ماذا ينقص طالب التحضيري ليصبح من المتميزين .....!!!

[Be Fun]

انا لو حتكلم حتعب ....
اول شئ ما اشوف انوو القدرات و التحصيلي طريقه عادله عشان يعرفو انو الطالب مؤهل للجامعه ولا لا ...
احسبوو و اغلطوو في البنات اللي نسبهم و درجاتهم عاليه و سحبوو و اعتذرو ...انا ما الومهم انهم ما يقدروو كمان الجامعه مصعبتها حبتين ...
انا صحبتي نسبه الثنوي 93 و القدرات و التحصيلي في الخمسين طبيعي ما تنقبل ...بل البنت عندهااا موهبه غير طبيعيه ...و بسبب موهبتها جاتها 3 منح من جامعات تانيه ....و انا متاكده انوو في كدا وحده برا الجامعه عندهم اشيااء بنات وسط الجامعه ما عندهم....
فأتمنى لو يحطووو في اعتبارهم النااس الموهووبه لانوو في بنات اخدوو 100 في التنويه من غير تعب كلها ورقتين .. و القدرات و التحصيلي بالحظ ..و من اول كم يوم سحبوو ..
__________________
غير كدا حتى لو وحده دخلت الجامعه و عندها موهبه و عندها اشيااء و اخدت اعترافات من براا السعوديه بس كل اللي جواتهاا ماااااااااااااات .....ليش ..!!
بسبب الضغط الضغط الضغط ...تخيلوو انوو في الاسبوع كلوو ما عندي غير سااعه وحده بريك ..
و البااقي ضايع في السكاشن .....
كيف حنبدع كيف حننتج ....كيف ..!!
الدرااسه مو بس ورقه و قلم و حل .....الدرااسه تطبيق و انتااج ...
___________________
غير كدا الجامعه بتعاملنا على اننا ولا شئ .. التحضيري ولا شئ
صحبتي غابت فتره و جات تقدم العذر للاستاذة ...
قالت لها مع غيابك دا حتدخلي امومة و طفوله ....
اول شئ البنت عندهاا ظروف مراا قويه ....
تاني شئ لو حده دخلت امومة و طفوله ايش العيب ...
هوا اصلا مفتوح في الجامعه ....!!

و غير كدا انا مراا طحت و اتكسرت رجلي و انفصلت العظمة عن المفصل نفسوو ...
فرحت للجامعه و ابغا اخلص شغله و اقدم عذر بسبب غيابي لاسبوع ...
واللهي اني تمرمط من الشؤون للعمادة و من العمادة للشؤون و من مكتب لمكتب ...
من الساعه 7 لما 11 و نص و انا واقفه و تعباانه ......
و اخلاق الموظفاات زفت ...كأنها أخدت الدكتورااه ....
لما اخر شئ بكيت على درج العمادة و اتصلت بقسم الرجال و جبت فيتامين "و" ...
قامو يساعدوني 4 موظفات ..طيب انا عندي واسطة و ما كنت حابه استخدم الشئ دا ... اللي ما عندهااا ايش تسوي ...
و ياريت الموظفاات كانوو مشغولين ...كانو يهرجوو و ياكلوو قاتوو و حلوياات ...
_____________________
و دحين طلعوو لنا بحكايه البونس حق الرياضيات و ظلم الاختبار .....
انتوو عارفين بالبااقي ...

بس ابغا اعرف لما متى حنتحمل ....!!!
لو ما يبغونا كانوو قالولناا من اول
و انا ما دخلت الجامعه دي الا عشان القسم اللي ابغاااه مافي غير في عزوز و الجامعات التانيه مافيهااا ....
بس دحين سرت اشوف انوو لو رحت اي مجال تاني و اي جامعه تانيه كان مراا احسن ....

[ميتوكندريا]

اللي ينقصنا الدكاترة


انا احضرفيزيا اضافي عند دكتورة الله يحفظها يارب ..الفيزيا كانت عندي اسوأ مادة بس دحين احلى درجات جبتها في دي المادة ..وشعبتها كلهم درجاتهم حلوة وهذا اكبر دليل انو مستوانا حسب دكاترتنا

[BlackX]

والله كلامك ميــــه ميـــــه
لكن مع نفسـهم بالنسبه للسحب عادي نأخد ترم صيفي ليش لا !!!
في ناس مرو باللي مرينا فيـه الدفعات السابقه ودحين في احسن التخصصات
بس بجد الشي اللي مره يقهرررر انك تدخل الاختبار مزاكر وكل امورك تمام وتلاقي احد حال اي كلام
بدون مايذاكر زيك وجايب درجه احسن منك آآه بس لكن كل اللي نقولو (كل واحد ياخد نصيبو فدي الدنيا والحمدلله)
الله يعيننا بس هادا واحنا لسه في اول المشوار باقيلنا سنين وسنين .. وحنتخرج و(الجامعه زي ماهيااا)

[سارة المتعذبة]

احس انكم مكبرين المواضيع شوية
يعني الموضوع مو لدي الدرجة تعجيييييزي

اوكي نحنا بنشتكي شوية من صعوبة الاسئلة بس الجامعة زي الفلة مافيها البلا
وبالنسبة ليا البنات حبوبين والمدرسات زي العسل

اذا انتا بين اهلك وناسك وبتدرس في بلدك ومستصعب الامور
اجل لو سافرت برا وشفت الصعوبة على اصولها اش حتسوي

مهما كان نحنا هنا بين اهلنا عالاقل في احد يفهمك
ومهما كان مناهجنا مو معقدة داكا التعقيد
ولاتنسو انو نحنا تحضيييري يعني اول سنة
فلازم نتقبل الجامعة عشين نقدر نكمل السنين الباقية
ونحنا على دا الحال من اول ترم ماينفع

[AM00NA]

اللي ناقصنا وناكبنا

انو ياليت عندنا اساتذه تحط الاسئلة على (قد شرحها)
يعني زي بعض الاستاذات محدودة بالتمارين والامثلة اللي بالكتاب ، سألتيها عن غير كذا ؟ تجيب العيد ...!

امممم وطبعا هيئة التدريس لو نتكلم اسبوعين على قدام ماراح يصير شي عشان كذا أفــضــٌل الصمت ..
هاذولي مخضرمين كيف تبغون يغيروهم !!

اهم شي في الجامعه الجيدة هاذي اولا: يكون عندك ثقة في نفسك انك راح تمشي في كل شي ان شاءالله طبعا مع الاخذ بالاسباب ( ذاكر اول بأول واجتهد عشان ربي يعطيك على قد تعبك ).
ثانيا: حاول قد ماتقدر لاتحتك بالناس اللي فيها لان الاساتذه مايعطون وجه والطلاب اغلبهم مصالح الله يصلح الحال الا من رحم ربي .

وبالتوفيق لنا جميعاً..

[الفديمه]

up
uuu

[صعب تملكني]

مستحيله انا ودي اوصل لاحد مسؤل اكيد مو من الجامعة عشان الي ف الجامعة كل واحد اخس من التاني
والله انا ابغاء اعرف جامعة لها اسمها ومكانته كيف تكون ب الشكل هادا...وصل الستحقار وانهم يستهينو بطالب لدرجة ينطرد من المكتب والله العضيم رحنى نسئل الاستاذة حق مادة من المواد طردتناء من المكتب ..واكيد ماراح نسكت فاردت عليها وحدة من البنات امانتن بكل ذوق شوف التحريض قالت للبنات تبوني ارد ع اسئلتكم طلعوه من المكتب...
شوف عاد لي درجه.....