ساعدوني يا طلاب وطالبات علوم الحاسبات!!

[mind glance]

السلام عليكم ورحمة الله وبركاته
اول شي احب هني كل القائمين على هذا المنتدى وكل الاعضاء
لأنه منتدى حلو ويساعدالطلاب كتير
وتاني شي انا اطلب مساعدتكم:
الترم الجاي رح اتخصص علوم حاسبات بإذن الله وكنت جدا مبسوطة
بس كل الناس يخوفوني منه ويقولو انه صعب وما رح اقدر اكمل فيه...........
انا كنت مستعدة للصعوبات بس دحين صرت خايفة مرة
فأحب اني اسمع نصائحكم طلاب وطالبات عن هذا القسم
وايش اصعب المواد فيه وايش اسهل المواد؟
وايش الاشياء اللي احتاجها قبل التخصص؟
وكل شي عن هذا القسم!!؟

[خالد]

وعليكم السلام ورحمة الله

أختي ice girl هوا نفس الكلام اللي سمعتو قبل ما أدخل الهندسة
ونفس الكلام اللي يسمعوه الطلاب قبل مايتخصصو
ونفس الكلام اللي اسمعو قبل ما انزل مواد الترم
لكن مافي شي صعب مع الجد والأجتهاد


وأن شاء الله طلاب القسم ( علوم حاسبات ) يفيدوك أكثر

تحياتي

[حنين الروح]

هااااااي ايس اختي
انا دحين مستوى سادس في علوم حاسبات يعني لسة خبرتي قليلة في الموضوع وقبل مااتخصص انا كمان كتير ناس خوفوني بس انا حابة القسم وكنت مستعدة اعمل اي شي عشين ادخلو والحمد لله دخلتو رغم كل الي انقال
وزي ماقال خالد انا اشوف مافي شي صعب مع الاجتهاد بس حنصحك نصيحة اهم شي تكون حابة القسم ومااكذب عليكي اقلك واو سهل لاني دخلت وماانكر اني تعبت شوية بس هادي مرحلة تأسيس يعني بعد المستوى الخامس كتير يقولو تبدأي تتعودي على مستوى الصعوبة واهم شي يكون عندك هدوء تركيز وتكوني مروقة وانتي بتذاكري هههههههههههه اهم شي الترويق وخصوصا في مادة البرمجة اوكي يلا الله يوفقك يارب ولاتخافي اهم شي تكون حابتوووووووووووووووووووووووووووووووووووووووووووووو ووو وفاهمة انو مافي لعب وممكن تجي عليكي ايام ماتقدري تنطنطي زي البقية ههههههههههههه انا ماابغى اخوفك بس اوضحلك الوضع انو لازم طبعا تذاكري اول بأول واجباتو كتير شوية ممكن تجي ايام مايمديكي تذاكري بس لازم تحاولي اوكي ياقلبي
الله يوفقك ياااااااااااارب ويسهلك
وسامحيني على كتر الكلام
نصيحة صغنطوطة : استخيري الله فما خاب من استخار

[mind glance]

هلا بالأخوة الحلوين
شكرا لك أخي خالد على مرورك ومساعدتك لي
شكرا لك أختي حنين الروح على مرورك ومساعدتك وعلى ((النصيحة الصغنطوطة))
لكن أختي هذه النصيحة بالنسبة لي تساوي الكثير وأنا ان شاء الله رح استخير ربي

لكن ما احد قالي ايش أصعب مادة في هذا القسم؟
وحدة قريبتي متخرجة من هذا القسم تقول اصعب مادة كانت 102
وهي ماشاء الله عليها كل المواد نجحت فيها بامتياز ماعدا هذه المادة أخذت B
بس أنا ابغى أتأكد أكثر يعني هذه البنت ماشاء الله دافورة بس ما اعرف ايش رأي باقي البنات؟؟
وايش الأشياء اللي لازم تكون عندي خلفية عنها قبل التخصص؟
لأني ما استخدم الكمبيوتر كتير ومااعرفله كتير!

[الشاكي]

والله إذا هذي رغبتك ما عليك من الناس

[mind glance]

شكرا لك اخي داعسهم على الدعم المعنوي
خلاص انا قررت بأجلس ترمين في التخصص
وإذا ما قدرت رح أحول
: )

[smile flower]

مرحبا عزيزتي...
القسم في حد ذاته مو صعب ولا هو معجز...
يبغالك تركيز ومذاكرة...
برأيي المناهج مو صعبة لكن الاسئلة دقيقة ما عليك الا انك تشوفي اسلوب الاستاذه او الدكتورة وتفهميه عشان تحصلي درجات في كل اختباراتك تكون جيدة...
طبعا في الحاسب موضوع الغياب ابدا غير محبذ خصوصا في بعض المواد اللي تحتاج مجهود خاص وتركيز عالي...
تمنياتي لك بالتوفيق واهلا بك في قسم الحاسب...

[Diver]

في عبارة دايماً أحب أرددها وبصوت عالي هيا
(( رغبتي.. فوق كل شي ))
يعني ماحد رايح يمنعني من رغبتي مدام أنا قادر على الإبداع فيها طبعاً كل الأمور بيد الله سبحانه بس الواحد ياخد بالأسباب
وأتمنالك التوفيق عزيزتي

[mind glance]

شكرا لك اختي العزيزةsmile flower على المساعدة أنا الحمد لله ما احب الغياب: )
وشكرا لك اخي العزيز diver على النصيحة الحلوة
وان شاء الله أكون مبدعة

[عوبد]

بسم الله الرحمن الرحيم
شوفي اختى انا علة وشك اتخرج من القسم بتقدير ممتاز
وكل اللي سمعتيه انا سمعته قبل ادخل القسم
القسم يحتاج شي من الاهتمام
وانو الةاحد يكون مفتح راسه شويه بعدها كل شي يهون
ومهم جدا الاهتمام بالكورسات الاولية لانو تعمتمد عليها الكورسات اللي قدام
ومهم جدا الاهتمام بالفهم وليس الحفظ
لانو فيه ناس اتخرجو بمعدلات حلوه بس كانو يعتمدو على الحفظ
اكلو هوى بعد التخرج
والشي الاخير المهم هو الحرص على حل الواجبات والمشاريع بنفسك
واتمنا لكي التوفيق