ظهورنتائج الماجستير المدفوع التكاليف محاسبة مهنية

[faasiri3010096]

ابشر الجميع بظهور نتائج الماجستير يوم الامس الخميس مبروك لكل المقبولين
على موقع عمادة الدراسات العليا بفضل الله القبول ان شاء الله للجميــــــــــــــــع

[محاسبة88]

ألف مبروك للمقبولين والمقبولات
انا الحمدلله انقبلت ماجستير محاسبة مهنية
هل تم قبول جميع الطالبات المحاسبة؟؟؟ لأن العدد كان قليل
بس حبيت أسأل مطلوب صور شخصية للطلاب فقط اوالطالبات ايضا؟؟
انا سويت اختبار تحديد مستوى بس المعهد ماعطاني الأصل بس صورة تنفع ؟؟؟
الله يعافية الي راح يرد على ....
وشكرا

[ابو احمد999]

الف مبروك للزملا الجدد بماجستير المحاسبه المهنيه وشدوا حيلكم تروا الدراسه ماهي سهله والله يعينكم ولاتنسون دعواتكم لي بالنجاح انا عندي اختبارات الاسبوع الجاي واغلق باذن الله اول سنه في الماستر

[ابو احمد999]

ملاحظه كل من انقبل لاينسى يسجل شعور الفرح في يوميات طلاب وطالبات جامعة الملك عبدالعزيز وهذا الموظوع المتواضع يناقش جميع يوميات الطلاب والطالبات نبي يكون هذا مثبت للجميع ويكون بيتنا الثاني ........

[هادي أحمد]

المشاركة الأصلية كتبت بواسطة ابو احمد999 الف مبروك للزملا الجدد بماجستير المحاسبه المهنيه وشدوا حيلكم تروا الدراسه ماهي سهله والله يعينكم ولاتنسون دعواتكم لي بالنجاح انا عندي اختبارات الاسبوع الجاي واغلق باذن الله اول سنه في الماستر

الله يوفقك أخوي أبو أحمد ودعواتك لزميلك الجديد (الحمد لله أنقبلت في البرنامج)
1. بالنسبة لحضور المحاضرات كم مره بالشهر (صحيح أسبوع حضور و إسبوعين راحة؟)
2. الحضور من الساعة كم إلين كم ، وأهم شئ يوم الجمعة متى تنتهي المحاضرات ؟؟؟(اللي فهمته أن المحاضرات من الأربعاء إلى الجمعة من 5 العصر إلين 11 المساء)؟؟؟

ولو فيه معلومات ثانية الله يرحم والديك لا تبخل علينا

الله يعطيك العافية

[العطار]

الف مبروك للزملاء المقبولين

وحبيت اسأل الاخوان ايش المطلوب من المقبولين ، وبعدين موافقة جهة العمل لابد من إحضار خطاب قبول من الجامعه ..
كيف أقدر احصل عليه من الكلية أو من العمادة ، ومتى نراجعهم ..

الحمد لله على كل حال ، أنا لي سنه احضر لهذا الماستر والحمد لله بأن تعبي ماراح ، والقبول أكبر جايزه من الله سبحانه وتعالى ..

[ابو احمد999]

الف مبروك للاخ هادي احمد والاخت محاسبة 88 والعطار لقبولكم بالبرنامج ام من ناحية الدوام في المحاسبه المهنيه تبدا من يوم الاربعاء الساعه 3 عصرا وحتى الساعه 12 ليلاً واما يوم الخميس من الساعه 9 صباحا وحتى الساعه 12 ليلا ويوم الجمعه من الساعه 9 صباحا حتى الساعه 6 المغرب ويوجد راحه يوم الجمعه لصلاة الجمعه من الساعه 12 ظهرا الى الساعه 3 عصرا واما الدراسه اسبوع واسبوع لا يكون فيه راحه وبتوفيق المواد المتوقع التي تنزل لكم الترم الاول هي مادة نظم معلومات ومادة محاسبه متوسطه الكتابين ومادة القانون التجاري وهي ماده جميله يعطيها الدكتور نايف الشريف والدكتور زياد القرشي من اجمل المواد ومادة مناهج بحث واحتمال انني سوف اخذ مادة المناهج البحث معاكم لانني لم اخذها الترم الي فات وكنت مسجل ثلاث فقط لكي اجيب معدل يبيض بالوجه والف الف مبروك

[العطار]

الله يبارك فيك اخوي ابو احمد

لكن أحس الدوام طويل مره ، لكن الله يعيننا عليه ، ولا نستغني عنك اخي ابو احمد في البرنامج

خاصة وأنك خبرة في الدراسة .. فالله يعينك علينا وعلى أسالتنا ..

[hmarhoon]

الف مبروك للزملاء المقبولين

وحبيت اسأل ويش المعايير المطلوبة للقبول تري جاني احباط لاني بالفعل كنت احضر نفسي للدراسة وعندي (8 سنوات خبرة +دبلوم عالي 2.5 بعد الجامعه من معهد الادارة سنة لغة انجليزي 1.5 تخصص ادارة بنكية معدل جيد جداً + بكلوريس محاسبة معدل جيد +9 دوررة (محاسبية وادارية )ولى انقبلت بالجامعه الموقرة هل لازم المعدل جيدجدا ولله ويش المطلوب يا اخواني الاعزاء

[احمدمايت]

الف مبروك للاخوه المقبولين ابغى اعرف نبذه عن مواضيع الدراسه