يا استاذ عماد وبقة المشاركين الله يجعل مثواكم الجنه

[لوليتا 2010]

اعرف انك مشغول بس لا تلومني اذا استعجلت بطلب رقم القوى العامله او رقم اي جهه ممكن اقدم فيها اوراقي عشان احصل على و ظيفه كل ما قرب موعد الدراسه اموت خوف والله مرعوبه و كثير اسمع كلمة تستاهلي فتحت لنفسك باب انت مو قده اسحبي او قدمي اعتذار لحد ما يصير فيدك و ظيفه بعدين قدمي للماجستير من او وجديد طالما معدلك عالي و عندك فوق 12 دوره و 280 ساعه لغه ما عندك مشكله .. لكن انا ما ابغى اتراجع ابغى اكمل .. انا من خارج جده و القسط الشهري للغرفه المشتركه في سكن الطالبات الخاص 1500 ريال هذا غير الكتب و غيره ..
رحت سكن الطالبات التابع للجامعه و طلبت اسكن لو ف غرفه جنب باب الشارع لو مستودع مو مشكله اضمن اقامه مجانيه و المواصلات بباصات السكن الداخلي كدا ما يبقى لي غير ادبر ثمن الكتب وباقي الطلبات المكتبيه ... بس رفضوا بحجة ان السكن يوفر خدمة الاقامه فقط للطالبات العام عرضت اشتغل عندهم بدون مقابل نظير ان احصل على غرفه لعلمي بأن مشرفات السكن لديهن غرف خاصه لكن تم رفض طلبي ... مخنوقه
وما ابغى اتراجع ابغى الجهه الي احط فيها اوراقي و استنى الفرج .. بس ياخدوا اوراقي محد راضي ياخد اوراقي ؟؟؟
الله يسعد قلب كل مين دعى لي و الله فرحت حسيت فيه احد معايه لو بالدعاء اشكركم من كل قلبي و اشكر ك يا استاذ عماد ..

[malak_2100]

كان الله في عونك ورزقك من حيث لا تحتسبين ...

[m.h.s]

الله يفرج همك اتأكدي ان مع العسر يسرا وماضاقت الا عشان ربي يزيد معدل استمتاعك بالفرج

انتي هدفك سامي وطلب العلم عباده الله يفرج همك يااااارب

[عماد الحسن]

السلام عليك ورحمة الله

أشكر لكم أختي الكريمة هذه الثقة الكبيرة منكم وأبارك لكم القبول في الماجستير كتب الله لكم الآجر الجزيل في طلب العلم.

ظروفكم صعبة الله يعينكم ، وكلنا معكم إن شاء الله ونسعى لتقديم ما يمكن لكم حتى تستمري في الدراسة وتتخرجي من الماجستير بخير وعافية قريباً. وفي الحقيقة أنا لا أعرف رقم القوى العاملة في الجامعة وحتى لو حصلتي عليه فهو صعب ان يفيدكم الآن لضيق الوقت والظروف في رمضان ، ولكن أرسل لكم بريد عميد الدراسات العليا
dgs.dean@kau.edu.sa
ولابد تكتبي له خطاب موقع منكم وهو ممكن يفيدكم في عمل منحة خاصة لكم تشمل السكن الطلابي أو أي خطوة تفيدكم.

وحسب علمي أن هناك جهة خاصة بطلاب الجامعة يمكن أن يساعدكم في الحصول على وظيفة مناسبة خلال مدة دراسة الماجستير،،، أنا مستمر في البحث إن شاء الله عن مجال مناسب لكم أو جهة ممكن تقدمي عليها للتوظيف ويهمنا رأي بقية الطلاب والطالبات في موضوعكم جزاكم الله خير،
وعليكم بالدعاء في هذه الأيام الطيبة والتوفيق من الله تعالى.

[لوليتا 2010]

يارب كل مين شاركني همي لو بدعوه تتفتح له ابواب الرزق و الصحه و السلامه من كل مكروه ... ولا يجعل للهم و الخوف طريق لقلوبكم الطيبه .. ما ني عارفه ايش اقول مبسوطه فيكم و بإهتمامكم ..m.h.s و malak_2100 مع وافر الشكرو الامتنان للأستاذي عماد الحسن لتواضعه و اهتمامه .. الله يسعدكم جميعا ً

[مطالبة]

لاتفرطي في الدراسة
وبالذات وانتي ماعندك وضيفة
الزمن هذا صعب
وناس بوضايف وتتمنى مكانك
ماشا الله

نجي للمهم
هل عندك فرصة تطلعي تشتغلي في الصباح في مدرسة
وترجعي للجامعة

او في العصر تستقبلي طالبات في سكنك تدرسيهم

طالما عندك دورات
اش فيه منها ممكن يدر عليك دخل
هل فيهم دورة تطبيقية
اكيد عندك حاسسب
ليش ماتعلني في جرايد الإعلانات
وتكتبي خدمات معلمات وطالبات
كثير يبغون تحاضير وعروض بور

ان شا الله يكون لك حظ في منحة السكن


شي ثاني ياريت تقوليلنا على تخصصك
عشان نقدر نوفر لك مراجع مكدسة عندنا

جربي تقدمي في مكتبة خوارزم
لهم فروع داخل الجامعة
والعملات فيها سيدات



ربي يسهل امورك
معاك بحول الله
لين تبشرينا بتيسير امورك
وبدئك للدراسة

تحياتي لروحك الطموحة

وفقك الله
ويسر لك خيرة خلقة

[ذكريات الجابر]

ربي يوفقك ويرزقك ويسهل امورك ودراستك وبارك الله في جهود اخينا عماد الحسن على ماقدمه ويقدمه ونعم الاخ

[معلمة مكه]

الله يوفقك ويرزقك من اوسع ابوابه وربي يفرج همك ..
وبما انه لديك هذا الطموح لأكمال الدراسه فتـأكدي ان الله عز وجل راح يسهل عليك امورك وانها راح تفرج وراح تلاقي السكن المناسب واذا ماكان لك نصيب في سكن الجامعه تأكدي بأن الله كاتب لك سكن افضل من سكن الجامعه ..
مثل ماقلت الاخت مطالبه ..
الدروس الخصوصيه وتحفيظ القران وحطي لك اعلان في المكتبات
عمل تحاضير للمعلمات وعروض بور بوينت
شوفي مراكز التدريب مثل نيوهرايزن قسم الحاسب دائما عندهم وظائف شاغره .

[meme_3223]

http://www.skaau.com/vb/member.php?u=128001 الله يرزقك ويوفقك ..

[بنت جدة المنكوبة]

لوليتا حبيبي
أول شي أفيدينا عن شهاداتك ودوراتك ومعدلك

إنتي قدمتي أوراقك لقسم الفنون
أو لشؤون الطالبات في شغل باالهبل.......أغلب الي يشتغلو في الشؤون بنظام الساعة
وكمان النادي الفني إلي قبالة الشؤون

هل لك خبرة في الخياطة؟؟إذا لك خبرة ممكن تشتغلي عندنا في الوحدة الإنتاجية
موفقة