طالب ثانوي ناوي على إدارة وإقتصاد جامعة جدة ..!

[phantom lord]

السلام عليكم ورحمة الله وبركاته كيف الحال إن شاء الله بخير

المهم حبايبي أنا طالب ثالث ثانوي والحمد لله اني حتخرج بعد اسبوعين

المهم ... انا حابب أدخل إدارة وإقتصاد ... وابا اعرف ايش المتطلبات يعني

يعني أنا مثلا نسبتي 87 الترمين الأول والتاني أوك ... فرضا يعني

والقدرات 70 ... والتحصيلي ما ادري هوا يدخل في الأإدارة ولا لأ لكن نقول 70

هل ممكن انقبل في الجامعة أو المسار الإداري يعني .... وهل تتطلب لغة إنجليزية وانا افضل انو تكون انجليزي


أو هي على طريقة انو الين ما يتعبى القسم يكتفو بالقدر المعين يعني ؟؟؟؟؟؟

أحد يطمني ... والله انا خايف

ومشكورين والله ما تقصروا .... لكم أرق تحية مني

[girl.k.s.a]

لايكون ناوي تفجرها بس ,,

ههههههههههههههههههههه

أكيد أخوي يعتمد على معدل السنة التحضيرية

مو على معدل الثانوية والموزون .

انتا لسى عندك مشوار سنة قدام عشان تتخصص

مو على طول تخصص ..

ان شاء الله يقبلوك بس لازم تشد حيلك كمااان ,,

ولو دخلت الجامعة بعد التحضيري ان شاء الله تتخصص

وبالنسبة للكلية اللي أخترتها (كلية الاقتصاد والادارة ) حلوة مرهـ ^^

وإن شاء الله أنا راح أدخلها ’’

مووفق يارب ,,

[هنوودي24]

انا كنت زيك نسبتي 87 والقدرات 70 والتحصيلي 65 وانقبلت اداري

[phantom lord]

مشكورين على ردودكم الحلوة .... يعني إن شاء الله أكيد بكون في المسار الإداري أو في السنة التحضيرية ؟

شكرا لجميع الي ردو

[البرنس11]

حبيبي انا سمعت من سنة الجايه ماعاد فيه سنة تحضيريه اداري

علمي وبس مااادري هذا الكلام سمعتووو ان شاءالله يكون مو صحيح

بالتوفيق حبيبي

[ابوالمجد]

حبيبي الترم الجاي حتكون كلية الادارة والاقتصاد علمي فقط الا بعض اقسام مثل:
الانظمه
العلوم السياسية

[lujain.alsagh]

الله يوفقك

[phantom lord]

المشاركة الأصلية كتبت بواسطة ابوالمجد حبيبي الترم الجاي حتكون كلية الادارة والاقتصاد علمي فقط الا بعض اقسام مثل: الانظمه العلوم السياسية

لا يشيخ ... يعني ادرس المسار العلمي ؟؟؟؟

لا إن شاء الله لأ والله مني مستعد لموادهم : الكيميا والفيزيا

بالله الا يبى يجيب كلام يكون موثوق !!

[phantom lord]

بعدين ايش فايدة أدرس كيميا وفيزيا لو انا ابى أدخل إداري حتكون حركة مرة هبلة

إن شاء الله ما تتطبق الخطوة هادي ... يشباب من فين جبتو الكلام هادا ؟؟؟

[غـزل]

كل يوم يطلع كلام جديد في الجامعه يعني ماتعرف لهم طريق
ممكن دحين نقولك كلام على سنتنا ويغيروه على سنتكم زيي انا واخويه
هوا ادار عامه وتطوير اداري وانا سنه تحظيريه لمن ابغي اعرف شي في
الجامعه اساله يقولي انا ما اعرف لانظمتكم اتغيرت مو زي الانظمه
الي اعرفها يعني انت بعد ماتدخل الجامعه تسال بنفسك وتشوف
كل شي انا موقصدي تجريح في كلام احد بس انا هذا الي اشوفه
مع اخويه كل شي اتغير سرت انا اروح بنفسي اسال وبالتوفيق للجميع