معانات 204

[Professional girl]

8
8
8
8
8
8
8
8

السلام عليكم ورحمة الله و بركاته

طبعا هذي أول مشاركة لي في المنتدى


بس حبيت أعبر عن شعوري بعد إلي شفته اليوم في اختبار 204


والله مقهوووووووووووووووووووووووووووووورة


المادة مرررة حلوة بس



يا ناااااااااااااااس قهر

اسلوب الشرح في المحاضرات بروووود مو طبيعي واستحقار للمادة


>>> كأن المادة تافهة وسهلة و ماتستاهل أصلا شرح في نظرهم


وفوق هذا كمان


اليوم جات الأسئلة بطريقة جدا مختلفة كان الأسلوب معقد بشكل مو طبيعي ومو واضح


وأركز على كلمة << مو واضح >>


ويختلف تماما عن إلي ينقال في المحاضرة واسلوب الشرح فيها

بصراحة أنا شايفة إنه أسلوب منقول من مصدر خارجي ؟؟


لأن كل الأقسام انصدمت اليوم بالاختبار


ويا ناس من أبسط أبسط حقوقنا ندخل الاختبار وإحنا عارفين كم عليه

ونتفاجأ اليوم في الورق إنو عليه 16 درجة والله حرام عليهم إلي يسوه فينا


بس أبغاهم يجيبوا الأسئلة على قد شرحهم وبلاش فلسفه هم مو قدها

[maleek]

[color="rgb(105, 105, 105)"]التعقيد من مميزات كلية الحاسب الجديدة لازم الواحد عشان يتخرج يكون انسان خاااارق للعادة

واحد من الشباب يحكيني بعد اعتماد الكلية لنظام انو كل طالب يسوي مشروعه بنفسه حتى ان كان بسيط اهم شي يشتغل فيه بنفسو

يجي احد الدكاتره في اللجنة يحبط الشباب ويقول أنو مشاريعهم تافهة وما تستحق أنها تكون مشاريع تخرج؟؟؟؟؟

طيب انتو قلتو سوو اي شي بسيط دحين جايين تعيبو في مشاريع الناس

بس الله يخارجنا ونتخارج

مدري انا الشباب في الدفعة الجديدة اللي ماشين عالخطة الجديدة في اي عالم عايشين وكيف راح يمشو حالهم اذا كنا احنا كذا

الحمد الله على كل حال بس أحلى شي انكم داخلين الاختبار منتو عارفين من كم ونسه :)

خللي الموضوع كل واحد ينزل اللي في قلبو عن الكلية

انس[/color]

[loly]

أنا زيك اختبرت اليوم ومرررررررررره مقهورة صرت بعد الاختبار ابكي واضحك قسما بالله
اناخلاص كرهت كلية الحاسب
انا ما أدري على بالهم احنا ايش كمبيوترات ولا ايش بالزبط
بالله اليوم هادي اسئلة اللي جاتنا
اقسم بالله انه الاختبار كان شابترين في النهايه يجي الاختبار كلها على موضوع واحد في واحد من الشابترين
مو حرام
احنا يعني حرام نفرح زي باقي البنات ولا حرام علينا الممتاز
واللله نتعب لمن نذاكر ونفحط والله حتى النوم ما نفكر فيه كله عشان المذاكره قلت حرام المادة سهله خليها ترفع معدلي والكل أعطاني فكره قبل لا أدخل الاختبار انها سهله جدااااااااااااااااا
لكن انا انصدمت ,,,,
يارب لا تضيع حق احد
الحمد لله اني بأنام اليوم مظلومة مو ظالمة ,,,,,,,,,,,,,

[red flower]

^
^


انتو بتآخذوا الماده مع د. زينب ولا مع أ. هيلين ؟؟


بصراحه فرق شاسع بين الاثنين .. واتوقع انكم بتآخذوها مع أ. هيلين
لان د. زينب انا اخذت معاها الماده الترم اللي فات وكانت بتدرسها لحالها
وبصراحه اسئلتها مررره حلوه ومو صعبه وماتخرج عن اللي قالته في المحاضره

بس ماادري يمكن هذا الترم الموضوع اتغير لأن صاروا اثنين يدرسوها
واكيد كل وحده تفرض رأيها واسئلتها

بس ع العموم ،، لا تزعلوا ولا تشيلوا هم
لأن هذا نظام كلية الحاسب


للأسف نتعب ونذاكر ونسهر ، وفي النهايه وبكل بساطه تجي الاسئله بعيده تمااااااااما عن اللي ذاكرناه

ماادري احسهم كل رغبتهم ان معدلاتنا تنزل

يعني اوكي لاتجيبوا اسئله سهله وتافهه .. بس ع الاقل اسئله واضحه ومفهومه
اسئله على قد شرح الاستاذه
مو تجيكي وحده ماتعرف تقول كلمتين على بعض ، واسئلتها ماادري من فين جايبتها




الله يعيننا على هذه الكليه
ويوفق الجميع

[mind glance]

الله يعيننكم ويوفقكم
ترى مو كل الاستاذات كدة
ولا كل المواد كدة
بس تعيشوا وتشوفوا.... ومافي شي يسوى الزعل كثير
لأنه الدنيا تمشي في النهاية

وان شاء الله طالمال الاختبار الاول صعب التاني يجي اسهل شوية

[Silent Hill]

تردن تردن..

لا جديد كلية الحاسبات وتقنية المعلومات.. تجيب لنا الحزن والاهات..

عذرا حخرج عن صلب الموضوع وحدلي بدلوي هع..

نصيحه خذي الشهاده كاسم انو باكلريوس من كلية الحاسبات يعني منظر بس..

واجتهدي بنفسك في عالم الانترنت حتستفيدي اكثر من الكليه..

او تشوفي بنت فاهمه وتكون شغاله بسوق العمل يعني مجال عملها بالعلم هذا..

مو اسم شهاده وانتهينا ولو تديها فلوس عشان تشرح لك بالبيت..

هذا هو الحل الوحيد الي انا شايفه..

انا ما اعمم بس الغالبيه بصراحه بيخرج من المولد بلا حمص..

يعني جزاهم الله خير يمكن 3 او 4 بالكثير 5 دكاتره الي تقدر تقزل انهم يينتمو لعلوم الحاسب بصله ..

وتحس انهم مو بس عندهم علم لا كمان يبغو الطلاب يتعلمو..

وزي ماقلت هما قليل وحتى هم جاهم احباط من اغلب الطلاب ..

ماحسو ان في احد مهتم الا من رحم ربي..

وطلابنا ماشين على نظام انو بس اخلص واتخرج وانتهينا...

يعين الله ويجيب الله مطر ..

[احسااس]

عــــــــــــــــــــادي

صاير شيء طبيعي جدا نخرج من الاختبار وموفاهمين وش المطلوب

هذه كليه الحاسب للاسف !

[قمرهم]

اللة يعين بجد الاختبار لاتعليق علية وغير عن المتوقع

[sweet 6]

بالله اختي ماتفتكري شيء من الاسئلة لان اختباري الاثنين

[BluexBlue]

انا كل شوي اسمع "نسهر ونذاكر وما نشوف النوم.." طيب انتو بتدرسو الا قبل الاختبارات؟ :)

عموما الاختبار الواحد المفروض يكون فيه مستويات عدة .. اسئلة يحلها اي احد .. اسئلة متوسطة .. اسئلة للمتفوقين .. حتى يكون فيه عدل في الدرجات ويكون فيه تمييز بين المتفوق وغيره ..