يمدي ولا لأ!!! ساعدوني ربي يخليكم ):

[Larax]

السلام عليكم
انا بديت من العام ادرس سنه تحضيريه انتساب وكنت من المعفيين عنهم من الضمان الاجتماعي درست اول ترم خطة (أ) وجبت معدل 2.65 فلزمني اني اراجع العمادة علشان يجددولي الاعفاء لانو قالولي معدلي مش نازل عن المعدل المطلوب للاعفاء بكثير!! المهم اخويا توفي بين الاجازة حقت الترمين وانا ماقدرت اكمل كان اهتمامي كله بامي هذيك اللحظة فافتني كثير اولاً لاني ماقدمت خطاب اعتذار ولا جددت الاعفاء فقال ابويا خلاص السنه الجايا انا اروح اجددلك الاعفاء وتصيري تكملي من الترم الاول اللي فاتك من الترم الثاني حق العام واصير خطة (ب)!! وجات هالسنه والوالد تعب ): الحين انا ما ادري ايش اسوي والله جداً متضايقه انا والله طموحه وابغا اكمل وشفتوا ماعاد في وقت السنترا بدت اليوم يقولوا!!! قولولي ايش اسوي ينفع خالي يروح العمادة او حتى انا ويصير يوافقوا اني اختبر واخلص هالترم اللي مو راضي يخلص عليا!!! قولولي انا مو عارفه ايش اسوي انا عندي اللي حيروح العمادة وبتكون معاه كل المستندات المطلوبه بس انا خايفه يقولوا مايمدي واخاف كمان يقولوا ليه ماقدمت اعتذار السنه اللي راحت! والله حايسه الله يسعدكم احد يقولي ايش اعمل واكون شاكرة لكم..

[Diplomacyh]

الله يرحمو يآرب ويشفي وآلدك ان شاء الله ... خليه يروح وانتي كمان روحي مدام معاه كل شي وشوفي ايش يقولولكم لان هما بيفيدوكي اكتر لان هما ادرى بكل شي اتوكلي ع ربنا وروحي وربنا بيديكي ع قد نيتك بس لا تجلسي تستني ويضيع الوقت وازا انتي خطه ب ترا السنترا حقتنا لسا مابدت تبدا بشهر واحد يعني روحي دحين ولا تأجليها اتمنى اكون افدتك ....

[Larax]

المشاركة الأصلية كتبت بواسطة diplomacyh الله يرحمو يآرب ويشفي وآلدك ان شاء الله ... خليه يروح وانتي كمان روحي مدام معاه كل شي وشوفي ايش يقولولكم لان هما بيفيدوكي اكتر لان هما ادرى بكل شي اتوكلي ع ربنا وروحي وربنا بيديكي ع قد نيتك بس لا تجلسي تستني ويضيع الوقت وازا انتي خطه ب ترا السنترا حقتنا لسا مابدت تبدا بشهر واحد يعني روحي دحين ولا تأجليها اتمنى اكون افدتك ....

شكراً حبيبتي على دعوتك وعلى ردك..و انشاالله يرضوا ومايعوصوها معايا ):

[p!nk1]

الله يرحم اخوك , ويشفي ابوك ان شاء الله .

افضل تروحين الجامعه وتعرفين ايش حطوا لك .. يمكن كتبو لك حرمان لا قدر الله .
ماودي اخوفك .. لكن اشوف اك مهتمه كثير لـ مستقبلك , لاتفوتين فرصة حماسك ..

روحي واسالي .. وحتى لو قالوا شي يضايقك عيدي من جديد .. لاتتحطمين .

[مستبده*]

الله يشفيَ أبوكِ و يسهل عليك
و إن شاء الله خيره لكِ و روحي راجعي الجامعه زيَ ماقالوا لكِ البنآت
و ب التوفيقَ يآرب

[Diplomacyh]

العفو ... روحي وشوفي ايش يقولولك وطمنينا
ان شاء الله يارب تتسهل وتكملي

[ابو علي الشمراني]

الله يرحم جميع اموات المسلمين يارب ويشفيهم..
اول شئ اختي هذي خيره لك إن شاء الله "وعسى ان تكرهوا شيئا وهو خير لكم"
ثاني شيئ روحي الجامعة مع خالك وشوفي كيف وضعك هناك ..وخلي اعتمادك كلو على الله سبحانه وتعالى..
ولاتخافي ولا تقلقي لأنك معتمده على الله عز وجل
ولكي منا بصدق الدعــــــــــاء لك اختي.. والله يسهل وييسر امرك وامرنا ياااارب,,