الخيره في ما اختاره الله !!!

[abu husen]

سلام عليكم

كيفكم يادكاتره عساكم بخير وكيف اجازتكم ان شاء الله مبسوطين

انا الحمدلله تخصصت هندسه موازي اول مرره وبعدين جيت صيدله والحمدلله ناس كثير مدحوها

وابغا اشير الناس اللي تخرج واللي بالسنه الثالثه ولا الرابعه يعطينا علم المواد وكيف ممكن نتميز

ويعطينا العقبات اللي حصلت معه وعندي بعض الاسئله اتمنى تجاوبونها الله لايهينكم

سـ / متى تنزل الجداول ؟
سـ / اول اسبوع فيه دوام ولا سحب زي العاده ؟ لازم تفيدونا عشان مانغلط !!
سـ / اللبس اجباري السكرب ولا مو اجباري ؟
سـ / من وين اشتري السكرب وكم اسعارها ؟
وسلامتكم (:

[غريب عزيز]

ألف مبروك تسجيلك في كلية الصيدلة وإن شاء الله انك تكون اخترت الشي المناسب لك

سـ / متى تنزل الجداول ؟
قبل الدراسة بفترة بسيطة

سـ / اول اسبوع فيه دوام ولا سحب زي العاده ؟ لازم تفيدونا عشان مانغلط !!
لازم تداوم عشان تتعرف على الكلية والدكاترة وبتبدأ المحاضرات من أول اسبوع وبتكون هي اهم محاضرات يمكن لأنها مقدمة عن كل اللي جاي

سـ / اللبس اجباري السكرب ولا مو اجباري ؟
المفروض اجباري لكن ما بيدققو عليه يمكن هدي السنة يتشددو بالنظام

سـ / من وين اشتري السكرب وكم اسعارها ؟
في محلات بس ما اعرف اوصفلك اياها خلي واحد غيري احسن

تحياتي ،

[abu husen]

الله يبارك فيك رد كافي ووافي ويعطيك العافيه

والله لايهينكم مواد السنه الثانيه لو تعطونا علمها وشنهي وكيف مذاكرتها يوميه اسبوعيه وهي دسمه ولا لا وياليت تفيدونا السكرب من اشتريه وكم اسعاره

[al-mawhiba]

وعليكم السلام والرحمة

اولا مبروك القبول وان شاء الله راح يعجبك القسم

سـ / متى تنزل الجداول ؟
قبل الدراسه باسبوع ان شاء الله والاداره راح تعطيك ملف فيه كل الاوراق الي تحتاجها ومن ضمنها الجدول

سـ / اول اسبوع فيه دوام ولا سحب زي العاده ؟ لازم تفيدونا عشان مانغلط !!
حيكون في دوام من اول يوم حسب الدكاتره .. ممكن يدخلو دكاتره الكيمياء التحليلية والعضوية ويعطوكم نبذه وزي ما قلت حسب الدكاتره ومزاجه
بس تاني يوم حتاخدو كل المحاضرات باذن الله وبالنسبه للمعامل ما اعرف ايش نظام قسم الاولاد بصراحه

سـ / اللبس اجباري السكرب ولا مو اجباري ؟
بالنسبه للاولاد ما اعرف والله .. هم راح يفيدوك

سـ / من وين اشتري السكرب وكم اسعارها ؟
انا اعرف 3 اماكن

عندك الثوب السعودي في المكرونه وبجانب المرجان

السويدي في المكرونه

وعندك افضل واحد اسمه الزي الطبي وفي فرع في السلمانية بلازا جنب الجامعة على يمين البيك في نفس البلازا

بالنسبة للاسعار انا عن نفسي اشتريت من السويدي وكان جيد جدا وسعره 130 ريال

اتمنى اكون افدتك وبالتوفيق ان شاء الله

[al-mawhiba]

والله لايهينكم مواد السنه الثانيه لو تعطونا علمها وشنهي وكيف مذاكرتها يوميه اسبوعيه وهي دسمه ولا لا وياليت تفيدونا السكرب من اشتريه وكم اسعاره

بالنسبه للمواد تختلف درجة صعوبتها من طالب لطالب حسب حبه للمواد وحسب ميوله الشخصية .. انا عن نفسي كنت اعتبر البايو اسهل مادة عندي مع انه الكلاس كان يقول انها مادة صعبة

الاجماع كان على مادة الكيمياء العضوية لانها دسمة بالمعادلات وتحتاج فهم واختبارها يكوني مقالي واختياري مع بعض والمقالي حتكون اشياء بسيطه وواضحه

وكمان الكيمياء التحليلية تحتاج لفهم عميق واختبارها بنفس طريقة العضوية

المواد الي تحتاج لحفظ مستمر هي مادة التشريح لانها عباره عن تعريف كامل لجسم الانسان وكمية الاسماء كبيره وجديده فتحتاج انك تراجها باستمرار واختبارها حيكون اختياري في الدوريات وبالنسبه للفاينل راح يدخل اسئلة مقالية وكمان راح تكون اشياء بسيطة وواضحه

والكيمياء الحيوية ماده سهله لكن تحتاج حفظ مستمر لانها طويلة شوية اختبارها مقالي واختياري

علوم الاعضاء ماده تجمع بين الفهم والحفظ وحسب كل نظام تختلف طريقة المذاكره مثلا عندك النظام الدوري الدموي والنظام التنفسي كان يحتاج فهم اكثر من الحفظ .. اما الهرمونات فكان يحتاج حفظ وهكذا واختبارها دائما اختياري

بالنسبه لمادة الصيدلانيات فهي ماده مهمه جدا .. الترم الاول يتكلم عن الحسابات فقط فتحتاج انك تفهم مع الدكتور وقت المحاضره وتحل اسئلة المراجعه وان شاء الله راح تجيب الفل مارك .. اما الترم الثاني فيتكلم عن التصنيع مثلا حيتكلم عن التحاميل وكيف تستخدمها وكيف تصنها وايش هيا عيوب الصناعه وكيف تتجنبها وكمان ايش هيا الاختبارات الي تسويها عليها عشان تعرف هل المنتج ممتاز او فيه عيوب وهكذا واختبارها دائما مسائل رياضة تحلها بيدك وفي الترم الثاني الاسئلة متنوعه بين الصح والخطا والتوصيل والاختيار وجداول المقارنات والتعداد والرسمات البيانية

في ماده راح تاخدوها في الترم الاول فقط وهي مقدمه للصيدلة وهي عباره عن تعريف بسيط لكل المواد الي راح تدرسوها طوال سنوات الدراسه تقريبا واختبارها حسب كل دكتور في دكاتره يحطو الاختبار اختياري ودكاتره مقالي وانتو وحظكم

مواد العربي والثقافه مواد سهله والكل يضمن الفل مارك فيها واختباراتها اختيار من متعدد الكترونية

واذا حسيت انك منت فاهم مع الدكتور بشكل عام في كل المواد ممكن تدخل على النت وتشوف مقاطع فيديو راح تساعدك باذن الله

هذا كل شي تقريبا واتمنى اكون افدتك وبالتوفيق ان شاء الله

[holmes]

حلــو .. كل شئ واضح إلا ( مقاطع الفيديو ) !

إذا جيت أبحث عنها إيش أكتب .. ( يعني أقصد عناوين الفيديوهات إيش هِيّا !! )

و مشكورة مقدما

[al-mawhiba]

تكتب عنوان المحاضره
مثلا anatomy movements
تطلعلك اول محاضرة في التشريح والي هيا اسماء كل حركات الجسم

وهذا المقطع مثال عليه



وهذا رابط لقناة على اليوتيوب متخصصه في التشريح

http://www.youtube.com/user/mrfordsclass?feature=watch

وممكن تطبق نفس الفكرة على كل المواد

[al-mawhiba]

وهذا مثال لمادة الكيمياء العضوية
عندك محاضرة باسم sp3, sp2, and sp Hybridization
وتتكلم عن انواع الروابط التساهمية احادية وثنائية وثلاثية

وهذا المقطع مثال



كل الي تحتاجه انك تفتح اليوتيوب وتكتب اسم المحاضره او اسم النظرية الي ما فهمتها وراح تطلع معاك مقاطع كثير

بالتوفيق يارب

[holmes]

يا شيخة .. الله يوفقك وين ما رحتي

:)