرر واقول ترى في صالحكم عشان تطوروا لغتكم بسرررعه الدكتور الي كان يدرسني كان يقولي السنه الجايه الي هي دفعتكم رح يغيروا المناهج ورح يخلوها عالميه .بس انتوا شدوا حيلكم وخلوا الباقي على الله

السلام عليكم

هلا بالزميل كلامك يثلج الصدور جزاك الله عني وعن الزملاء كل خير

وما بعد الكلام الى السلام .

[فتى تثليث]

المشاركة الأصلية كتبت بواسطة d.mohammad السلام عليكم هلا بالزميل كلامك يثلج الصدور جزاك الله عني وعن الزملاء كل خير وما بعد الكلام الى السلام .

احنا حاضرين بالي تبون بخصوص خطه ب ...لا يردك الا الكي بورد ...اي استفسار انا حاضر واخواني دفعه 10 الله يوفقكم ..

[D.mohammad]

حياك ربي
انا حاب استفسر منك بخصوص الضغط النفسي الى كنت تحس في بفترت التحضيري وهل المراجعة اليومية
والتحضير كافي للتفوق انا ابي ادخل medicine فكيف الطريقة الاسهل على شان السن تمشي مثل اللوز .

وما بعد الكلام الى السلام.

[فتى تثليث]

نصائح لطلاب وطالبات خطه ب:
1-حدد هدفك من الآن..
2-سوف تلاقي صعوبه في البدايه ورح يتغير عليك الجو ...رح تفكر تسحب ملفك (صارت معي)بس تذكر السبب الي دفعك للدراسه .
3-لا تعب حالك وتشتري كتب ..كل المواد رح تلاقي لها ملخصات بالمكتبه باستثناء الإنقلش رح تطر تشتري كتاب
4-بالنسبه للأحياء ...اول شي لازم تشتري بنك الأسئله اذا تبغرى تعدي هذي الماده وتجيب فل مارك ...وانصح الي ناوي طب يذاكرها ويذاكر السلايدات عشان يفهم.طبعا يقولكم هذي المعلومه على بلاطه دكاترت الأحياء ما عندهم سالفه الا من رحم ربي.
5-المذاكره والمثابره ...لابد تذاكروا اول بأول...ممكن اول اختبار رح تتحطم من درجاتك بس لا تيأس وابحث عن الأسباب الي ادت الى تدني درجتك في الإختبار الأول وتفاداها..اكبر مثل أنا..طبعاً ذاكرت الأحياء من السلايدات قبل الإختبار الأول تقريبا بخمسه ايام سألنا الدكتور عن بنك الأسئله وقال لنا ذاكروه للإن الإختبار منه يعني رح يشيلون السؤال ويحطوه فقط ..المهم اشتريت بنك الأسئله وحصلت نسخه مترجمه طبعاً الي ترجمه هذي النسخه ما ترجمها بشكل صحيح وكانت ناقصه المهم ذاكرت وجيت الإختبار حصلت واحد من اصحابي يذاكر اسئله اول مره اشوفها سألته قال لي بنك الأسئله كان ناقص طبعاً جبت 19 لكن الإختبار الثاني تفاديت الأخطاء الي صارت معي ولا شريت مترجم ورحت في البيت وترجمته وجبت فل مارك ولله الحمد
6-ابتعدوا كل البعد عن المحبطين واصحاب القلوب الضعيفه ولا تنساق خلف الإشاعات
7-احضروا كل محاضره اول باول رح تلاقوا ناس عقولهم صغيره ومسوين فيها زاحفين (اعتذر عن هذي الكلمه لكن لم اجد كلمه توصفهم بالشكل الكامل الا هذي الكلمه)ويقولوا لك يلا نسحب على المحاضره ...لا تنقاد خلفهم ..الدكتور ما رح يعطيك معلومه ما رح تفيدك ..
8-الرسوب في ماده اهون بكثير من اخذ حرمان فيها
9-لا يوجد اعاده للإختبار ...حتى لو جبت عذر
10-بالنسبه للإحصاء رح يكلفكم الدكتور بحل الهوم ورك ..لازم تحلوها وتسلموها بالوقت المحدد عشان تاخذوا عليها درجات

هذا الي عندي والإخوان ما رح يقصروا واي استفسار احنا بالخدمه

[فتى تثليث]

المشاركة الأصلية كتبت بواسطة d.mohammad حياك ربي انا حاب استفسر منك بخصوص الضغط النفسي الى كنت تحس في بفترت التحضيري وهل المراجعة اليومية والتحضير كافي للتفوق انا ابي ادخل medicine فكيف الطريقة الاسهل على شان السن تمشي مثل اللوز . وما بعد الكلام الى السلام.

بالنسبه للضغط النفسي ..آآآآآه..انا صراحةً عانيت اول 3 اسابيع طبعا ما اعرف احد حسيت كاني داخل اولى ابتدائي كنت اجلس لحالي بس الحمد لله تعرف على شباب صحبتهم ما تمل ..طبعا بالنسبه للمحاضرات ما كانت طويله كانت 50 دقيقه واطول محاضره كانت ساعه وثلث .اقولك التحضيري سهله اذا بديت ورتبت امورك اول باول بس اذا ما ذاكرت اول باول واذا جات لليله الإختبار رحت تذاكر ترا بقولك رح تخفق في هذي السنه وترا هذي السنه ما تستاهل ترسب في ماده عشانها للإنها والله كل الي خذيته بالثانويه يعني مو مستاهله والواحد يرسب فيها.نصيحه ابدا بدايه تمام وترا الطب يركز اكثر على الكيمياء والفيزياء والأحياء والإنقليش .لازم اقل شئ تجيب في كل ماده اكثر من 85 انت شد حيلك السمستر الأول لأن فيه اكثر المواد الي يتطلبها اختصاص الطب .

[طالب طب في المستقبل]

اخوي فتى تثليث

كفى ووفى عن كل شي

والاخوان الله يجزاهم خير مسوين مواضيع عن التحضيري

اوافق الاخ فتى تثليث على جميع ماكتبه
وخصوصا النقاط التاليه

النقطه الاولى على تحديد الهدف لانه راح تلاقوا ناس محبطين كثير

والنقطه الثانيه المذاكره اول باأول لانه ماراح تقدر تذاكر المنهج في يوم واحد

واتمنى للجميع التوفيق

وعلى فكره خطه ب اسهل من خطه أ بالنسبه ليه شخصيا

ودرجاتي في خطه ب اعلى من خطه أ

وراح تكون سهله عليكم اذا اتبعتم اللي قاله الاخ فتى تثليث

وبالتوفيق

اخوكم د-عبدالرحمن المالكي

[جود &&]

وانا بعد خطه ب
الله يوقفنا يااارب