ايش ذنبنا اذا الدكتور متكاسل وما يصحح ؟ ويرمي درجات راسو ؟

[اسامة كردي]

السلام عليكم

موضوع للنقاش

ايش ذنبنا اذا الدكتور متكااسل وما يصحح ... ويرمي درجات من راسوو
وياريت درجات حلوة كلها 60 و 65 و 70 و 75

تتخيلوا قد ايش ينزل المعدل لما ناخد درجة نازلة زي كدا
درجاتي كلها عالية الحمدلله
ويقوم دكتور زي كدا ينزل معدلنا بـــــــس عشان لا يتعب نفسو

كل اللي اقولوه ... حسبي الله ونعم الوكيل

[battota]

مع مين انت؟

[battota]

ايه والله في ناس ما عندهمممممم ضمير

حسبي الله ونعم الوكيل

[هايم الشوق]

اي ماده؟

ولو فيها احراج ، ياريت برايفت

لانو نزلتلي درجة مادة من المواد بأقل من الي توقعتو

موفق

[اسامة كردي]

من جد حسبي الله عليه

بكدا الواحد يضيع مفعول الدرجات العالية بدرجة واطية زي دي

هآيم الشوق ... شيك ع البرآيفت

[ALEMBRA6OR]

ذنبك انك طالب عنده .

[tofe2000]

شباب كيف معاكم الكيمياء؟؟
انا اشتكي منه ترى منزل درجات من راسه واتصل عليه واقله ابغا اشوف ورقة الاختبار يقول عندنا اغلاط بنعدلكم الدرجات ان شاء الله.... وهدا الكلام من يوم الثلاثاء او الاثنين ماني فاكر ونحنا اليوم السبت ولا تعدلت ولا شي بس شكلي بتصل عليه بكرا
شي يقهر

[Miss Honey]

الحمدلله ما قد جاتني دكتورة من هالنوعية :d


احس هالنوعية منتشرة عند الرجال بس


ما عندنا دكتورات يحطون درجات من راسهم


بعدين ليه ماتشتكوه عند رئيس القسم ؟ تتجمعوا وتسووا مظاهرات قدام مكتبه


شعب تونس مو احسن منكم

[د.س]

انا شاك في مدرس الفيزيا حقنا
+محمد البنا

[ناروتو Naroto]

سبحان الله أخس حاجه تعور القلب وتحسس الواحد بالقهر لما يتعب طوال السمستر وفي النهايه لا سمح الله الدكتور ما يتحمل تصحيح الدرجات بكل أمانه .. ياعالم دي درجات ناس وربنا سبحانه حيسأل عنها .. كيف الواحد بيحط راسو ع المخده وهو ما اعطى اي طالب او طالبه عندو الدرجه اللي يستحقها او تستحقها .. وربي لو كنت مكانه ما اتهنى بحياتي ادا نقصت احد او سهيت في درجة احد ..الا المفروض يزودوا للاحتياط والحرص من الظلم ..

انا كمان بيدرسني دكتور لكن اتمنى من الله سبحانه انو يهديه وينور بصيرتو ويخاف الله فينا طلابه وطالباته

ودائما خلونا نتعود على اننا نقول * اللهم اني استودعك جميع درجاتي يامن لا تضيع عنده الودائع* وبكدا خلاص هيا وديعه عند ربنا وماحنفكر فيها واللي حيسير خير ان شاء الله


وكمان احنا عندنا رب اسمو كريم بياخذ لنا حقنا دحين ولا بعدين

اخوي .. صاحب الموضوع

اسفه على الاطاله

لكن بدي اقولك شيء سبحان الله يمكن ربنا كتب لك دا الشيء انو تنقص وهو خير لك ..بعض الاوقات ربنا بياخذ مننا عشان يعطينا .. صدقني حترجع لك الدرجات اللي اناخذت منك يا في ماده تانيه ..او ممكن ربنا يدفع بيها شر عنك ..

وحسبنا الله ونعععععم الوكيل


تقبل تعليقي ومروري


نــــــــــــاروتو ^^