مبتدئه في كتاية الشعر وأريد انتقادات الأدباء منكم

[لا يأس مع الحياة]

حزييييييييييين



تبكيك عين غاب غاليها
بكى حساس فاقد له فقيد
بكت نزف والآهات تعليها
وليت الدمع والآهات بالله تفيد
بكت وونتها بالوحده تسليها
والدمع أقوى لي ذاب الحديد
يادموعي هذي أمي بشريها
قولي لها بنتك الفرح عنها بيحيد
بنت ومدلـله وشو يبكيها؟؟
غير تعيش ومن تحبه عنها بعيد
أيه بنت والنعومه تحليها
بس الحزن كنه للحلا تهديد
تخيلوا بنت والوحش يدميها
كلن بيساعدها بس يخاف عمره يبيد
نبتت الحزن في قلبي الدمع يسقيها
وثمر المواجع من نوعه فريد
تبتسم للناس وشو يعنيها؟؟
دام جرح الزمن في قلبها شديد
حد شاف بنت تبتسم والهم مدفون فيها
وش تسوي والأبتسامه للغير تقييد
صغيره على الحزن بس وش فيها
جمله يقولها الناس على سبيل تعويد
بس من يفكر ويتأمل معانيها
بيلقى شخص أعوامه قد أصبع الأيد
الدنيا عذبته بس الله يهديها
وشخص عاش في الدنيا عمرً مديد
وش تغير وحياته الفرح جاريها
آه من قريب ظلمه لي عديد
والأصعب مصيبه جيتي تنسيها
بس من حولك يعيد فيها ويزيد
بنت والله يا دنيا بنت شوفيها
بنت بنت والله وهذا شي مو جديد
أيه نعم بنت وعمر الزهر فيها
يادنيا فرحيها واعتبري اليوم عيد
الدنيا تعلم كل من يعش فيها
والدنيا علمتني راي في حكمه سديد
المصيبه ما يحس فيها إلا راعيها
ودمع المفارق على العشيقي أكيد

وسلامتكم