تخصصي mis واريد الأبتعاث !

[طالبة MIS-UOH]

السلام عليكم ورحمة الله وبركاته

مساء الخير جميعاً
طبعاَ أول مشاركه لي بالمنتدى

حبيت ابتديها بـ اخذ الخبره منكم والفايده بما أني توني طالبة بكالوريوس ولا اعرف اي شيء عن الأبتعاث سوى معلومات قرأتها هنا واستفدت من بعض الأخوه الله يجزاهم خير َ..


تخصصي Management Information Systems‏ نظم معلومات أداريه
ان شاء الله هالسنه أخر سنه لي واتخرج بأذن اللّه ومعدلي 3,70 من 4
وش أفضل تخصص أكمل فيه الماستر .. نصحوني بالتمويل والتسويق
وانا درستهم بالجامعه على شكل كورسات بس ابي نصيحتكم لي ؟؟


شيء ثاني زوجي يبي يكمل هو معه دبلوم صحه سنتين له خمس سنوات متخرج
ومتوظف الآن ولله الحمد ..يبغى يكمل بكالوريوس وبيكون مرافق ليّ ان شاء الله ..

بس سمعت ان المرافق لازم يكون بكالوريوس عشان تكون نفس المده ولا فيه احتماليه كبيره يرفضوننا !

شيء ثالث ابغى افضل الدول كفاءه اللي اكمل فيها انا ماستر بتخصصي ويكمل هو بتخصص الصحه والطب !


افيدوني جزاكم الله خير
وان شاء الله ماتخذلوني لأن اعتمدت على الله ثم عليكمَ ..

دمتم بود ..

[عبدالله21]

اللاسف المعدل المطلوب عشان تروحي الابتعاث الازم يكون المعدل لايقل عن3.75

[طالبة MIS-UOH]

عارفه ياخوي
معدلي الترم الماضي 3,70
اذا على كلامكَ باقي لي السنه هذي وان شاء الله بيزيد ..

بس جامعتنا تعتبر معدلي الآن أمتياز لأن المعدل الكلي عندنا من 4

و سمعت ان اذا كان المعدل 4 يكون المعدل المطلوب للأبتعاث 2,75
واذا كان 5 يكون المعدل المطلوب 3,75
يعني ان شاء الله مضمون قبولي بالبعثه ان شاء الله ..
بس انا ابي احد يجاوب على اسئلتي بعيداّ عن سالفة المعدل .. !
عالعموم مشكور على الرد :)

ياليت احد يجاوبني بليز مشاهدات من غير ردود ححححرام

[طالبة MIS-UOH]

ماطلبت شيء كثير ابغى رد واحد بس

[* نونيتا *]

عزيزتي معدلك يسمح لك بالابتعاث ...

لان من شروط الابتعاث للماستر

ألا يقل معدل المتقدم في البكالوريوس عن ( 2.75 من 4 ) أو ( 3.75 من 5 ) أو ( 80 من 100).

وهذا رابط الوزارة وفيها شروط الابتعاث ..
http://www.mohe.gov.sa/ar/studyaboar...-emission.aspx

ان شاء الله أفدتك :)

بالتوفيق

[رشة عطر]

المشاركة الأصلية كتبت بواسطة طالبة MIS-UOH السلام عليكم ورحمة الله وبركاته وعليكم السلام ورحمة الله وبركاته مساء الخير جميعاً طبعاَ أول مشاركه لي بالمنتدى حبيت ابتديها بـ اخذ الخبره منكم والفايده بما أني توني طالبة بكالوريوس ولا اعرف اي شيء عن الأبتعاث سوى معلومات قرأتها هنا واستفدت من بعض الأخوه الله يجزاهم خير َ.. تخصصي Management Information Systems‏ نظم معلومات أداريه ان شاء الله هالسنه أخر سنه لي واتخرج بأذن اللّه ومعدلي 3,70 من 4 وش أفضل تخصص أكمل فيه الماستر .. نصحوني بالتمويل والتسويق وانا درستهم بالجامعه على شكل كورسات بس ابي نصيحتكم لي ؟؟ ممكن تكملي ماستر في نفس التخصص حق البكالوريوس شيء ثاني زوجي يبي يكمل هو معه دبلوم صحه سنتين له خمس سنوات متخرج ومتوظف الآن ولله الحمد ..يبغى يكمل بكالوريوس وبيكون مرافق ليّ ان شاء الله .. بس سمعت ان المرافق لازم يكون بكالوريوس عشان تكون نفس المده ولا فيه احتماليه كبيره يرفضوننا ! بالنسبة للمرافق وقت التقديم الوزارة ما تطالع في مؤهله ابدا يعني ان شاء الله انتي قبولك مضمون لأن معدلك حلو بس ما اعرف اذا يقدر يكمل دراسته او لا سجلي في منتديات مبتعث .. اكيد في ناس نفس وضعه ان شاء الله يفيدونك شيء ثالث ابغى افضل الدول كفاءه اللي اكمل فيها انا ماستر بتخصصي ويكمل هو بتخصص الصحه والطب ! امريكا كندا بس اعتقد كندا لازم تكملي في نفس تخصصك في البكالوريوس.. اما امريكا عادي اي تخصص افيدوني جزاكم الله خير وان شاء الله ماتخذلوني لأن اعتمدت على الله ثم عليكمَ .. دمتم بود ..

-------