ياعالم الله يهديكم...ابحثوا عن الجواب قبل وضع السؤال!

[واحد هادي]

السلام عليكم ورحمة الله

في البداية أحب أقول للدكتور عماد والأخت شواطئ الله يعطيكم ألف ألف ألف عافية وخاااااصة الأخت شواطئ اللي ماشاء الله تبارك الله عليها عندها طولت بال غير طبيعيه ومتحمله كل اللي تشوفه..
انا حاولت اساعد كم يوم وتعبت نفسيا والله

ياعالم.... انتو ناس داخلين على ماجستير او دكتوراة ومن أساسيات الدرجتين هذي هو البحث والوصول للمعلومة واذا من أولها قمة في الكسل ايش خليتو لبعدين؟

في أكثر من موضوع فيها أغلب المعلومات اللي يحتاجها كل طالب وانتو مستمرين في وضع الأسئلة المكررة الاف المرات

موضوع مابعد القبول وصل 11 صفحة وفيه اكثر من 200 مشاركة وكثير جدا جدا جدا منها مكرر يعني لو الطالب او الطالبه اتكرموا بتضيع شوي من وقتهم وبحثوا شوي في المنتدى أو في الموضوع نفسه كان وجدو طلباتهم

هذولي مو هم المشكلة الحقيقية

المشكلة الحقيقية تكمن في الاشخاص اللي حتى مايفكرو يدخلو مواضيع وعلى طول عملو موضوع جديد ويحطو سؤالهم فيه وبمجرد ان الاجابه توصلهم حتى شكر او كلمتين كرد للشخص اللي ساعدهم مافي.. الله يهديكم.. انتو كلللللللللللكم معاكم بكالوريس يعني ناس المفروض انكم مثقفين ومتعلمين

سواء الدكتور عماد او الاخت شواطئ او اي شخص يفكر يتعاون ترى والله هذا من وقتهم الشخصي ومابياخذو لا ابيض ولا اسود عشان يساعدوكم

ليش ما تبحثو؟؟؟ ليش ماتدورو على المعلومه؟؟؟

في بحث في المنتدى بأكمله وفي بحث في قسم معين وفي كمان بحث في موضوع يعني كل شئ ممكن

الف مره اشوف ناس يسألو عن الاودس ويطلع فيه تكميلي ولا لا... الف مره اشوف ناس يسألو عن اختبار القدرات او الكفايات... الف مره اشوف ناس يسألو عن اشياء غريبة؟

قدرو ان الاخوه والاخوات اللي يتعاونو عندهم دراسه واختبارات وعندهم حياتهم الخاصه فيهم يعني ماهم جالسين على الانترنت طول الوقت،

والمصيبة انه أقل تقصير يصير من الجامعة تشوفو الناس يسبو ويلعنو ويهددو برفع الموضوع لجهة كذا او كذا او كذا... اذا هذي نوعية الناس اللي داخلين ماجستير ودكتوراة اذا ماتلومو الجامعه لما تسوي اخطاء بسيطه معاكم

تحياتي

أبو الجود

[تفاؤل وأمل]

والله أنك صادق يا أخوي
والله يبارك في أختنا الغالية شواطئ البحر وأستاذنا عماد الحسن ويبارك في جهودهما
وأجرهما عند ربنا ما يضيع خاصة أن فيه تفريج الكربات وتيسير الأمور والسعي في حاجة أخيهم المسلم وهم من أعظم الأعمال عند الله وأحب إليه سبحانه من عبادة الصيام والقيام
لكن لابد أن نعذر أخوتنا الأعضاء لأني البعض منهم يريد الجواب الشافي لتساؤلاته وكل شخص له ظروفه
وأحب أشكرك أخي على تعاونك أنت أيضا مع الأخوة هنا ولابد لنا من الصبر حتى نحصل على الأجر من الله
وأتمنى من الأعضاء البحث والتنقيب عن أستفساراتهم قبل طرحها تخفيفاً على الأخوة
بارك الله في الجميع

[fofofifi3]

كلامك صح الصح
إن شاء الله ربي ما بيضيع تعب اللي قاعد يرد على استفسارات الأعضاء .
وما أتوقع أحد استفاد من الدكتور عماد الحسن وشواطئ البحر وأبو الجود ولو في شي بسيط إلا وكان في دعاؤه لكم نصيب.

[واحد هادي]

المشاركة الأصلية كتبت بواسطة تفاؤل وأمل والله أنك صادق يا أخوي والله يبارك في أختنا الغالية شواطئ البحر وأستاذنا عماد الحسن ويبارك في جهودهما وأجرهما عند ربنا ما يضيع خاصة أن فيه تفريج الكربات وتيسير الأمور والسعي في حاجة أخيهم المسلم وهم من أعظم الأعمال عند الله وأحب إليه سبحانه من عبادة الصيام والقيام لكن لابد أن نعذر أخوتنا الأعضاء لأني البعض منهم يريد الجواب الشافي لتساؤلاته وكل شخص له ظروفه وأحب أشكرك أخي على تعاونك أنت أيضا مع الأخوة هنا ولابد لنا من الصبر حتى نحصل على الأجر من الله وأتمنى من الأعضاء البحث والتنقيب عن أستفساراتهم قبل طرحها تخفيفاً على الأخوة بارك الله في الجميع

والله اختي الكريمة أنا فاهم ومقدر كل اللي تقوليه وعارف ان الواحد يبغى الرد الوافي والكافي وأنا يمكن بعض الأوقات أحط أسئله ابغى فيها الرد الوافي لكن بالأول أبحث وأدور الين ما الاقي اللي ابغاه بعدين احط سؤالي

مثلا في موضوع الهندسة في الماجستير مالقيت ولااااااااااا أي شي بعدها حطيت موضوع ولقيت ولو القليل من الاجابة وبعدها دخلت موقع الجامعة وجلست ادور واتعلمت كثير كثير أشياء مع ان البكالوريس تبعي من خارج جامعة الملك عبدالعزيز

شكرا لك وبالتوفيق

أبو الجود

[واحد هادي]

المشاركة الأصلية كتبت بواسطة fofofifi3 كلامك صح الصح إن شاء الله ربي ما بيضيع تعب اللي قاعد يرد على استفسارات الأعضاء . وما أتوقع أحد استفاد من الدكتور عماد الحسن وشواطئ البحر وأبو الجود ولو في شي بسيط إلا وكان في دعاؤه لكم نصيب.

أمين يارب وجزاك الله كل الخير أختي الكريمة ولو انه في فرق كبير جدا جدا جدا بين ما قدمه الدكتور عماد والاخت شواطئ وبين اللي قدمته أنا لاني لا أعتبر نفسي نقطه في دكتوراة أخونا عماد أو بحور الأخت شواطئ

أنا أتمنى لو عندي طريقه اعرف اجابات كل الأسئلة وأقسم بالله راح اشيل ولو جزء من الحمل اللي عليهم لكن للأسف انا جديد بالجامعة ومعلوماتي من البحث اللي اسويه باستمرار

بالتوفيق

أبو الجود

[مهندسً]

الله يعطيك العافيه ابو الجود وهدي هدي بالك لا تلومهم كلها فتره وتعدي بإذن الله..
ابشرك انجزت اجراءاتي والله يكتب الي فيه خير :)

[واحد هادي]

المشاركة الأصلية كتبت بواسطة مهندسً الله يعطيك العافيه ابو الجود وهدي هدي بالك لا تلومهم كلها فتره وتعدي بإذن الله.. ابشرك انجزت اجراءاتي والله يكتب الي فيه خير :)

اهلا وسهلا فيك أخي مهندس

والله للأسف لو هي فترة ولا حتى هنا وبس نقول معليش

هذي الحركة اشوفها في اي منتدى فيه أسأله ولا طلبات ولا استفسارات ولكن الحمدلله في اكثر من منتدى قبل كذا عدلت ولو القليل من هذي النقاط لكن هنا ليس لا يد في اي شي ولذلك أتمنى من الجميع التعاون مع الاخوه في المنتدى

على الاقل عشان يكون عندهم يقومو بواجباتهم الخاصه وتعاونهم مع الاعضاء اللي فعلا محتاجين مساعده.... مو بس كيف اسوي كذا وفين اروح وفين اجي

عموما الف مبروك عليك يا اخي الكريم ونتقابل على خير ان شاء الله اذا ربنا كتب لنا

أنا كنت اتمنى اسوي مجموعة تعاون وفي بالي اشياء كثير بس والله مافي تشجيع حتى من الكلية :(


بالتوفيق

أبو الجود

[انا والتاريخ اصحاب]

موضوع رائع ولو خفت حدته لاصبح اروع
معك حق اخي الفاضل نحن بصفتنا طلاب دراسات عليا علينا ان نبحث ويكون البحث هو شعارنا
لكن خوف البعض وانقطاعهم عن الدراسه لمده طويله وحتى تغير محيط الجامعه يجعلهم يسالوا
اسئله بنظرك تافهه ولكنها بنظرهم مصيريه ليضعوا النقاط على الحروف ولابد ان نراعي ايضا الفروقات الفرديه فالبديهي لك يكون خلاف ذلك لشخص اخر ..
وجزاك الله خير وجزى استاذتنا شواطئ ودكتورنا عماد كل خير ..

[ليان الحارثي]

وعليكم السلام ورحمه الله
الله يعطيك العافيه ي ر ب ..
طرح جريء
بجد هذا كثير نشوفه ..ولاانكر ابدا ان الواحد هو المسؤول عن نفسه اولا واخيرا ..لازم يبحث قبل يسال ولكن مثل ماتفضلوا الاخوان ..لكل شخص ظروفه ..وتغيير ظروف التقديم ..يخلي الواحد يسأل
والله يجزاهم خير الاستاذ عماد والاخت شواطئ ولايهون الباقين والله يوفقهم ..بجد اغبطهم ..يوم تساعد الناس ..احساس ولااروع ..يكفي الاجر من الله ..وتيسير الامور..
ولكن الصراحه تعب شديد ..يوم ترد على الاستفسارات خاصه اذا ماعندك الخبره الكافيه ..لازم تقرا ردود المشرفين وترد على اساسها ماودك تغلط بشي يترتب عليه امور كثير ه
فاللي بيدنا بنقدمه ..والله يوفق الجميع يارب

[الأوركيد]

أولاً : الله يعطيك العافيه تنبيه جميل
ثانياً :الله لايحرم المشرفين أجر الرد .... بس أنا أشوف بعض المواضيع ظاهرها متكرر بس في جزئيات مختلفة تحتاج لتوضيح وبعدين لاتنسي أن البعض منقطع عن الدراسة لسنوات والبعض الأخر متخرج من غير جامعة الملك عبدالعزيزوبعض المواضيع حتى لوعملتي بحث ما تلاقي معلومات كافية والبعض صح مكرر بس يكتفي أصحابه برد الأعضاءعلى العموم الله يوفق الجميع يارب ولايضيع أجر أحد.