تجمع للمتقدمات على وظيفة محاضر حاسب بجامعة عبدالعزيز برابغ

[جاسوبيه 2010]

السلام عليكم
اهبين بنات , اللي قدموا على وظايف محاضر بجامعة الملك عبدالعزيز برابغ خلونا نضع مسيرتنا و تجمعنا هنا لنعرف من تم الاتصال عليها , من تحتاج لاستفسار , و لنبارك لبعض في حال تم قبولنا

انا ارسلت اوراقي عن طريق الايميل وللان ما جاني اي اتصال . مين معايا ؟؟؟؟

[جاسوبيه 2010]

معقول ما في احد معايا :-((

[قولد بروسسور]

إذن مبروك عليكي الوظيفة ههههههههه

لا صحيح
أنا قدمت معيدة

[جاسوبيه 2010]

قولد بروسسور
ربي يفتح لك الخير و يقبلوكي ياااااااااااارب وتيجي هنا ونبارك لك

[قولد بروسسور]

المشاركة الأصلية كتبت بواسطة جاسوبيه 2010 قولد بروسسور ربي يفتح لك الخير و يقبلوكي ياااااااااااارب وتيجي هنا ونبارك لك

شكرا عل كلماتك الحلوة
وأنا دائما أقول لما أقدم على اي وظيفة
إذا فيها خير ربي يرسلها لنا وإذا فيها شر ربي يبعدها عننا

وعقبال مانبارك لك ايضا على الوظيفة

بس انا متخوفة من المشوار من جده لرابغ 150 ك يعني ساعة ونصف رايح جاي والله صعبة
انتي ايش رأيك؟
هل انتي مقيمة هناك والا راح تروحي وتجي كل يوم؟

[قولد بروسسور]

طيب عندي سؤال

أنا بأدرس ماستر في جامعة الملك عبدالعزيز
هل يحق لي أطلب تفرغ كامل على اعتبار انه الدراسة مش في نفس مقر العمل
أو لازم ادرس يومين وأداوم يومين؟

[جاسوبيه 2010]

المشاركة الأصلية كتبت بواسطة قولد بروسسور شكرا عل كلماتك الحلوة وأنا دائما أقول لما أقدم على اي وظيفة إذا فيها خير ربي يرسلها لنا وإذا فيها شر ربي يبعدها عننا وعقبال مانبارك لك ايضا على الوظيفة بس انا متخوفة من المشوار من جده لرابغ 150 ك يعني ساعة ونصف رايح جاي والله صعبة انتي ايش رأيك؟ هل انتي مقيمة هناك والا راح تروحي وتجي كل يوم؟

انا زيك متخوفه من المشوار لان انا من جده كمان
و زوجي معارض لانه مايقدر يوديني و يجيبني عشان عمله و قال مستحيل تروحي مع سواق في طريق طويل كل يوم
فقلت له خليني ارسل اوراقي تجربه و اشوف ايش يصير وبعدها نقرر نقبل بالوظيفه او لا
الله يعين بس

[جاسوبيه 2010]

المشاركة الأصلية كتبت بواسطة قولد بروسسور طيب عندي سؤال أنا بأدرس ماستر في جامعة الملك عبدالعزيز هل يحق لي أطلب تفرغ كامل على اعتبار انه الدراسة مش في نفس مقر العمل أو لازم ادرس يومين وأداوم يومين؟

ما اعرف والله
بس هل كتبتي في السي في تبعك انك بتدرسي ماستر ؟

[قولد بروسسور]

المشاركة الأصلية كتبت بواسطة جاسوبيه 2010 ما اعرف والله بس هل كتبتي في السي في تبعك انك بتدرسي ماستر ؟

والله ايوه كتبت
عشان يكون الوضع واضح بالنسبة لهم

وكل عام وانتم بخير

[مطالبة]

بنات
متى نزلت وظيفة محاضر؟