شخصيات علمية مميزة

[سحر البيان]

المشاركة الأصلية كتبت بواسطة ● ѕнα.ѕнα ● - متابعة لكل مايكتب هنا من إقتباسات رائعة .. قصة العالم المصري فاروق الباز مثل ماأعجبتني قهرتني في نفس الوقت ! يعني هذا عالم عربي ، مالقي اللي يقدر علمه ويعطيه فرصته داخل وطنه :/ حرام والله غيرنا يستفيد من الثروات اللي عندنا .. العلماء - بمختلف تخصصاتهم - ثروة .. المال والعمل بدون العلم مايسوون شيء .. شيء يقهر لما نشوف عندنا يهتمون بـ المال / العمل وينسون الأهم اللي هو العلم .. الله يجزاك كُل خير أ.ليلى ، من النادر نلقى أشخاص يحبون تخصصهم وعملهم بالطريقة هذهـ .. أتمنى مستقبلاً نلقى نماذج كثيرة مثلك .. =)

للاسف دولنا العربيه تأخذ أعلى الشهادات في قتل الأكفاء ...

شوفي دول العالم فين وصلت و احنا فين ؟؟؟؟

يعني دوله مثلنا مااتقدر تفتح مصانع و توظف خرجين الكليات العلميه ... و توظف عمال ( كثير عوائل عندنا فيها ناس ماعندهم شهادات بس يبغوا عمل شريف ) ....

متخيلين أنه كل هذه الطاقات تتعلم عشان تعلم .... يعني مافي منفذ ثاني .... أختي خريجة قسم علمي .... و تقول لي أموت و لا اشتغل مدرسه ..... جلست في البيت

شوفوا كوريا ... صنعت سيارات نافست فيها شركات مشهوره .... الفان كرنفال كيا أعتقد من 2005 هو حاصل على المركز الأول كأحسن و أمن سياره عائلية و أعتقد حتى الان ...

هونج كونج .... تعرفوا كم جامعه من جامعاتها ؟؟ ...... أخذت مراكز متقدمه ضمن جامعات العالم

جارتنا العدوه .... اسرائيل فين مكانها في العالم .... دوله متقدمه ؟؟؟ و احنا ناميه

بس شوفي لما تسمعي حاكم دوله مثل ليبيا يطلع و يقول (( سأحارب لاخر قطرة في دمي )) .... يحارب مين شعبه .... أغسل يديك .. يعني احنا لو في تصنيف تحت الناميه .... ننحط فيه

و بما أن الشيئ بالشيئ يذكروا .... أتذكر لما تخرجت من الجامعه قعدت سنه أدور على شغل و أنا مأخذه امتياز و الاولى على دفعتي .... مالقيت حتى في مدرسه أهلية .... المضحك انه مديرات هذولا المدارس لما يشفوا شهادتي يقولوا لي أنت المفروض تكون معيده في الجامعه ....

(( جابوا شيئ جديد ... يعني أنا طمعانه في وظيفتهم أم ألف ... على قول المصريين ... نورت المحكمه يا معلم ))

و لا في مكان اسمه ديوان الخدمه هذا المكان لو رحتوه .... تحسوا أنه لو تعيشوا بكرامه في بيتكم أفضل مليون مره من أنكم تشوفوا أحد منهم ... أظنهم حاطينهم بهذا الشكل عشان تحرموا تتطلبوا وظيفة ....

أنا ما أطلب منهم وظائف طالما الدوله مو موفره بس عالاقل حسن تعامل .... (( تبسمك في وجه أخيك صدقة))

و الاحلى و الاحلى .... لما رحت فترة أشتغل في الجامعه على أمل أني أتوظف معيده ..... كانت واحده معيده (( غيرانه مني ))

راح تطيرني و عمركم ماكنتوا شفتوني هنا .... (( هذه الفتره لما أتذكرها اليوم أضحك عليها ))

لولا الله ثم دعاء الوالديين .... و عمل الخير اللي أرميه دايم في البحر ..... ربي سخر لي ناس كشفوا لي مؤامرتها ....

و لا كان هاجرت مثل فاروق الباز ....

بس الحمدلله نفسي أسأل الناس اللي سمعوا لها .... اليوم بعد 10 مين في رأيكم يستاهل هذا المكان ؟؟؟

و لله الحمد بعيدا عن التدريس و لله الحمد أنا عضوه في كثير من اللجان المؤقته و الدائمه و كنت عضو في لجنة اجراء المقابلات الشخصية للطالبات المقبولات في كلية الطب و غيرها

للمعلوميه هي لها أكثر من 10 سنين مادرست و لا مقرر... ماساهمت في أي نشاط يخص الجامعه ....

و ما شفتها حتى الان ؟؟؟ بس عارفين هيا فين ناميه في البيت ...

الحمدلله اللي يستاهل الحمد و مأجوريين ان شاء الله

و عشان كذا لاتزعلوا مني لما أحد يطلب طلب و أحس فيه ظلم لاحد .... اللي جرب الظلم عمره ما يظلم أحد

و شكرا للمداخله اللي قومت المواجع

[بسمة تشرين]

راااااااائع الموضوع فارداي امس اتفرجت وثائقي هو فيه وكيف انه العالم اليي كان مساعده غار منه لانه اكتشف اكتشافات ماقدر يكتشفها وكيف كانوا العلماء من اصاحب الطبقة الراقية يقللوا من شانه يحسسنا انه نحن ندلع هو كان انسان يسعى للعلم يبحث عن اي معلومة
اسم الوثائقي فكرة اينشتاين الكبرى ماكملته لكن اكلم عن كم عالم واحد فرنسا واينشتاين وفاراداي هذا اول بارتين
((كملته في الجزء 9 ليز مايتنر ^_^ ))
وعن المعيدة الي كانت تبغى طيرك والحمد لله ^_^ ماطرتي وشفناكي هنا معنا يقولوا دايما الناجح والمبدع يتم محاولة تعذيبه في البداية الخوف الي عند البشر من نجاح الناس يسبب ده الشيء حتى بعض المديرين يعروفوا انه هذا الموظف ممتاز ويخافوا منه على مناصبهم فيهلكوا الين يطفس

شكرا ليك رفع معنوياتنا بقصص النجاح ياليت كمان نتكلم عن اخلاقيات االعلماء الناجحين