الكل يكتب تجربته مع مدرس خصوصي

[امل عطشان]

السلام عليكم ورحمه الله وبركاته ..
بعد اذن المشرفين : وش رايكم الجميع يكتب لنا اذا درس عند مدرس خصوصي قبل الاختبارات وكيف كان شرحه وهل طريقه شرحه جات في الاختبار وكل مميزاته وعيوبه لنستفيد من هذه المعلوات في الترم الثاني .. واتمنى تحري الصدق لانك مسؤول امام الله ولانريد سمعنا نبغى احد جرب هذا الشي
وخاصه مدرسين الاحصاء
ولكم كل الشكر والتقدير

[فهد العنزان]

جزاك الله خير أخوي وانا أياد كلامك

السلام عليكم ،،،،،،،،

وياليت يذكر

اسم المدرس / المبلغ / اسم المادة / عدد الحصص ؟؟؟؟؟

مميزات المدرس / ملاحظاتك العامة / طريقة الشرح / مادة الحصة / مدى التزام المدرس بالوقت ؟؟؟؟

وقبل كل شيء

أعلم أخي الطالب بأنك محاسب أمام الباري عزو جل المقصد الأمانه والصدق في الطرح

[امل عطشان]

انا بصراحه درست عند مدرس للاحصاء وتحليل احصائي وهو مصري الجنسيه
وبكل صراحه وصدق انا لالالا انصح بالدراسه عند هالمدرس لانه اهم ماعنده الفلوس والله ياناس اخذ مني فلوس وطريقه شرحه ماجا شي منه في الاختبار وبصراحه ضيع شباب معي
تخيلوا بديت المنهج معه في الاحصاء 115 النظري واذا بدينا اليوم اللي بعده اجيه يقول عندي تحليل احصائي ادرس معنا وان شاء الله سهله وبعدين جيته قبل الاختبار باسبوعين واول الايام يقول باقي عندك وقت تعال اليوم اللي بعده الين راح الوقت لاني كنت اجهل الماده وبعدين انسان كثير سواليف وكثير اتصال بالجوال يمكن من الساعه اللي يشرح فيها مايصفالك الا ربع ساعه من الشرح واي واحد يتصل عليه يقول تعال ادخل مع الشباب اللي يدرسون الحين ولو كنا في وسط المنهج
المهم جا الاختبار قلنا له كيف طريقه الاسئله عشان نكون في الصوره مو نفس الاختبار نبغى بس الطريقه عشان لانتفاجا بالاسئله وقت الامتحان او تمارين مهمه . قال :اللي شرحته هو الاختبار . المهم جا الاختبار وتفاجات انا واللي درسنا عنده في اشياء كثيره ماشرحها لنا وفيه قوانين ماعمره شرحها لنا ويوم سالناه جلس يضحك ويقول : الدكتور جاب قانون ثاني نفس القانون اللي شرحته لكم
قلنا حنا لسنا بدكاتره في المنهج لو كنا فاهمين في الاصل ماجيناك عشان نعرف ان الدكتور جاب القانون هذا ويقصد قانونك اللي شرحته لنا , قلت خلني اشوف المنهج واقرا القوانين وبالفعل كان فيه قوانين جات ماشرحها لنا, ومواضيع جات في الاختبار وليست مشروحه وليس سؤال واحد بس بالعكس اكثر من 8 اسئله على الاقل جاتنا ولم يشرحها
اقسم بالله العظيم هذا اللي حصل معي انا واكثر من طالب وقد قابلت الطلاب اللذين درسوا معي عنده وسالتهم عن الاسئله قلت يمكن انا مافهت او لخبطت وتفاجات بنفس كلامهم انه في اشياء لم تشرح وماكتبت هذا الموضوع من حقد عليه مسبقا او ابغى اشوه سمعته ,لا والله بس هذي تجربتي معه بكل صدق لكي يستفيد طلاب هذا المنتدى ولايغامروا مع هالمدرس
واتمنى من الجميع التاكد من صحه كلامي هذا
والمدرس رقمه 0532369726
خلف مكتبات الجامعه
ابو محمد

[yazoody]

مع السلام عليكم
انا كمان بقولكم قصتي مع مدرس مصري جبته عشان احلى ماده بالجامعه تحليل كمي 104 ماده تفهمها من نظره وتحبك وتحبها من كلمه
طبعا الماده هذي انا مرررررررررره فاهم فيها يعني بس انت لمح لي وافهم على طول <<<نصاب كبير

الموهم ما نطول عليكم راحت اتمشي :31 في وسط ارقى احياء جده حي الجامعه وبالضبط خلف المحطه اللي بعد ثاني لفه على اليمين وتسقط عيني على اعلان لمدرس مصري واعجبني اسمه تحسه اسم فني ورنان وصدى كمان عشان لاتزعل الاتصالات السعوديه <<مادرو عنك
واخذته على قصري اللي ساكن فيه <<عزوبي وشقته غرفتين بس هع
وشرح لي الماده وانا فاتح فمي يقول اشياء اول مره احسها بحياتي <<<ايش دخل الاحساس الحين
الموهم اني مشيت معه وشرحي لي من قلبه وجاء اللي شرحه بالاختبار ونجحت بالماده بعد ما رحت للدكتور 3456 مره بالثانيه<< يعني تطلع بالشهر ما ادري اللي معه اله حاسبه يشوف كم انا بكمل القصه لكم هـــع

حبيت المدرس هذ1 وقلت مالها غير اروح الترم الجاي وانزل 204 ولا افهم مع الدكتور مسوي وراي ظهر الحين
وجبته المره الثانيه وانا متفائل جداا وبدينا بالشرح طبعا هالمره ما ادري وش يقول شكيت انه اغتنى من المهنه هذي وبطل يشرح بضمير عااد انا مخي مقفل معه وطبعا الحصه ساعه وحده بس واذ1 انتهى الوقت يقفل الكتاب على طول مسوي حريص على الوقت وازودها ساعه ثانيه وانتهت كمان عااد اليوم هذ1ك دفعت له 500 وانا مو فاهم شئ ورحت اليوم الثاني يعنني مذ1كر وكان عندي مدرس وطبعا ما حليت شئ واخذت f كبر وجهي وليومكم هذ1 وانا مقاطع الخصوصيين
اسم المدرس ما ادري عنه
ورقمه مسحت بعد ماطلع من عندي عشان الشيطان لا يغويني

واتمنى انكم تستفيدو من تجرببتي وكل واحد يعتمد على دكتوره ويفتح خلايا المخ معه ويحاول يفهم منه ويبطل شغل الخصوصي لانه نادرا تحصل واحد يفهم منهم

وسوووووري على الاطاله

<<<يحس ان ما احد بيقراء سالفته

[اصيل الرياض]

والله والله وماني مجبور احلف لاكن قد صار لي موقف مع مدرس عمري ماراح انساة هو مصري طبعا الزبدة فية انة كل ما جاء يشرحلي جالس يناضر السقف طبعا المدرس ويقول من عمل القبس دة يعني من صلح جبسكم حق البيت واقول مدري المهم وسبحان الله هو يشرح وتطيح عيني على اصابعة وتحديدا عند جوانب الظفر او الاظافر كلها الا والله حواف مليانة سمت مدري سمنت ابيض انا طبعا سكت ولا تكلمت وبعد فترة من الايام الاخ يجي بسيكل لي ويلبقة من داخل بيتنا يخاف ينسرق يقول دول عيال وحشة وانا طبعا بالعها وساكت واقول لواحد من اخواني طبعا صارت عيارة لي وقال دامك تفهم منة ماعليك كمل وعطة حقة (فلوسة) المهم وانا ماشي في الحارة الا واطيح عند ذاك المصري الي هو ابو رمضان راعي البقالة وسألني عن صاحبة المدرس قال كيفة معك بحكم انة هو الي معطيني رقمة قلت والله انا ادرس عندة ويجيني كل يوم قال اوعااااا يا ولة اوعااااا دا بناي كزااااااب قلت لية قال مش عارف بس انا سمعت انو بيشتغل مليص قلت وش اسوي طيب وسكت وقلت للمصري المدرس قالي اااه كدا المسالة هو عاوز عمولة وانا مش عايز ادية حاقة وهو عمال يسرب اشاعات انا وقتها غسلت يدي منهم كلهم
المهم انة بعد الاختبارات والله يشهد علي الا ابو الشباب المصري البروفسور يرمم بيت جيرانا

[كندآ]

^

هههههههههههههههههههههههههههههههههههه آمآآآآآآآآآآآآآآآآآآآآآآآآآآ

<- تضحك من قلب

[aborakan07]

هذا سوال وليست تجربة
وش رايكم بالحسيني مصري
مدرس استثمار

[امل عطشان]

ياشباب مو لازم نذكر فقط المدرسين السيئين
لابد ان نذكر ايضا المدرسين الممتازين واللي استفاد من تجربتهم لكي يتسنى لنا في الاترام القادمه معرفتهم والدراسه عندهم

[الوافي2007]

ياشبااااااب انتبهو وانا اكثر من مره احذر الشباب ترى فيه مدرسين يكتبووون بإسماء طلاب وطبعا عارفين الباقي من تلميع لانفسهم وغيره والشي الثاني فيه مسوووووقون لهؤلاء المدرسين طبعا مايخدم بخيل له نسبة على كل طالب يجي عن طريقة مانحسد احد بس برضو موكل مدرس خصوصي متمرس وفاهم باالمواد اتقو الله ياالمسوقون وخافو الله في اخوانكم الطلاب يعني ممكن ياخذ مع مدرس يضيعه والنتيجة الرسوب وتكون تسببت في رسوبه انت بعد طبعا عارفين انفسهم بدون ذكر اسماء وتقبلو مروري....

[فهد العنزان]

المشاركة الأصلية كتبت بواسطة امل عطشان السلام عليكم ورحمه الله وبركاته .. بعد اذن المشرفين : وش رايكم الجميع يكتب لنا اذا درس عند مدرس خصوصي قبل الاختبارات وكيف كان شرحه وهل طريقه شرحه جات في الاختبار وكل مميزاته وعيوبه لنستفيد من هذه المعلوات في الترم الثاني .. واتمنى تحري الصدق لانك مسؤول امام الله ولانريد سمعنا نبغى احد جرب هذا الشي وخاصه مدرسين الاحصاء ولكم كل الشكر والتقدير

http://www.skaau.com/vb/showthread.php?t=47337

آمل الإطلاع
ابو فيصل