الهام باجنيد

[روووني]

هااااي بنوتات الدراسات..

ابغا اسئلكم عن مواريث ووصايا كيف حلوه ولاصعبه وكل شي عنها؟؟

لانو انا مستوى تالت والماده تبع مستوى خامس!!

وعن الهام باجنيد كتير قالو شديده وماني عارف ايش انتو ايش رايكم فيها؟؟

ووبس

وثانكس مقدما

[l0li]

إلهام با جنيد .... يا قلب لا تحزن ):

الدكتوره هذي مادري ايش اقول عنها

محظوظه اللي تاخذ معاها
وخاصة مواريث , أنا أخذتها معاها وانا في المستوى الثاني تقريبا , يعني لا تخافين




مو متشدده أبدا أبدا

بس ما تحب أحد يشوش عليها وعلى الطالبات , عشان كذا بعد 10 دقايق من بدء المحاضره ممنوع اي احد يدخل

من ناحية الحضور والغياب , تسجله كل محاضره
بس صدقيني انتي اصلا حتحبي محاضراتها وما حتغيبي عنها ..

ما تعتذر عن المحاضرات الا نادرا جدا جدا ... بس لو حصل واعتذرت صدقيني انتي حتنقهري .. لأن محاضراتها ممتعه



كل كلمة تقولها في المحاضرة سجليها

هي ما شاء الله تبارك الله ماتخلي كلمة ما تشرحها , أمينه أمينه جدا جدا لا قوة الا بالله

بس المواريث اصلا مافيها كلام كثير , كلها مسائل ومره مره روعه وسهله سهله سهله لابعد حد



تشرح من قلب , ودقيقه جدا في شرحها , لكن أسئلتها عسل .. تحتاجي تركيز وبس حتجيبي +a إن شاء الله

دقيقه في التصحيح , بس إذا حست إن في تعاون من الشعبه وان البنات عندهم اهتمام بالماده وبالدرجات حتساعدكم

احنا حتى الامتحان عادت لنا اياه لأن البنات كان عندهم رغبه فعلا يحسنوا من درجاتهم

ممكن تعمل لكم بونس خفيف , وتتجاوز عن شويه من المنهج , وتعمل لكم تكليف ترفعكم بيه


انا لما أخذتها معاها كانت مره مره مشغوله , وماقدرت تعمل لنا التكليف لأن ماعندها وقت تصحح



بس جد جد يا بختك بالماده

لو بيدي كان أخدتها مره ثانيه



ولا تسمعي كلام البنات ابدا ابدا

خوفوني منها كثيييير ولما اخذت معاها انبسطت , صرت كل ترم لازم اخذ معاها ماده أحسها تنفييييييس عن باقي المواد

لدرجة انها طفشت مني صارت تقول انتي كل ترم في وجهي

وللأمانه , هي أحسن عضو هيئة تدريس درست عندها


لو تجلس محاضرتها 3 ساعات تطير زي الهوا ولا تحسي فيها ما شاء الله عليها

والله كنت انقهر اذا خلصت محاضرتها
خاصة مواريث جنان


ايوا صح تذكرت ..

* اهم شي عندها احترام المحاضره
* ماتحب احد ينشغل عنها وعن الشرح
* تسأل ... وتطلع بنات يحلوا المسائل على السبوره
* الجوال لازم لازم لازم سايلنت وتعصصصصب لو سمعت صوت جوال لأنه يشوش عالبنات وعليها
* ممنوع حضور المحاضره بالعبايه
* تعاملها عسل عسل وكلها على بعضها جنان .. ما راح تندمي إن شاء الله أبدا




والله يوفقك معاها يارب وتستفيدي

اذا تبغي محاضراتها بلغيني اجيب لك اياها .. محتفظه فيها ذكرى

[LOOOOLY]

شوفي حبيبتي ..
أنا استاذه الهام باجنيد ما قيد درستني بس اعرفها كتعامل استاذه كويييسه ..
اما بالنسبة لمادة مواريييث فهيا مادة رووووووووووووووووووووووووعه ومره حلووووووووووه ..
شوفي انا صحباتي كانوا ياخدوووها مع استاذه الهام باجنيد الصراحه هيا صح شرحها كويس وكده بس تصعب الماده عالبنات لانه في بنات ما يفهمووووها منها
نصييييحتي لك تاخدي المادة مع دكتور علي الناشري اذا بيعطيها والله الماده معاااااااااه رااااااااااااااااااااااااااااااااااااائعه
ومنجد محاضراته تحمممممممممممممس ويبسطلك الماده بأسهل طرررررررررق
والله انا اخدت معاه المادة واخدت فيها 100
شوفي ابغى اقولك شي عن استاذه الهام هيا تعطي المنهج بكللللللللللللللل تفاصيله وطرقه ودا الي يصعب عالبنات كثرة الطرق لحل المسائل وكده
اما استاذ علي الناشري كان يفهمنا الطرق كلها لكن يقولنا اسهل طريقه نختارها ونحل بيها ودااااا الشي الي ريحنا كتيييييييييييييير ..


بالتوفييييييييييق
استخييييييييييييييييري والله يختارلك الخير ..

واعيد واكرر انا ماقيد اخدت مع استاذه الهام اي مادة فما اقدر احكم عليها بس استاذ علي نصيييييييييييييحة من اخت خديييييييييها معاه

[المبلع]

ما تشوفون ان المادة صعبه على المنتسبين انا عندي المادة واكيد بدون شرح بتصعب
مافيه دروس صوتيه للمادة

[روووني]

وااااااااااا بنااات هيا فيها مسائل؟؟؟قولولي تراني غشيمه وخبر خير ماادري عن شي؟؟

ومر ررررررره شكرا لكم يابنات ريحتوني وياليت ياجامعيه معمره ترسليلي محاضرتها الله يوفقك يارب

وقولولي ايش حكايه المسائلدي لاني للاسف مفهيه

[LOOOOLY]

حبيبتي مادة مواريث مادة اغلبها مسائل رياضية لييييش ؟؟؟
لان موضوعها تقسيم تركة الميت وكده ..
شوفي الجزء الي فالبداية نظري بس بعدين حتدخلوا فالتطبيق فلازم مسئل كتير ..
لكل حاله مسأله وكم نصيب كل وراث ومين يرث منهم ومين مايرث وكم مقدار ورثه وكده يعني ..


حبيبتي أنا والله أخدت المادة مع د. علي الناشري كانت رااااااااااااااااااااااااااااااائعــه ومرررررررررره سهلنا هيا ..
ودكتوره الهام انا كانوا بعض صحباتي ياخدوها معاها الصيف وكنت اشرحلهم هيا لانه ما كانوا فاهمين فاستغربت انه اشياء كتيييييييييييير هيا بتعطيهم هيا ونحنا دكتور علي حذفلنا هيا بس انا كنت فاهمتها لأني اساسا فاهمه المادة ..

بالتووووووووووووووووووفيق حبيبي ..


والي سألت الماده عالمنتسبين صعبة ..
شووفي طبعا المادة تعتبر صعبة شويه عالمنتسبين لانها اغلبها مسائل فاتخيلي انتي تشرحي لنفسك رياضيات مع انه والله الكتاب حق المادة مرررررررررررره شرحة مفصل وحلوووو ومنجد مررررررررره يفهم بس برضووو
نصيييحتي للمنتسبين وعندهم مادة مواريث انه يحاولوا يحضروا محاضراتها مع الانتظام صدقووووني حتسهل مرررررررررررره عليكم ..
اقل شي حتفهموا الاساسيات كويس..


الله يفتح علينا .. ياااااااااااا الله نفسي لو ارجع لايام المواريث والله كان نفسي يكون الماجستير حقي فيها بس للاسف مافي قسم مواريث فاضطريت ادخل ماجستير قسم تاني ..
بالتوفيق واستمتعي بالماااااااااادة ..

[روووني]

مشكوره تانيه والله يوفقك

والله يفتحلي عندها يارب

[l0li]

د. الهام تبى تطلع بنات فاهمين الماده , مو بس منهج تشرحه والسلام
عشان كذا تحسين مستوى شرحها أكبر شويه من المستوى اللي تعودنا عليه في بقية المواد

اذا كل همك تاخذين الـ 100 , فلا تاخذينها مع الهام أفضل
لكن لو حابه تتعلمي فــ إلهام أفضل وحده في الناحيه هذي

ابشري بإذن الله أرسل لك الملخص
بس لا تعتمدين عليه في الحلول , لأن اعتمادك عليه حيقلل من تركيزك في المحاضرات معاها




الماده مره مره مره حلوه
كلها تركة , 12 ÷ 4 كم ,, ومن الكلام هذا , أعداد صغيره وحلوه
وغير كذا مسموح للطالب باستخدام الآله الحاسبه في الامتحانات

يعني ماله داعي القلق

التركيز في المحاضره مره يكفي للفهم والامتياز كمان


لا تشتتون نفسكم مع دروس صوتيه وغيره , لأن المسائل تنحل بأكثر من طريقه
ومن استاذ لأستاذ راح تتلخبطون مره



الله يوفقكم

[LOOOOLY]

المشاركة الأصلية كتبت بواسطة l0li د. الهام تبى تطلع بنات فاهمين الماده , مو بس منهج تشرحه والسلام عشان كذا تحسين مستوى شرحها أكبر شويه من المستوى اللي تعودنا عليه في بقية المواد اذا كل همك تاخذين الـ 100 , فلا تاخذينها مع الهام أفضل لكن لو حابه تتعلمي فــ إلهام أفضل وحده في الناحيه هذي

حبيبتي بس ردا ع كلامك أنا أخدت المادة مع د . علي الناشري واخدت 100 بفهممممممممممممممممممممممممم ولله الحمد ..
وابدا ما كان استاذ يشرح والسلام واهم شي عنده الدرجــات وأكبر دليل انه طالبات الانتســاب والطالبــات الي كانوا ياخدوا الماده مع استاذه الهام كانوا يجووا يحضروا معانا محاضراته عشان يفهموووا ..
حبيبتي للعلم بس والأمانه انا اساسا خريجة مدرسة تحفيظ قران يعني درست الموواريث ايام الثانوي
ودرستها تاني فالجامعه مع استاذ علي وفالمدرسه الحمدالله جبت 100 ومع استاذ علي جبت 100
واقدر افرق استاذ اذا في استاذ بيعطي المادة العلمية صح ولا لا لأنه استاذ علي كان كلللللللل شرحة واسلوووبه نفس الي انا درسته فالمدرسه ونفس الي فالكتــاب ..
اما عن استاذه الهام فأنا قلت انها ما درستني بس صحباتي الي كانوا يحضروا معانا ومعاها كانوا يقولوا انها تصعب المسائل عليهم فالحل وما تبسطها ..
فلا تحطي المسأله مسأله امانه علميــة ..
وشكرا ..

[wallo]

رووووووووني اش تبغييي بالمساااائل هاااااا

اذا تبغي ماده حرره وتكوون سهله خدي سيره نبووية مع عائشه قيسي اصررف من مواريث ووصاايا احس هالمااده حتكوون صعبه ...


يلا بالتووفييييييييييق