أريدُ دي إس إلن

[الساهر98]

يا جماعة انا طالب ساكن بجدة 000 0000 و احب اخذ رايكم بالدي اس ال 00000 اللي مجربين
ايش افضل الشركات؟


الفاتورة وو ضعها ؟ انا عارف انها 120 في الشهر ثابتة !!!!!!!! بس بالله طول السنين ادفع 120--120----120 000000



هل هناك فعلاَ فرق بينه و بين الديل اب العادي؟


و في النهاية تنصحوني اشترك؟(أريد رايك يا لدر ستديو هبقات)


و ايوة نسيت سامع انه في هرجات كتيرة انه طالعة شركات و شي كيبل بحري و شي عن طريق الكهربة ووووو000



اريد رد سريع و شافي و اراكم على خير0000000000

[خالد]

أهلا فيك أخوي ومرحبا فيك بالمنتدى

مافي شك بأن خدمة الدي أس ال هي الأفضل حاليا ً لأنها مناسبة في السعر مو زي الفضائي شوي غالي
ولا هو زي خدمة الدايل أب للأستخدام العالي غالية وبنفس الوقت خدمة سيئة

لكن أخوي خذ موعد من شركة الأتصالات أولا ً

أذكر واحد مو أنا أعطوه موعد في 30/4 يعني بعد خمس شهور تقريبا ً

خمس شهور أبني فيها عمارة وأخلص 18 ساعة وممكن يوصل الدي اس ال عن طريق الكهرباء زي الشرقية قبل ماتشرف شركة الأتصالات

إلا أذا عندك واسطة تقرب المسافات البعيدة

فكرة الدي أس ال رائعة وموفرة
خدمة أسرع وبنفس الوقت فاتورة ثابتة

وأعتقد أسعارها نزلت أكثر خلال الفترة الأخيرة

أما عن الشركات الأفضل فالصراحة ماجربت الا شركة واحدة أول نت
وكان التعامل معها جيد إلى حد ما على الأقل أفضل من سعودي نت

وأنصحك بالشركات اللي ماعليها ضغط كبير عشان ماينقطع الخط كل شوي


بكل بساطة أرفع السماعة واتصل على 907 واطلب دي اس ال راح يعطوك فترة عشان يردون عليك

وبالتوفيق أخوي

[نمر من النمور]

أفضل لك Dsl

[نضال]

قريب حتنزل شبكه واير ليس .. باسعار منافسة للدي اس ال .. و بسرعات اعلى ..

انصحك بالصبر

انا مشترك في الدي اس ال و راح الغي اشتراكي و اشترك في خدمه الواير ليس لانها افضل و اسرع .. و اهم شي تتيح لك تشغيل النت في اي مكان في جدة بدون اسلاك ولا كيابل

[خالد]

نضال مافهمت قصدك شبكة واير لس على مستوى جدة من شركة واحدة واللي يبغى يشترك يدفع رسوم ؟؟


أعرف شباب مسوينها على مستوى "حارة"
واحد مسوي شبكة واير لس واللي يبغى يشترك يفتح لو حساب مع مقوي والدفع مقدما ً
بس أحس حيصير فيها لخبطة كبيرة وتعديات " مو صاحية "

الله كريم ويجي خدمة الواير لس ونجربها
بس تتوقع شركة واحدة ممكن تغطي مساحة جدة
وحتى الواير لس الصراحة مايوصل لمستوى الكيبل لأن مشاكل الواير لس كثير


بس برضو الدي اس ال افضل حاليا ً
يمكن بكرا الكهرباء تغطي على خدمة الدي اس ال او الواير لس

[الشاكي]

دي إس أل م شركه سول نت إلى الآن معاي عال لعال

ولا مشاكل ولا حاجه

وشغال بالشبكات على 4 أجهزه

والسرعه 256 ميقا يعني

صاااااااااااارووووووووووووووووووووووخ

[AbO FahaD]

اعتقد الواير لس راح يشغلونها على ابراج الجوال
هي ممكنه وتعمل في بعض الدول
لكن عندنا ماسووها
وبعض الناس قدرت تسويها بنفسها بس يبغى لها اجهزه ومقويات

[نضال]

خالد ...

بالضبط زي ما قال ابو فهد ...


راح تشتغل الخدمه عن طريق شبكه جوال اتحاد الاتصالات على مستوى جده كلها ..


و على ما قريت و سمعت .. اقل سرعه توصل 256 و الرسوم تعتبر منافسة جدا للدي اس ال ..

هيا راح تشتغل على منتصف 2006 تقريبا

[Othman]

بالنسبة للشبكات اللاسلكية تنقسم إلى قسمين واي فاي وهذه مشكلتها المدى قصير لها والثانية الواي ماكس وحسب

ما سمعت إن البرج ممكن يغطي خمسين كيلومتر إضافة إلى أن السرعة راح تكون عالية أما بالنسبة لي مقدم على

الدي إس إل من خمس شهور وإلا الآن وفيه ناس قاعدة ثمانية شهور وأكثر وعلى ما أعتقد حسب المقسم اللي في

الحي عندك لاكن الناس الآن مستنية الوايرلس لأن سرعتها أعلى وما في تعقيد في استخدامها يعني عندك بوكيت ولا

كومينيكيتور أو لاب توب تقدر تتصفح بدون أسلاك .

حالياً الواي فاي موجودة في أماكن محددة تسمى الهوت سبوت لكن مداها قليل بالإضافة أنه بعد ثلاثة شهور قالت

شركة الاتصالات أنها راح تشغل خدمات الجيل الثالث التي تشمل رؤية المتصل والإنترنت عالي السرعة ومشاهدة القنوات

الفضائية عبر الجوال لكن حيكون تقديم الخدمات حسب الإقبال وتقبل الناس لها.

على فكرة: الواي فاي موجودة في جامعة الملك فهد للبترول والمعادن بالظهران

وعندي سؤال للشاكي السرعة اللي عندك ميقابايت ولا كيلوبايت لأنه في فرق كبير عموماً السرعة ما هي اللي في

بداية الاتصال تطلعلك لأ وقت ما تحمّل ملف شوف سرعة النقل إن شاء الله أفدتكم بهذه المعلومات واللي مافهم شيء

عادي ترا
ـــــــــــــــــــــــــــــــــــــــــ

[نضال]

سرعة الدي اس ال عادة تكون بالـ كيلو بايت ...

بالميقا بايت دا شي احنا لساعنا ما وصلناله ...

في اسرائيل وصلو للقياقا بايت !!!