خلصت 49 ساعه ..اقدر اخذ صيفي ولا لا؟؟

[عذب الروح]

خلصت 49 ساعه ..اقدر اخذ صيفي ولا لا؟؟

ارجو ممن يملك الاجابه انه يفيدني مشكورا

[سطام الشتوي]

ممكن ترسل طلب عن طريق خدمة المعاملات الالكترونية وان شاء الله يفتحون لك الجدول

بالتوفيق ان شاء الله

[أبو مـــــاجد]

المشاركة الأصلية كتبت بواسطة عذب الروح خلصت 49 ساعه ..اقدر اخذ صيفي ولا لا؟؟ ارجو ممن يملك الاجابه انه يفيدني مشكورا

أخوي يا عذب هالجـــــــامعه كل يوم طالعه بنظام مره تقول 48 ومه تقول 49 وأخيرا يقولك 50

وهذا حسب ما سمعت فأنت الأفضل لك خش على نظامك الأوديس وخش على معلومات عامه بتلقى
فوق اعلى الصفحه معلوملت لطلاب الانتظام ومعلوملت لطلاب الانتساب خش ع الانتساب وبيطلع لك الترم الصيفي خش عليه وشوف شروطهم ...وسلامتك

[سطام الشتوي]

المشاركة الأصلية كتبت بواسطة أبو مـــــاجد أخوي يا عذب هالجـــــــامعه كل يوم طالعه بنظام مره تقول 48 ومه تقول 49 وأخيرا يقولك 50 وهذا حسب ما سمعت فأنت الأفضل لك خش على نظامك الأوديس وخش على معلومات عامه بتلقى فوق اعلى الصفحه معلوملت لطلاب الانتظام ومعلوملت لطلاب الانتساب خش ع الانتساب وبيطلع لك الترم الصيفي خش عليه وشوف شروطهم ...وسلامتك

للمعلومة فيه بعض الحالات يكون له استثناءات مثل ساعة ناقصه عشان تكمل المطلوب للترم الصيفي يتم استثنائك بإذن الله

[عذب الروح]

سطام

ابو ماجد

بيض الله وجيهكم ورايتكم بيضا

وفالكم التوفيق بجاهـ السميع العليم ان شاء الله

والان بروح اتبع خطوات الاخ ابو ماجد واذا ما قبل النظام بسوي اللي قاللي عليه الاخ سطام

واذا ابتلشت تراني بتواصل معكم بالرسايل الخاصه او بهالموضوع

لأني بجد بخاطري اخذ صيفي وللحين مارسيت على علم

وربي يسهل لي ولكم ولجميع المسلمين كل امر

ومن قلبي اقول لكم جزاكم الله خير

وتقبلو ارق التحايا

[عذب الروح]

للاسف هذا اللي طلع لي

(( عفوا لم يتم تحديد مواعيد للفصل الصيفي , الرجاء مراجعة الصفحة لاحقا ))

وانا قبل موعدهم ابي اعرف فيه امكانيه اني اسجل ولا لا

[تسلل]

الله يعينا وياك

[طالب بكلوريوس]

مشكله الصيفي الاختبارات في رمضان

[عذب الروح]

المشاركة الأصلية كتبت بواسطة تسلل الله يعينا وياك

اللهم آآآآآآآآمين

[ناعس الجفن]

حبيبي ،، أنا صار لي مثلك قبل سنتين ،، وسويت لهم طلب ورفضوا !!!!

راح عليه ترم صيفي عشان ساعه !!!



لكن حاول والله يوفقك