السبت كان اخر يوم للتقديم اختبار بديل التوفل- تجربتي-

[مشموشة]

صباح الورد
امس السبت رحت اقدم ع اختبار بديل التوفل وقبل مااروح البنك روحت للمبنى الثالث ودخلت لرئيسة قسم الدراسات العليا وطحت فيها اسأله من قلبي
قبل ماابدا في نوع الاسئلة اللي سالتها احب اقولكم اني انا خريجة كلية الاداب قسم لغات اوروبية
-ادب فرنسي-
المهم سالتها عن صحة الكلام انه كلية الاداب اللي حابة تكمل ماجستير تقدر تقدم ووقت ماتنقبل تقولهم ابغى اخد دورة بدل بديل التوفل .. قالت ايوة تقدري يصير تاخدي مواد انقلش بجنب المواد اللي تدرسيها لمدة تيرم واحد
او تختبري توفل وتجيبي الدرجة المطلوبه وتدخلي اي كلية غير كلية الاداب
وسالتها عن الاقسام اللي ممكن تفتح قالت مو كل الاقسام انا سالتها عن كلية الاداب؟؟
قالت جغرافيا وتاريخ واسلامي وعربي ومكتبات وعلم اجتماع وانقلش وعلم الاجتماع مايدخلو غير بنات القسم نفسه
وسالتها عن النسبة اللي تؤهل اي طالب لاكمال الماستر قالت من 3,25 ومافوق

بالنسبة لاختبار بديل التوفل راح يكون يوم الخميس في مبنى 420 ولازم تجيبوا معاكم بطايقكم الشخصيه
او كرت العايله عشان الرقم لازم ينكتب وتجيبو ورقة الترشيح اللي مدبسه فيها صورتكم
وبالنسبة للبوابه شماليه
وسلامتكم..

[ام فيصل 1425]

طيب الساعه كم
والله بدعيلكم الله يرضى عليك يارب والله كنت لسى بسأل عن هذا الموضوع

[النورس الابيض]

ياصباح الورد أختي مشموشة

الله يعطيك العافية على إفاتك للأخوات هنا في المنتدى بالمعلومات التي لديك
وأزيد عليها راجعي هذا الرابط لعل فيه الفائدة:
http://www.skaau.com/vb/showthread.php?t=85342

أختك/ النورس

[مس أسيتون]

الله يعطيك العافية ........... طيب بالنسبة للعلوم مثلي انا كيمياء لازم التوفل اوممكن زيك مواد انجليزي تنضاف

لان اول مره اسمع كذا اللي اعرفه يااختبار أو دورة تقدم للاداب والعلوم الانسانية

[نيوتن زماني]

الحظور للأختبار الساعة 8 ويبدأ الاختبار الساعة 10

اما بالنسبه للاخت مس اسيتون : لازم لطالبات العلوم اجتياز اختبار بديل التوفل

[جزا]

اختي النورس الابيض
هل من الضروري احضار الورقة التي تظهر بعد تعبئتك لاستمارة الترشيح ويكتب عليها رقم السجل المدني باللون الاحمر أم لا لانني فقدتها عند طباعة الاستمارة؟؟؟؟؟
وجزيتي عني خير الجزاء

[ahmed safar]

هل من الضروري احضار الورقة التي تظهر بعد تعبئتك لاستمارة الترشيح ويكتب عليها رقم السجل المدني باللون الاحمر أم لا لانني فقدتها عند طباعة الاستمارة؟؟؟؟؟ وجزيتي عني خير الجزاء

معليش على تدخلي
اتفضل هذه الاوراق المطلوبه
الاوراق المطلوبه :
1-سند الأيداع +صورة منة
2-استمارة الترشيح +صورة منها
3-صورة الهوية +الأصل للمطابقة
4-صورة شخصية جديده واضحة

جيب كل هذه الاوراق في ملف وان شاء الله انت تكون في السليم محد يقولك ناقصك شي

[شندوني]

وانا كمان نفسي اعرف مثل مس استون انا قسم كيمياء ومتى حيكون التقديم الماستر هذة السنة

[اموره انا]

يابنات دحين انا ابغى اقدم يوم 12-11

بس بعد التقديم يكون الاختبار؟ ولا ايش الهرجه

وهل اقدر اجل الاختبار البديل للترم التاني علشان يمداني اخد دوره فالانقلش ؟

[عزتي بإيماني]

أختبار بديل التوفل متى الامتحان قبل القبول أو بعد؟؟؟