نظرية التنظيم الى متى ؟؟

[برنس غامد]

الى متى واحنى ننتظر نتيجة هذه المادة .. طال الانتظار .. المشكلة واللي يقهر انه عدد الطلاب اللي اختبروا هذه المادة قليل جدا لدرجة انه 4 قاعة كبيره كانت كافيه لاستقبال الطلاب بل انه كان في قاعات لم تكتمل !!!
ومع ذلك تتأخر نتيجة هذه المادة .. كل المواد نزلت الا هذه المادة .. لذلك نريد حملة قويه للمطالبة بالاسراع في رصد الدرجات !!
.
.
.
فإتمنا من يعرف طرق التواصل من الدكتور يذكرها

[aqeel3014]

انا بصراحة اخاف ادق عليه ياخي الدكتور كمال فلمبان احس انه شخصية صعبة انا ماحبيت المادة هاذي رسبت فيها اول مرة في عام 2011 والترم هذا اختبرتها ما ادري احس انه مايتساعد مع الطلاب بامانه
الله يستر من المادة هاذي ويخرجنا منها اذا حاب تكلم الدكتور ما عندي مشكلة ارسلك جواله على الخاص بس قله يتساعد معنا في خريجيين ماعندهم الا هالمادة

[Zeyad.F]

طيب انا بقولكم ايش صار معي للاسف في مادة نظرية التنظيم
اختبرت اول مره وكان اخوي معي بنفس الاختبار .. اقسم بالله طلعت من الاختبار وراجعت الاسئلة اللي ما كنت متأكد منها
وكنت اتفلسف على اخوي لانه اخطاءه كثير.. والمفاجأه حملت الماده واخوي نجح !!

والسمستر اللي بعده لقيت اسئلة المادة بالمنتدى والله يعطي الشباب الف عافية على مجهودهم.. طبعت الاسئلة وبدأت بالدراسة وحل الاختبار
دخلت الاختبار وصارت الاسئلة نفس الترم اللي قبله ونفس اللي درستها.. اقسم بالله اني متأكد من كل اجوبتي الا سؤالين !
والمفاجأه حملت الماده مره ثانية ! رحت لجده ورحت للجامعة بعد رصد الدرجات بخمس ايام ! طلبت ورقتي للاسف رفضوا بحجة اني تأخرت وان الدكتور سافر اجازه والاوراق ما يوصلها غيره

والحمدلله على كل حال ما اعرف ايش اسوي صراحة فا نزلت المادة مره ثالثة وان شاء الله نعدي.. وحسبي الله عليهم ان شاء الله يشوفونها في عيالهم لو كان في احد ظالمني بهالجامعة
فا كل شي متوقع منهم في الرصد واللخبطة اللي قاعده تصير

[برنس غامد]

حاس بمعاناتكم حتى انا مثلكم والله يصبركم ويصبرني على الظلم لكن هذه المرة لو حصلت على درجة متدنية او رسبت فيها والله ما اسكت طفح الكيل اكثر من مادة واثق انها اكثر من 80 وفي الاخير اتفاجئ اما راسب او 60 .. ولو رفضوا اعادة التصحيح او مراجعة النموذج .. والله لرفع عليهم قضيه .. هذه الجامعة كلفتني اموال ضخمة وجهد كبير وجبار من الصعب اني اتعرض للظلم واسكت .. وما ضاع حق وراءه مطالب