إستشارة في حروق الدرجة الثانية

[śώẹξ‡ Moőny]

السلام عليكم ورحمة الله وبركاته

كيف حالكم يا دكاترة المستقبل .. () إن شاء الله أنتم السابقون و نحن الاحقون ... وكل سنة وإنتو طيبين

كنت أبا أستشيركم في موضوع ..
لأنو بكرا عيد ومرا مافي أمل أروح مستشفى دحين الناس زحمه وكدا ... قبل أربعه أيام أنكب عليا براد شاهي حروق من الدرجة الثانية .. الدكتور قلي أحط فلامازين وأغطي علي بشاش أبيض وشاش ضاغط .. وكل يوم أغير مرتين ع الحروق .. المهم .. قلي بس أربعه أيام وبعدين خلاص

دا اليوم الرابع بس مني عارفة إيش أعمل إنو الجلد ما كون طبقة بعد ما الدكتور شال الجلد .. وما نشف ولا شي .. أخاف إنو أخلي مكشوف ويتلوث .. أغير عليه بشاش تاني ولا أشيل الشاش وأخلي مكشوف خلاص ؟!

الله يسعدكم يارب .. بجد حاولت أسأل دكتور بس مني لاقية .. وكمان في ناس بتقلي إنهم أتحرقو قبل كدا وبيقولولي عادي خلي مكشوف بس قلت أسألكم أكيد عندكم خلفية عن كدا ^______^

ومرا شكرن ()

[Dr.Passed]

لا ماتخلي مكشوف حبيبتي

شوفي الطبقه حقت الفلامزين الي جوا لو خايفه تقشعي الجلد خليها زي ماهيا وحطي فوقها ايودين وكده زي ماهيا لوفيها بشاش نضيف

لا تكشفيها أبدا لسا

[Dr.Passed]

الدكتور قلك اربعه ايام وتشيلي كلو تكشفي تماماً ؟؟

[Dr.Passed]

وسألتلك ماما دكتوره

تقلك لا تكشفيها...بس ازا يحتاج تغيري غيري بس خلي " السوفراتول" ممكن تحطي ايودين وتلفيها كلها بشاش تاني نضيف بس الصغيره الي جوا خليها

ازا عندك غيار غيري
ولسا تقلك رابع يوم مايكون التحم والطبق الزهريه ماتكون اكتملت يعني لسا لمن يلتحم تماماً يعني خلي ولاتكشفيها أبدا دحين

وإن شاء الله يارب تلتحم بسرعه وتخف عليكي

[Dr.Passed]

اسمعي حبيبتي شلت همك قوليلي ايش ساير معاكي
يعني أوكي وضعك دحين إن شاء الله؟؟ غيرتي الحرق ولا ايش سويتي؟


في سؤال تاني قبل ما اروح انام ؟؟ تبغي اسأل ماما حاجه تانيه ؟؟
حرجع اشيك على موضوعك الصباح وإن شاء الله خير

وزي ماقلتلك لا تتركي مكشوف ازا هوا مرحله تانيه

[śώẹξ‡ Moőny]

الله يسعدك حبيبتي <3

خلاص حمدالله غيرت عليه .. بس المشكلة إنو إلين دحين الجلد بيطيح لأنو الدكتور ما شال كل الجلد كلو بس شال بعض الجلد ..

كمان قلي إنو لا تجي عليه مويه .. فأنا لمن أغير بس بأمسح عليه بالشاش بدون مويه .. بس ماما بتقلي إنو أغسلو بالنورمنسلاين

.. طيب كم يوم حجلس أغير عليه .. و ينفع أروح دكتور جلدية دحين ولا بعد ما يلتئم الجلد ؟

<3 .. ومررا شكرن يا قلبي وشكراً لمامتك .. الله يسعدك يارب :*

[miss you]

دكتورة باسيد

سوالي جاد ترا

انا ولد اخويا الصغير خدش وجهي باظافره

وصارت في بقعة زي حبة الخال لونها بني

يعني الجرح خلاص راح بس بقعة ومضايقتني مرررررره وماتسوا اروح للدكتور خخخخخخ

انتي اديني حل

في قالو لي كيري انتي وش رايك كيف اخليها تروووح لانها بجد مضايقتني شكلها مع انها صغيرة

[Dr.Passed]

Sweet Moony
لا تجيبي مويه عليه أبدا

بس النورمانسلاين استني عليا ماما شويه وتصحى من النوم أسألك هيا ...شويه ستني بس هيا اصلا مداومه فإن شاء الله ما أتأخر عليكي تقوم بدري قبل هيصه العيد إن شاء الله

حرجع ارد عليكي لاتشيلي هم

[Dr.Passed]

miss you احد قلكم اني اتخرجت =)

بس اقلك الواضح من كلامك انها صفائح دمويه اتكونت بعد ما كان في جرح بسيط وإن شاء الله استنى عليها هيا لحالها تروح ازا كانت فعلا كده شي طبيعي تسير لكل الناس يعني عايدي

بس ازا هوا شي غريب ومضايقك مره يكون افضل لو تروح تكشف عليه مع اني اتوقع انها صفائح اتكونت من الجرح الي حصل..وازا فعلا كده ما اشوف يحتاج شي يعني كلنا سارتلنا بس برضو شوف دكتور ازا مضايقتك

[Dr.Passed]

Sweet Moon
معليش استني شويه لا تغسلي ولا تمسكي الين ما نسألها

معليش دقايق