بناااات جده ممكن تتفضلوا

[ابتسامه وامل]

اهلين بنات كيفكم .. عساكم بخير ..

انا مو من جده .. وماادل اماكن كثير بجده

بس حبيت اعرف وين في محلات عبايات بجده ويكون انيييق ورخيص

انا حدي حاطه للعباه من 200 الى 400

انا في الصفا 12 اتمنى تدلوني المكان مضبوط ولو في رقم للمحل ياليت

ومشكورررين

[lolipop]

شوفي يا حلوه عندك مجمع الشرق عبيه مرررررررره حلوه و تختلف اسعارها حسب القماش و التطريز
و في كمان محل اسمو ماي فير ليدي في المساعديه بس اقل عبايه تاخديها ب 500

[سمية السلمي]

اهلين اختي

شوفي عندك سوق الجامعه الشعبي بحي الجامعه

في محلين الحجاب والاميرات انا مااخذ الا من عندهم واسعارهم على حسب بس ماتوصل 500

[مـلآكــ]

في سوق اليمنة رخيصة و حسب القماش و التطريز أنا أخذت عباية المشلح قماش الكرستالة من غير تطريز بـ 75 ريال بس من محل ولاء تراه أرخص محل بكل المكان إذا تبغي رقمه أرسلك هو بالخاص تراني ما أعمله اعلان بس صراحة درت كل المحلات اللي بالسوق ما يرخصون و نفس العباية بـ 100 و هو رخصلنا لين 80 و لما قلناله اننا بناخذ 5 << قولوا ما شاء الله >>عطانا هيه بــ 75...

[Mariom]

يابنات وين احصل العبايات اللي دارجه في الجامعه اللحين اللي كل بنات الجامعه عندهم زيها اللي فيها تطريز من عند الأكمام واطراف الطرحه بس

[مـلآكــ]

Mariom طيب ايش اسمها أكيف شكلها ؟؟ و ما انصحك تكوني مثل البنات كوني المتميزة ...

[R-Kh]

my fair lady سيدتي الجميلةانا عن نفسي كل عباياتي من عندو
احسو افضل المحلات
بس هوا غالي حبتين
ارخض شي ممكن تلاقيه 500
وفي بعض الموديلات توصل لـ 2000
انا اخدت وحدة عشان فيها كريستال بـ 1400
هوا صح غالي والعباية مافيها شي بس الاكمام واطراف الطرحه بس بصراحة تعيش ومرة حلوه في اللبس
الموديلات القديمة 2008 -2007 تلاقي اسعارها ارخص من 2009
وفروعه
في روشانا مول في التحلية
في طريق الملك جنب ستيك هاوس و لومار
في المساعدية
,,,
وفي محل اسمو fair lady السيدة الجميلة ، يختلف عن سيدتي
عباياتو حلوين كمان واسعارها معقولة من 300 الى 500
وله فرع شارع الستين
...

المشاركة الأصلية كتبت بواسطة Mariom يابنات وين احصل العبايات اللي دارجه في الجامعه اللحين اللي كل بنات الجامعه عندهم زيها اللي فيها تطريز من عند الأكمام واطراف الطرحه بس

اكيد عبايات my fair lady
وحتى تلاقي فيها علامة مميزة M و F نهاية العباية من تحت وفي الطرحه
..
:)

[a7la_lolo]

حبيتي اذا تبغي عبايات حلوه واسعارها معقوله

روحي زينتي في فرع في ريد سي مول وفي التحليه

عباياتهن حلوه واسعارها معقوله 400 - 500

واذا تبغي ارخص في محل في مجمع الشرق اسمه مروى للامانه ماقد رحته بس يقولوا حلو

اتمنى لك التوفيق

وطمنينا ايش يسير معاكي

[Mariom]

شكرا جزيلا.... لكم (ملاك -R-kh-a7la-lolo)
وخصوصا R-Kh فعلا هي المقصود
سلمت يداكم .... ودمتم في حفظ الرحمن

[الــــغــــلا]

بنات بعد اذن صاحبه الموضوع وبدون زعل مجرد رأي ......
والله مااتخيل نفسي لابسه عبايه بكريستال وتطريزوسعرها فوق 200 ريال ولا راح اتخيل اصلا حرام والله ناس ماهي لاقيه اكل تاكل...
الله يهديكم ويثبتكم
تاج البنت حجابها الشرعي