تفضلوا بجميع استفساراتكم عن هندسة البنات

[AssmaH]

السلام عليكم ورحمة الله وبركاته


انا طالبة من الدفعة الثانية في الهندسة ، ولاحظت وجود استفسارات كثيرة من البنات في المنتدى ، اعذرونا كنا مشغولين طول الترم واليوم انتهينا من اخر اختبار ...
كنت ناوية اعمل موضوع في نص الترم الثاني لكن شفت انه فيه استفسارات من الان
على العموم هذا الموضوع راح اجاوب فيه على اغلب الاسئلة المكررة والي حاب يسأل أي سؤال يتفضل ان شاء الله ما راح نقصر معاكم

كم هي نسبة القبول في الهندسة ؟
نسبة القبول في الهندسة للدفعتين السابقة كانت 94% لتجميع جميع المواد ليس الرياضيات والفيزياء فقط .


كم عدد الدفع السابقة ؟
الدفعة الاولى حوالي الخمسين طالبة أما الثانية سبعين.


هل الدراسة في الكلية أو في شطر الطالبات؟
حاليا ايام نكون في الشطر وايام في الكلية حسب المواد ، فمواد الهندسة ناخذها في الكلية والمواد العامة في الشطر.


أين موقع كلية الهندسة ؟
كلية الهندسة مواجهة لبوابة شرقية ، بجانب مبنى تصاميم البيئة ، إذا كنت من فرع السلمانية تقدري تشوفي المبنى من البوابة القزاز الي جمب مكتبة خوارزم في مبنى العلوم.


هل هناك خطة لإدخال كلية الهندسة داخل نطاق الشطر؟
نعم ـ بس مو معروف متى لسا.


ماهي التخصصات الموجودة؟
التخصصات الموجودة هندسة صناعية ، و هندسة كهرباء تحت هندسة الكهرباء اربع فروع منها الحاسبات والطبية و اكترونيات واتصالات ، حاليا يوجد حاسبات وايضا سيتم توفير اما الطبية أو الالكترونيات والاتصالات في القريب.


هل هناك سنة عامة في الهندسة ، وهل تحدد اي تخصص يمكنني دخوله ؟
نعم هناك سنة عامة ، لكن لا تحدد التخصص فيمكنك اختيار التخصص الي تبغيه بسبب قلة عدد الطالبات أصلا.


كم عدد مواد السنة العامة؟
12 مادة تقريبا ، وهي خطة الجميع يتبعها في قسم الطالبات.


كم مدة الدوام؟
الدوام تقريبا ينتهي الساعة 2 الظهر او قبل ، الا في أيام المعامل، على الاقل هذا في السنة الاولى.


هل الدراسة صعبة ؟
رأيي الشخصي أنه إذا جبتي المعدل و كنت داخله عن قناعه فانت قدها.


أعضاء هيئة التدريس؟
أعضاء هيئة التدريس على الاقل الى الان نساء بعضهم عرب وبعضهم اجانب.


هل يمكن لبنات الانتساب والتعليم عن بعد الالتحاق بالكلية؟
صراحة الي اعرفه بس انتظام عملي



أي استفسارات أخرى أنا في الخدمة ♥ ♥
وأي اسئلة عن التخصص ان شاء الله الدفعة الأولى يجابونكم

[لهيب الزهور]

يعطيك العافية حبيبتي على الموضوع

بس الواضح من كلامك انه الوضع الى الآن مو مستقر بالنسبة للكلية

أحسه خربطة انه يكون الدوام أحيانا في الشطر وأحياناً في مبنى الكلية المستقل

يعني انت قصدك المواد العامة اللي هي الثقافة والعربي

أو انه كمان الرياضيات والفيزياء تكون في شطر الطالبات ؟؟

يعني الجدول لازم يترتب انه اليوم اللي يكون فيه مواد عامة مافيه مواد هندسة !!

لأنه صعب انك تداومي في شطر الطالبات ثم تروحي للمبنى بنفس اليوم

[AssmaH]

المشاركة الأصلية كتبت بواسطة لهيب الزهور يعطيك العافية حبيبتي على الموضوع بس الواضح من كلامك انه الوضع الى الآن مو مستقر بالنسبة للكلية أحسه خربطة انه يكون الدوام أحيانا في الشطر وأحياناً في مبنى الكلية المستقل يعني انت قصدك المواد العامة اللي هي الثقافة والعربي أو انه كمان الرياضيات والفيزياء تكون في شطر الطالبات ؟؟ يعني الجدول لازم يترتب انه اليوم اللي يكون فيه مواد عامة مافيه مواد هندسة !! لأنه صعب انك تداومي في شطر الطالبات ثم تروحي للمبنى بنفس اليوم

ايوه حبيبتي طبعا مقسم ايام خاصه هنا ايام خاصه هناك ، الشؤون ينظموا الوضع بحيث يكون جدولك ما يتطلب روحه وجيه بين الشطر والكلية في نفس اليوم، في اسوء الظروف راح يخلوا استاذات الهندسة يعطوا محاضراتهم في الشطر ، انت لا تشيلي هم التفاصيل الصغير ذي ، مو شئ يحدد اذا بتدخلي الكليه او لا

[لهيب الزهور]

يعني أفهم من كلامك حبيبتي أنه الجدول ينزل من الشوؤن

أو انه كل بنت تقدر ترتب جدولها وتختار مواد معينة وساعات معينة


وكمان ياليت تعطينا نبذة سريعة عن مواد السنة العامة وتجربتك بأول ترم


وهل فيه زي اجباري في المعامل أم انه بالطوا فقط



وكمان سمعت أنه الوضع مو مرتب داخل كلية الهندسة ،،

بمعنى أنه كثير يقولوا انه الدفع الأولى كانت تجارب لتخبطات بعض القرارات

إنتي تحسي أنه وضعكم غير مرتب ،،، أم انه مستقر زيكم زي غيركم من الكليات ؟؟



معليش ثقلت عليك بالأسئلة

بس بجد كنت محتاجة اللي يساعدني ويعطيني بعض المعلومات

وربي يوفقك ويسهل عليك ولايضيع لك تعب

[AssmaH]

المشاركة الأصلية كتبت بواسطة لهيب الزهور يعني أفهم من كلامك حبيبتي أنه الجدول ينزل من الشوؤن أو انه كل بنت تقدر ترتب جدولها وتختار مواد معينة وساعات معينة وكمان ياليت تعطينا نبذة سريعة عن مواد السنة العامة وتجربتك بأول ترم وهل فيه زي اجباري في المعامل أم انه بالطوا فقط وكمان سمعت أنه الوضع مو مرتب داخل كلية الهندسة ،، بمعنى أنه كثير يقولوا انه الدفع الأولى كانت تجارب لتخبطات بعض القرارات إنتي تحسي أنه وضعكم غير مرتب ،،، أم انه مستقر زيكم زي غيركم من الكليات ؟؟ معليش ثقلت عليك بالأسئلة بس بجد كنت محتاجة اللي يساعدني ويعطيني بعض المعلومات وربي يوفقك ويسهل عليك ولايضيع لك تعب

لا انت تنزلي جدولك بس الشؤون يكونوا مرتبين بحيث انه مافي طاللبة راح تروح وتيجي ، مهما كانت الطريقة الي حكت فيها جدولها ، طبعا ممكن كمان تروحيلهم في الكلية ويزبطولك جدولك ، انت لا تشيلي هم كل شئ في وقته حلو

بالنسبة للمعامل انا لحد الان ما اخذت الا معمل فيزياء والبالطو حسب الاستاذة بعضهم يطلب بعضهم لا

طبعا نبذة عن المواد هي نفس المواد الي ياخذوها الاولاد فيه موضوع مثبت هنا في المنتدى عنها تقدري تطلعي عليه ، انا لسا مقدر افتيك في كل المواد لانه ما خلصت الا ترم ، اخر السنة ان شاء الله اكتب عنها كلها ، بس عشان الخص اغلب المواد اذا ما كان كلها فهم وليس حفظ

اما سؤالك عن الوضع المو مرتب ما فهمته كيف مو مرتب قصدك ؟ يعني انا حاسه الوضع عادي

[ايزابيلا]

لو سمحتي اتمنى تفيدنا متى يفكوا هندسة الكترويات واتصالات

[AssmaH]

المشاركة الأصلية كتبت بواسطة ايزابيلا لو سمحتي اتمنى تفيدنا متى يفكوا هندسة الكترويات واتصالات

التخصصات الفرعية ما تبدئي فيها الا على اخر سنتين واحنا استشارونا ايش التخصص الثاني الي نبغاه من تخصصات الكهرباء على اساس ع سنتنا يكون فتح فاعتقد يكون موجود للدفع الي بعد كمان

[Nsza]

جميل جدا من زمان انتظر احد يجاوبنا ..

ربي يوفقك و يسعدك ..

[أمل كبير]

مافي اخبار عن الهندسة المعمارية اذا بيفتحوها ؟

[AssmaH]

المشاركة الأصلية كتبت بواسطة أمل كبير مافي اخبار عن الهندسة المعمارية اذا بيفتحوها ؟

لا اصلا التصميم المعماري مو من كلية الهندسة من كلية تصاميم البيئة ومو متاحة للبنات للاسف ، اذا مرة حابه اعرف انه فيه تصميم داخلي للبنات تحت كلية الفنون او الاقتصاد المنزلي مو متاكدة