خلصت البكالوريس وباكمل ماستر دلوني

[ناسيها]

مساء الخير يا اخوان ..
الحمد لله والمنه خلصت البكالوريس من جامعه الملك عبدالعزيز هذا الترم
بمعدل 3.30 جيد اداره عامه مسار عام
وناوي ادخل ماجستير ..
بس مدري من وين ابدا اخذت توصيتين من الدكاتره
وش بعدها اسوي ابغى اكمل هنا يا في الملك عبدالعزيز يا في الملك سعود
بس سمعت فيه اختبارات توفل ومدري كيف ..
ابي تفصيل وبعد الاختبارات وش اسوي
ورسومها ووش اقسامها ووش تنصحوني
وهل يلزم التفرغ لاني موظف في الرياض بالخدمات الطبية
وسمعت ان واحد من الشباب يدرس ماستر بجده لكن حظوره كله بالرياض
دورات واختبارات ودراسه وكل شي يوم الخميس والجمعه في الليل ؟!
اذا هالكلام صحيح دلوني وين المكان ذا ابي استفسر منهم عن كل شي
وكم عدد الساعات وهل يلزم رساله او بدون
ووش الافضل برساله او بدون ..
تكفون الفزعه

[أبوفهد1]

أخي الكريم . اولا نبارك لك تخرجك ونسال الله ان تكون الشهادة نجاح في حياتك العمليه والتعليميه .. اولا وقبل كل شي اصدق في نيتك بطلب العلم لتنفع نفسك وتنفع الاسلام والمسلمين .. ثم بعد هذا ادخل موقع عمادة التعليم العالي وانظر إلى الشروط وعلى برامج الماجستير والدكتوراه وخذ جوله لا تترك ايقونه ولا قسم في موقع عمادة الدراسات العيا إلا دخلته وعلمت ما فيه .. وبإذن الله تعالى سوف تخرج وأنت مطمئن على ان جميع الاسئله قد حصلت على إجاباتها .. بالتوفيق والسداد

[برونزااج]

يوجد ماجستير عام مجاني صباحي ويشترط التفرغ


ويوجد ماجستير خاص مسائي ولا يشترط التفرغ وممكن يكون بفلوس وهو ماتحدثت عنه
يومين في الاسبوع طبعًا للموظفين ويقبل تقدير جيد

[ناسيها]

المشاركة الأصلية كتبت بواسطة برونزااج يوجد ماجستير عام مجاني صباحي ويشترط التفرغ ويوجد ماجستير خاص مسائي ولا يشترط التفرغ وممكن يكون بفلوس وهو ماتحدثت عنه يومين في الاسبوع طبعًا للموظفين ويقبل تقدير جيد

طيب كم التكاليف ؟!
وما هي الاقسام التى يمكن دراستها ؟! وماذا تنصحوني ؟!

[عماد الحسن]

مبروك تخرجكم أخي الكريم

واللي يناسبكم هو الماجستير التنفيذي لإدراة الأعمال ودراسته مع نهاية الاسبوع
ويكلف 88.000 ريال واحتمال كبير تشملك منحة الملك ويكون مجاني عليكم.
أما التقديم فهو يم 17/5 القادم ولابد من اختبار الكفايات الإنجليزية بمركز القياس يوم 20/4 أو دراسة دورة لمدة 6 أسابيع.

[ناسيها]

المشاركة الأصلية كتبت بواسطة عماد الحسن مبروك تخرجكم أخي الكريم واللي يناسبكم هو الماجستير التنفيذي لإدراة الأعمال ودراسته مع نهاية الاسبوع ويكلف 88.000 ريال واحتمال كبير تشملك منحة الملك ويكون مجاني عليكم. أما التقديم فهو يم 17/5 القادم ولابد من اختبار الكفايات الإنجليزية بمركز القياس يوم 20/4 أو دراسة دورة لمدة 6 أسابيع.

طيب انا اطلعت على دراسة الماجستير لإدارة الاعمال .. برسالة ..
كيف طريقة التسجيل .. واختبار الكفايات متى ؟
واذا باخذ دورة في معهد 6 اسابيع هل يطلبون وقت التسجيل معلومات عن المعهد
تخبر لو باسجل الاسبوع هذا يبي لها وقت علشان اخلصها ..
وهل يطلبون مستوى محدد ولا اي مستوى في الانجليزي ..
ياليت تفيدني على السريع وتابع موضوعي لاني خايف يفوتني وانا باقي بالحماس ذا

[ناسيها]

وهذا الماجستير لازم تفرغ ؟!

[ناسيها]

يا شباب الفزعه بالله

[عماد الحسن]

طيب انا اطلعت على دراسة الماجستير لإدارة الاعمال .. برسالة ..كيف طريقة التسجيل .. واختبار الكفايات متى ؟
لازم تسجل في مركز القياس وتختار الكفايات في 20/4 والقدرات يوم 19/4 واحتمال ما تلحق لأن التسجيل انتهى.

واذا باخذ دورة في معهد 6 اسابيع هل يطلبون وقت التسجيل معلومات عن المعهد .وهل يطلبون مستوى محدد ولا اي مستوى في الانجليزي ..
نعم لازم يكون عندك سند تسجيل أو تسديد المبلغ ، واحتمال ما يطلبوك إلا عند القبول النهائي.والمستوى غير مهم ولكن الفتر 6 أسابيع أو 50 ساعة.

[ناسيها]

طيب حلو هالحين الكفايات ليش بالضبط ؟!
والقدارات كمان ليش ؟!
والإنجليزي كمان ؟!
يعني 3 اختبارات .. الاخير عرفنا ليش ؟!
الكفايات والقدرات وش الفايدة منها ووش محتوياتها
اتذكر اختبرت القدرات قبل 5 سنوات
بخصوص المعهد يلزم في القبول النهائي صحيح ؟!
وهي ممكن تكون بديل لشهادة التوفل .. هل هذا صحيح ؟!
واعطني رابط البرنامج اخوي الله لا يهينك حق الماجستير اللى 88 الاف
ابي اشوفه واعرف وش المقصود فيه وكل شي عنه