الحذف والاضافه في الجامعه

[~soso~]

السلام عليكم ...


بنات موعد الحذف والاضافه يوم السبت بعد الساعه 11 ؟ اكيييد ؟
لانه دكتور رندا مو جاتنا ايام الاختبارات وقالت انه بس حيكون يوم واحد السبت؟
فابغى اتاكد الله يرضى عليكم متى بتروحو الساعه كم ؟

[محتـآرهـ]

والله انا زي زيك متري عن شي ..
لانهم مايبلغونك بشي
الجامعه ماشية بنظام شختك بختك ..

روحي بدري وشوفي ..

والله يعينك ويعيننا ... :(

[ESC]

ايه يوم واحد بس .. السبت
لان الاحد ع قولها بيبدا الدوام رسمي ياخذون حضور

بس اللي مو متأكده منه هو الوقت ^^؛
مو ع اساس الساعه 9 ؟

انا بروح بدري احتياط ^^؛

[سوسو2]

يعني اخر يوم للحذف والاضافه في الجامعه هوو السبت << فيس مفجوع

طيب والجيش الى راح نلاقيه في الجوهره << تفكر تجيب بودي قارد

[حنين الود]

مستحيل الحذف والاضافه يوم واحد يابنات كل سيمستر يقولوا الكلام هادا الترم الي فات او الي قبلوا ماتذكر قالوا اسبوع واحد ورجعوا فتحوا السيستم الاسبوع الي بعده
استحاله ينتهوا من الشغل في يوم واحد وانتوا عارفي هما بالمره نشيطين اقل شي يومين تلاته وحتشوفوا ليش ؟؟ بسبب التالي
اولا :فيه بنات يحتاجوا يضيفوا المواد الأساسيه ريدنق ورايتنق وسبيكنق وعددهم مو قليل
ثانيا: في بنات يحتاجوا شعب بكاملها المستويات الاخيره طبعا ومواد الأدب والبحث
وفيه شعب اصلا ماعليها طلب زي الفونتكس باقيلها كتييير اماكن فيها يعني فيه مواد لازم يفتحوا شعب فيها ومواد لأ على بال مايفتحوا ويوسعوا والسيستم وماادري ايش كم يبغالهم كالعاده ؟؟

[ESC]

حنين
ههههههههههههههههه
صادقه و ربي ..انا معمره في الجامعه و ادري فيهم
ما عليه يطولون بس بالاخير نكون راضين عن جداولنا ^^

[التفاحه المجتهده]

الله يعين من الساعه 8 وانا عندهم :(

[حنين الود]

المشاركة الأصلية كتبت بواسطة التفاحه المجتهده الله يعين من الساعه 8 وانا عندهم :(

يالهوي منك حتتجنني اصلا عندهم ميتنق << حيتضاربوا الاستاذات هههههه
بس الميتنق حيخلص الساعه 11 كدا قالوا

[~soso~]

مشكورين ع الرد ...


وانا اقول كمان مو معقوله فيوم واحد يمديهم يخلصو الحذف والاضافه لكل الطالبات !!! بس هذا كلامهم
لكن انا بتاكد من الموعد لاني بصراحه مو مستعده اجي من 8 وانلطع وهم لسى مافتحو السستم

[القمر المضيء]

صح انا سمعت هذا الكلام ايام الامتحانات لكن مستحيييل يصير يوم واحد فقط اسبوع مو مكفينا فكيف يوم واحد....
من النشاااااط الزايد عاد احنا اول اسبوع يالله يالله نلحق بس احسن انا نروح من بدري وكل وحده تجيب معاها بودي قارد
زي ماقلت سوسو2 ....