اللي تاخذ غير عضوية مع اماني , تدخل

[بيو كيميائية ^_^]

المشاركة الأصلية كتبت بواسطة دروووووووب امممما يعني مو كل المعلومات انا فاهمتها طيب مين تعرف طريقة اسألتها او نبغ خبرة مجربة اختبار ددوري اول بلييييييز افيدونا ؟؟؟

أنا أول دوري نقصت فقط نص على حاجة هايفة على قولتها

كنت أكتب كل حاجة معاها وأذاكر وبفهم

ماأحفظ أنا أصلًا

وحلي كان كله بفهمي وجبت 19 ونص

لو هي تبي على النص مثل مايقولون كان نقصت كثير عشان كاتبة بأسلوبي

كلام البنات كذب تحفظي بدون فهم ماتحلي

كتابة بالفهم وصح عادي بس تكتبي بالفهم غلط لا

تجيب لك مكنزم وتبي جزء منه وتكتبيه كامل كله غلط لأن بتقول ماأنتِ فاهمة

وأهم شيء لا تكوني خايفة

هي كل شيء تجيبه تقوله في المحاضرة

ماتجيب شيء جديد بس البنات ماتذاكر وتحفظ بدون فهم فما تحل

و إن شاء الله تجيبي a+

[حنان 90]

المشاركة الأصلية كتبت بواسطة بيو كيميائية ^_^ بصراحة أنتِ تبالغي

المشاركة الأصلية كتبت بواسطة بيو كيميائية ^_^ أولًا ليش ماأخذتي مع مونزا دامك مو طايقتها ثانيًا تقولي تزعل عشان تشوفي الورق أنا في الدوري الثاني رحت أشوف ورقتي وكان فيه غلط منها ومرة برحابة صدر و ياكثر اللي يشوفون أوراقهم وتراجع معانا وتفهم البنت أغلاطها ثالثَا مواد التحضيري أصعب تمزحين !! لأن التحضيري إعادة للثنوي فكيف يصير أصعب !! رابعًا تعاملها السيء هي أحسن دكتورة في الأخلاق أنا تعاملت معاها خارج الكلاس وأخذت معاها بحث وعشان وقتي يتعارض مع وقتها صارت تجيني في يوم هي ماتداوم فيه لو ماعندها أخلاق ليش تقوم من عز نومها وتجي لي عشان تعلمني البحث وتشوف اللي عملته وهي حتى ساعة ماراح تاخذ وأيضًا لما أكلمها تحترمني وتوقف مو تمشي وما تسخر على البنت إذا غلطت مثل هناء قشلان وحكاية الأسئلة بايخة إن كانت بايخة ليه ماحليتي !! والبنت اللي كل ورقتها اكسات ليه ماقالت إنها كاتبة غلط لو صح مانقصتها و بعدين أوقات تكتبي نص الشيء لكن هالشيء أصلًا غلط أو ماله داعي أوقات كثير يقولون كاتبين وكاتبين لكن هالشيء غلط و أوقات غبي وشكلها صديقتك تبالغ وعطتها الدرجة لأن حقها ومافيها شيء تعترف بغلطها وكثير يرسبون من الإهمال أو الخوف أو المذاكرة الغلط بالمقابل كثير جابوا في التسعين و الثمانين و على فكرة صدق هي مصرية لكن هي أفضل وحدة في القسم وهي اللي تعلمنا منها وإلا السعوديات اللي عندنا شنو إستفدنا منهم قول لي بعضهم إخذنا درجات وبعضهم خسرنا الإثنين أبسط مثال هناء قشلان لا شرح ولا أخلاق لو ما إستاذة بهية كان مانعرف شيء في الطبية صححي أغلاطك وشيلي النظرة هذهـِ مابترسبك ظلم وإذا مظلومة شوفي ورقتك مابتمنعك

1- زي ماقلت , ماحصلت الاهي , وبعد ماتقفل الحذف والاضافة في كم شعبة تحولت من اماني لمونزا < وماتناسب جدولي .
2- زي ماقلت مو انا اللي رحت اشوف الورقة , وحدة اعرفها .
3- ايوه مواد التحضيري (العلمي) اصعب 100 مرة من الثانوي والتخصص , ومعروف هذا الشيء , كثير يرسبوا في التحضيري اعرفهم , ويمشوا في التخصص .
4- اذا هي " احسن دكتورة في الاخلاق" , اذا على الدنيا السلام !
5- بخصوص الاكسات حمراء , لانه شكل هذا طريقة تصحيحها , اذا نصها غلط تحذفها كلها .
6- بخصوص انها عطتها الدرجة , يعني شكلها بسهولة تحط الاكس الاحمر بدون ماتقرأ .
7- صراحة كل السعوديات تقريبا تعاملهم راقي + الباكستانيات + الاردنيات + الهنديات ...الخ
اما المصريات على اللبان يسوو "قروشة" , وكثير منهم ينافخوا ومايحترموا , درسوني تقريبا 7 مصريات , تقريبا 5 منهم كانوا كذا


وانا لا ابالغ ولا يحزنون , بس لمن ناس كثير عمرهم مارسبوا , وياخذوا مع اماني وفجأة يرسبوا
ولمن الشوؤن تعطيها انذارين !

ايش معناته ؟؟؟ اعتقد واضحة .

[Esra'a5992]

بصراحه الاختبار حلو اليوم وكانت الأسئلة وآآآضحه :)
يعني أنا صحيح ما حجيب الفل مارك بس ان شاء الله ما أنزل كثير
لكن الأسئلة ماكان فيها لف ودوران ما توقعتها كذا توقعت مثل الأيض صعبه بس الحمدلله طلعت حلوة

[اها طيب]

دايم اشوف بالمنتدى انكار شديد انه مو كثير الي حملو مواد د. اماني وان لو في بنات حملو مادتها يعني مهملات ومايذاكرو او بسبب اللي انقال لهم !!

مو شرط / في بنات مايفهمو عليها وفي بنات يفهمو عليها ويفهمو على اسألتها طبيعي ججداً , ماحد يجبر الكل انه يفهم عليها وانه د. اماني التوب وانها افضل وحده بالقسم بس بسبب اراء شخصيه ،

مثلا / د. كريمه في بنات تفهم عليها وفي بنات ماتفهم عليها ، اجي اثبت على رأيي واغلط في الكل عشان بس انا افهم عليها واجيب a+ معاها واسألتها حلوه جداً وسهله واهمش كل الدكتورات واخليها هي الافضل بالقسم بسبب اعجاب شخصي بالدكتوره + كذا بنت مثلي يفهمو عليها = افضل من في القسم !!

وعلى سالفه احترامها هي تحترم اللي يناقشوها ويسألوها في المحاضره واللي يجيبو درجات حلوه فقط وتهتم فيهم جداً جداً جداً ، و تكنسل على الباقيات مع الاسف ،

وفي بنات يروحو لها وتنرفزهم وقت يشوفو اوراقهم ويبغو يعرفو اغلاطهم ، غير الكلام الوحش وبكل قرف تتكلم معاهم < ليش ننكر هذا الشي انا كذا مرا شفتها وسمعتها وفي بنت كانت تبي تشوف ورقتها وربي خرجت من مكتبها تبكي !!

مهما كان مافي وحده راح تتعمد الخطأ وبكل جرأه تراجعها ؛ الا لانها تعبت وذاكرت وتبي تعرف اغلاطها عادي ليش كذا تعاملهم بكل قرف وتكبر وعصبيه ماتبي تجاوبهم تقولهم انا مشغوله وخلاص بدل اسلوبها السخيف معاهم ,

ومع كذا اشوف بنات يعممو على الكل ويشهدو لها بأن اسلوبها حلو دائماً بس لأنها معاهم كانت محترمه !!

وعلى فكره اسلوبها كان معاي سخيف وطردتني مرا من مكتبها وقت رحت اناقشها باغلاطي ورفضت تناقشني بكل احتقار وقالت لي كلام غبي وبعد الدوري الثاني تغير 180 درجه صارت جدا جدا حبوبه ومحترمه معاي ههههههههههه :)

[اها طيب]

ويا اخت حنان دامك اخذتي معاها حاولي تتناسي اللي فات / لان لو جلستي كذا مقهوره على شي صار وانتهى ، راح تحملي الماده ثاني مرا ..
وسمعت من صاحبتي انها خففت المنهج وراح تسهل الاسأله هذا الترم لان اغلب اللي حملو معها بشعبها الحين وهم تخرج وكثيرات فلا تخافي وسوي الي عليك ,
وغيري طريقة مذاكرتك اكتبي اللي تقوله او سجليه وذاكريه وبعدها راجعي الملزمه أو روحي لبنت فاهمه تشرح لك وهذا اللي انا سويته جبت درجه حلوه جدا بسبب طالبه جلست تشرح لي ايام ربي يسعدها ,

ومايحتاج تفكري كثير بأنك تشتكين لان عندها انذارين على ( اسلوبها وتعاملها العنصري مع الطالبات ) مو على تصحيحها , هي تصحح بذمه للكل بس اللي يتفاعلو معاها ودرجاتهم كانت حلوه عندها تزيدهم بالدرجات وتتغاضى عن اغلاطهم البسيطه عكس الباقيات ماراح تتغاضى وماراح تزيدهم بشي حتى لو باقي لهم درجه وحده على النجاح ..

فلا تزعلي ، يعني اكيد عندك اغلاط وماتجاهلتها لك :)
اتمنى تكون وضحت الصوره لك :)

[فتاة جدة الذهبية]

اها طيب
ربي يسسسسسعدگ كلام جداً راقي والله صادقه بكل كلمه قلتيها❤

[دروووووووب]

صبايا الله يسعدكم ,, مين تسجل محاضرات الغير عضوي مع اماني

لأنه انا غبت في محاضرة الiron bolism ,,ومررررة مو فاهمة شي

اللي تسجل بليييز ترسلي اول محاضرة حقت الايرون واكون لها شاكرة