قانون جديد ..قلل الساعات يترفع المعدل !!

[anwaaaar]

هاي جميعا....

لاحظت انو اكتر من موضوع ..يكون محورو الاساسي ..انو الطالب او الطالبه بيقولو لازم اقلل الساعات عشان ارفع المعدل ؟؟!!...
مني فاهمه بيتكلمو كانو دا مبدأ والا مسلّمه والا نظريه !!....
والتبرير انو عشان لما تقل الساعات يزيد التركيز!!...

يعني في بنات ياخدو ساعات اقل وبحجه ترفع المعدل وتلاقيها طول الوقت طلعات وماتذاكر ,,كيف يترفع المعدل ؟؟...والا هيا يعني الشغله اتوماتيك تقللي الساعات يروح المعدل يترفع من نفسو..!!!

وفي بنات ماشالله تنزل الساعات الي مسموح بيها لاخر قطره وتلاقيه كلو اي واي بلس ..لانها تذاكر وتكرف نفسها....واظن داالصح ...

احنا بنات جامعه وهادي مرحله من الحياه ..ايش عندنا فيها غير نذاكر ونشد ونتعب ..ليش نقعد نقلل ساعات ونمطمط فالتخرج والحجه ...ابغا ارفع المعدل ......

الي يبغا يرفعو لو عندو 20 ساعه وحاط فراسو انو يبغا يرفعو حيترفع ...والي عندو 9 ساعات وقاعد يستهبل طبعا ماحيترفع ...

مافي قانون فالدنيا يقول كلما قل عدد الساعات يترفع المعدل !!!...والسبب زيادة التركيز...يسلاااااام...

الي يسمع يقول عاد الدراسه عندنا صعععبه ياحرام نحزززن ...والاختبارات مستحيله ...والمواد يالطيييف تكسر الكتف من كتر الكتب وتفقع العيون من كتر المراجع والوقت الي نحتاجو فالمذاكره ..
ترا والله احنا مرره مدلعين فجامعتنا ....

يعني اذا جات دكتوره بين كل عشره قالت معاكم الكتاب كامل وطبعا نقعد نسخط وندعي ونقول استاذه فيها ويخطيها ..لانو اكيد كمان مهو اسلوب انو الواحد يصم 300 صفحه اكييد ماحيحل .. ودا مو موضوعي دحين ...

وبعدين ترا هيا كبيرها 6 مواد و18 ساعه مررره عشان احنا مهمين وورانا حل قضية الامم محنا قادرين نداكر 6 مواد ...كيف كنا ايام المدرسه بعشروميه ماده ..والا عشان ماكان احد يخيرنا ...كنا نعرف ندرس وننجح...
بغض النظر طبعا انو في ناس عندهم صعوبه فالفهم ..وناس منجد ماعندهم وقت ..دي الاشيا استثناءات ......بس منجد سرت مااقرا كم موضوع الا الاقي احد كاتب ابا ارفع معدلي عشان كدا حقلل ساعاتي ....

عجبي!!!!


((اعتذر منكم جميعا لو الاسلوب شويا مو مزبوط بس والله من قهري انو احنا كدا ..اتعودنا عالدلع ))

[saudi]

الله يعطيك العافية أنوارعلى الموضوع فعلاً يقول المثل ( مع العزم تأتي العزائم ) .

[بائعة الـورد]

معاكي حق اختي وانا اشوف العكس كلما زادت عددت الساعات الواحد صار عنده فرصه

يرفع معدله وووجه نظر فقط ,,

لان بصراحه الواحد كلما حذف مواد وقلل عدد الساعات يضيع عمره على الفاضي وماشاءالله
تزيد كمان التكاليف ورسوم لانه راح يضيف اكيد سمستر جديد عليه

[قيثارة الأمل]

بصراحة انا عمري مااعترفت بدا الشي

الحمدلله كل ترم اخذ 6 مواد ..

احسه فعلاً دلع على كدا الوحدة تتخرج بعد 5 او 6 سنوات هههههههههه

في بنات في الجامعة دي سابع سنة لهم ياليت عندهم ظروف بس دلع تقول احسن من جلسة البيت

انا ماعمري فكرت بدي الطريقة / لو ربي كاتب لي المعدل يرتفع حيرتفع بدون دا التفكير ,,

يمكن الي يفكرو كدا اكثر هما الانتظام لانهم مايدفعوا الرسوم ..

مع ان البنات صاروا ماهمهم الدراسة/ الله يهدي بس

ماخذينها وناسة وتسلية الله يفكنا منها على خير

[ابوعمر222922]

وجه نظر...

بس انا اخالف الرأي...

انا بالنسبة لي كل ما قلت عدد الساعات ارتفع المعدل باسباب عدم التركيز وما فيه جو للمذاكرة والانشغال بامور الدنيا... واذا الطالب/ة من هالنوع... فتقليل الساعات يساعد في ارتفاع المعدل بنسبة جيده ومجربة...

تحياتي لك وللجميع... وسامحونا

[عذاري جده]

كلاااامك صحيح وأنا داايم اقول للبنااات بس ما أحد يعطيني وجه

أنا طبعاً ما أحب أحذف مواااااد
والسبب بكل بساااطه ما راح أخذ في هذه الدنيا إلا اللي ربي كاتبه لي
والله لو ماده ذاكرتها وأعطيتها كل وقتي وحفظتها وفهمتها ما راح أخذ أكثر من اللي الله كااتبه
لذلك أنا ضد تقليل سااعات المواااد

[anwaaaar]

المشاركة الأصلية كتبت بواسطة saudi الله يعطيك العافية أنوارعلى الموضوع فعلاً يقول المثل ( مع العزم تأتي العزائم ) .

الله يعافيك يارب..اسعدني مرورك وتعليقك ..

[anwaaaar]

المشاركة الأصلية كتبت بواسطة بائعة الـورد معاكي حق اختي وانا اشوف العكس كلما زادت عددت الساعات الواحد صار عنده فرصه يرفع معدله وووجه نظر فقط ,, لان بصراحه الواحد كلما حذف مواد وقلل عدد الساعات يضيع عمره على الفاضي وماشاءالله تزيد كمان التكاليف ورسوم لانه راح يضيف اكيد سمستر جديد عليه

الله يعينكم على الانتساب ويخفف عليكم ,,موفقه إن شاء الله يارب..

[anwaaaar]

المشاركة الأصلية كتبت بواسطة قيثارة الأمل بصراحة انا عمري مااعترفت بدا الشي الحمدلله كل ترم اخذ 6 مواد .. احسه فعلاً دلع على كدا الوحدة تتخرج بعد 5 او 6 سنوات هههههههههه في بنات في الجامعة دي سابع سنة لهم ياليت عندهم ظروف بس دلع تقول احسن من جلسة البيت انا ماعمري فكرت بدي الطريقة / لو ربي كاتب لي المعدل يرتفع حيرتفع بدون دا التفكير ,, يمكن الي يفكرو كدا اكثر هما الانتظام لانهم مايدفعوا الرسوم .. مع ان البنات صاروا ماهمهم الدراسة/ الله يهدي بس ماخذينها وناسة وتسلية الله يفكنا منها على خير

منجد والله مرره غريبين ..تصدقي انو في بنات ايام مايكون عندهم شي فالجامعه يجو بس عشان يجلسو سوا!!!...والله انا مرره استغربت..كل فتره الواحد يكتشف اشياء جديده ..والله احس انو بعضهم لهم حياه تاااانيه فالجامعه ...يحسسوني كاني فمكان تاني لما اسمع الحكاوي.....يلا الله يهدي ماخلق..

[louolouo]

كل شخص ورأيه
في ناس يقللوا المواد ويرفعو العدل وناس العكس
مشكوره قلبو عالموضوع الرائع