شرح برنامج السنترا Centra بالصورة خطوة بخطوة .اتفضلوا

[Jeddah_one]

بسم الله الرحمن الرحيم

اول شي الكل الان يعرف انه مو بس التعليم عن بعد راح يستخدم السنترا ايضا الانتساب حتعرض الدورات التأهيلية عن طريقة لذلك ارفقت لكم صور طريقة الاستخدام من الصفر وحقوق النشر غير محفوظة ومااخدت مني وقت كتير حتى اسويها لكم واذا في اي استفسار ممكن تطلبوه في الموضوع او اذا احتجتو شي ضروري عندكم الرسايل الخاصة

اول شي موقع السنتر مايفتح بـ www فقط بالطريقة هادي المرفقة في اول صورة




تاني شي هادي صفحة الدخول للموقع وفيها تحط رقمك الجامعي ورقم السجل المدني بدون الواحد مكان الرقم السري اوا ازا كنت مغيرو اصلا في الاوديس تحط نفس الي انتا مغيرو ولا ازا مازبطت معاك مرتين اتصل فورا على الكول سنتر حق عمادة التعليم عن بعد حتى لايسير بلك على يوزرك



هادي صورة الصفحة لما تفتح معاك فيها المحاضرات الي انتا مسجل فيها يكفي ضغط زر دخول عليها





صورة تفيد بانه برنامج سنترا بيسوي لود على جهاز ويبدأ يشتغل ازا مازبط وطلعت معاك علامة التحميل سوي ريفرش للصفحة بالضغط على f5



حتظهر معاك في نص الصفحة هادي الاشارة وكدا تقول انه كل شي ان شاء الله تمام والسنترا بدا يفتح معاك



اخيرا انت الان داخل المحاضرة والدكتور يشرحلك ياصوتيا يامرئيا ياكتابيا على حسب الدكتور وبرضه اذا تبغى تشارك مع الطلاب بالكتابة اضغط على f2 حتفتح معاك صفحة الشات , وازا تبغى بالمايك اضغط على زر المايك واتكلم وجدا الاستخدام فري بيسك وفري سيمبل وسهل للجميع




الله يوفقكم جميعا وزي ماقلتلكم حقوق النشر غير محفوظة واي استفسار حاضرين بس بعد المغرب لانه اخوكم عندو دوام وشغل والله يوفق الجميع
Jeddah_One