مقدمة بسيطة للمستجدين في الكلية

[تراتيل الهوى]

المشاركة الأصلية كتبت بواسطة amiwa د. خليل ماشاءالله موضوعك جدا رائع ومُلِم بكل شي :) ..الله يعطيك العافية ابدا ما بتقصر جمايلك اتعدتنا وبتكمَل للي بعدنا :) ربي يجزاك كل خير .................... بالنسبة لقسم الفيميل, مافي اختلاف بيننا وبين اللي كتبو د.خليل اللهم الدكاترة, حندخللكم اول او تاني يوم ان شاءالله وحنقللكم على كل شي ؛) نجي لموضوع مهم ألا وهوَ الـــfun طبعاً كليتنا مشهورة بانها من اكتر الكليات اللي تدلعكم وتسويلكم اكتيفيتيز زي dentalent وغيرها اللي تشجع الطلاب على تنمية مواهبهم وحقيقي بنشوف ابداعات ماشاءالله تبارك الله!! وفيه كمان gym ومسابقات وكدة بس طبعا عند الاولاد دي الاشياء اكتر وكل انواع الرياضة اظن, معليش ماعندي معلومات كتيرة عنها د.خليل ان شاءالله يقللكم عليها وعالاكتيفيتيز حقتهم وايش حققو من بطولات :) فيه كمان حفلات عندكم على سبيل المثال حفلات الشواء واليوم الوطني وحفلات التخرج والتكريم و>> حفلة الايتام << كان احللللللللى يوم بالنسبالي وطبعا هذا غير الحفلات اللي تقدروا انتو تسووها بنفسكم وعادي ان شاءالله تسوو كل يوم محد يكلمكم بس طبعا ما تسوو ازعاج كتيروكدة وطلبات مطاعم من برة وفطور جماعي ومثلا كيف تنقَو وتجيبو البطاطس وكيف تطبخوها والاهم من كدة تاكلوها كلكم سوا طبعا بس مريت عالموضوع كدة سريع عشان تتحمسو شويتين واكمللكم التفاصيل لمن اشوفكم ان شاءالله حطو في بالكم انكم حتنبسطو ان شاءالله وانتو اللي تبسطو نفسكم بنفسكم, سواء في الدراسة نفسها او من الاشياء اللي ذكرتها, لو حببتو نفسكم في الدراسة وفي المواد وذاكرتو عشان "العلم" مو "للدرجات" صدقوني حتنبسسسسسسطووووو وحتحسوها خفيفة وممتعة وحتجيبو درجات ان شاءالله مرة حلوة!! اما اذا استصعبتوها حتصعب عليكم وحتلاقو صعوبة في انكم تعدوها سنة تانية اسنان خفيفة و بالنسبالي كانت احلى سنة دراسية مرت علية الين دحين الحمدلله نتمنالكم كـــــــــــــــــــــــــــــــــــــل التوفيق اعذروني عالاطالة , اختكم اميرة الحميد

مشكورة على المشاركة الحلوة والحماسية

[khlil saeed]

المشاركة الأصلية كتبت بواسطة غ يــر البشر يعطيك العافية يا دكتورنتا من جد أنتوا ساعدتونا كثير يآآآآآآآآآآرب ما ننحرم منكم

الله يعافيك ويوفقكم ي رب

[أبو مالك2005]

{وفضل العالم على العابد كفضل القمر ليلة البدر على سائر الكواكب }.

[khlil saeed]

والله مافهمت عليك
لكن أي استفسار تحت امركم

[khlil saeed]

Up for Dent14 :)

[Dr.Tee]

أشكرك أخوي موضوع ما شاء الله كان أكثر من رائع
يجزاك خير إن شاء الله و يجعله في موازين حسناتك :)

[khlil saeed]

المشاركة الأصلية كتبت بواسطة dr.tee أشكرك أخوي موضوع ما شاء الله كان أكثر من رائع يجزاك خير إن شاء الله و يجعله في موازين حسناتك :)

العفوو وبالتوفيق لكم إن شاء الله

[lolo0]

يعطيك العافية مررره استفدت من موضوعك..الله يوفقك يا دكتور :)

[Noce]

^ الله يعطيك العافيه من زمان ادور موضوع زي كذا بس كمان عندي كم سؤال > مو مصدق في طالب اسنان في المنتدى
المقابلة الشخصية متى تكون في العادة وكيف اعرف موعدها يعني تجيني رسالة عالجوال ؟ وعن ايش تكون الاسئلة ؟
والشيء الثاني اللي شايل همه دائما اسمع من الطلاب اللي يدرسوا طب عموما ان يومك حيكون كله دراسة حتى الطلعات في الويكند تنساها ومافي ايام اوف صح الكلام ؟

[Noce]