متى تبدأ دراسة الفصل الثاني خطة ب؟

[وئام الخير]

لأنك توك مسجله والجامعة تنزل كل شي برواقه << الله يعينك طمنينا اذا بدت محاضراتك
ما جدامك الا الصبر خيتي واتصلي فيهم وراسليهم مثل ما قالت مس دودي

[طموحـــي كبير]

مشكوووورة .. مس دودي .. ما قصرتي ..

طرشتلهم بالايميل .. ونزلوا الجدول .. < الله يستر .. شكلي اذا ما كنت مطرشتلهم .. ما كانوا بينزلولي الجدول .. ><"

المهم .. هذا الجدول .. عندي اشكالية في فهمه ..



< كاتبين التسجيل .. تاريخ 7 .. اللي هو امس .. شو يعني ؟؟

وكل اسبوع ينزلون جدول .. ولا هذا ثابت .. ؟؟

ويوم .. الـ s .. < السبت ولا الاحد ؟ والـ T الثلاثاء او الخميس ؟؟ ..

والايميس والسنترا .. مثل ما هم .. ما فيهم شي ابدا ..

واستحملوني اول مرة ادخل جامعة .. ^^"

[M!Ss.Dudi]

المشاركة الأصلية كتبت بواسطة طموحـــي كبير مشكوووورة .. مس دودي .. ما قصرتي .. طرشتلهم بالايميل .. ونزلوا الجدول .. < الله يستر .. شكلي اذا ما كنت مطرشتلهم .. ما كانوا بينزلولي الجدول .. ><" المهم .. هذا الجدول .. عندي اشكالية في فهمه .. < كاتبين التسجيل .. تاريخ 7 .. اللي هو امس .. شو يعني ؟؟ يعني تسجيل المواد ( او نزولها لك ) بتاريخ 7 مارس ,,بس ليش مانزلوا لك ثقافة ؟!! وكل اسبوع ينزلون جدول .. ولا هذا ثابت .. ؟؟ هذا الجدول الاساسي وحيكون ثابت هذا الاسبوع والاسبوع القادم .. بعد كذا حتكون كل اسبوع محاضره وحده بدل ثلاث محاضرات في كل ماده ,, تنزل في السنترا من بداية الاسبوع ويوم .. الـ s .. < السبت ولا الاحد ؟ والـ t الثلاثاء او الخميس ؟؟ .. السبت = s الاحد = s. * الثلاثاء = t الخميس = t. والايميس والسنترا .. مثل ما هم .. ما فيهم شي ابدا .. اهم شي تنزلك المحاضرات في السنترا كلمهم بالتلفـــون افضل واستحملوني اول مرة ادخل جامعة .. ^^"

عادي قلبو ,, خذي راحتك ^^

[عادل عادل]

كيف طرشتيلهم في الايميل وعلى طول نزلوا لك الجدول ؟؟؟
على كده يبغالنا نروح نطرشلهم في العمادة عشان يحذفوا يوم الخميس

[موون00000]

مس دودي ليش جدولك كذا مواد خطه الف انتي مو ب
طيب انا موراضي يزبط معي السنترا والجدول لسى مانزل لاني مقدمه اعفاء والنتائج لسى مانزلت قولولي ايش اسوي

[طموحـــي كبير]

حبيبتي والله مس دودي .. سويتي فيني خير .. ^^

وحسب ما فهمت منج .. ما في اي محاضرة يوم الثلاثاء .. t

وترى اللي ارسلتله الايميل هو نفسه .. الدكتور عبد الفتاح مشاط ..

وارستله مرة ثانية بمشكلة السنترا والايميس .. وردلي على طول نسخة ..

سعادة وكيل عمادة التعليم عن يعد
للتكرم بالاحاطة و مساعدة الطالبة
واللي يعرف رقم عميد التعليم عن بعد .. يحطلي اياه مع فتح الخط .. لاني مب فالسعودية .. ومشكورين مقدما ..

< في الموقع حاطين ارقام تحويلات .. ما عرفت كيف ادق عليهم .. ^^"

وترى انا خطة ب .. مب أ ..

[طموحـــي كبير]

ابشركـــــــــــــــــــــ^ـــــــ^ــــــــــــــــــــــــــــــــــم

اشتغل عندي السنترا والايميس .. وعندي محاضرة الساعة 5 < 6 بتوقيتنا .. ^^

جزى الله خير كل اللي ساعدني.. واخص الغالية .. مس دودي ..

[وئام الخير]

مبااااارك اختي الجدول وبداية المحاضرات
بس عندك محاضرات يوم الثلاثاء (:
.s.t.t معنااها عندك محاضرات يوم الأحد والثلاثاء والخميس يعني ع حسب جدولك عندك في هذي الايام عربي وحاسب وانجليزي..
وللمعلومية أختي ناقص مادة الثقافة الاسلامية حاولي تكلميهم بخصوص المادة الناقصة ليش ما اضافوها حتى تكوني على بصيرة....

[M!Ss.Dudi]

مبرووووووووك الله يوفقك ان شاء الله ,,

بخصوص الجدول الحاسب والعربي والانجليزي >> الأحد + الثلاثاء + الخميس

بس كلميهم يضيفوا لك الماده الناقصة ( الثقافة الاسلامية )

و ترى طريقة الدراسة حلوه وسهله فلا تشيلي هم ,,

فديت الرمسه الاماراتيه انا ^^

[عادل عادل]

المشاركة الأصلية كتبت بواسطة طموحـــي كبير حبيبتي والله مس دودي .. سويتي فيني خير .. ^^ وحسب ما فهمت منج .. ما في اي محاضرة يوم الثلاثاء .. t وترى اللي ارسلتله الايميل هو نفسه .. الدكتور عبد الفتاح مشاط .. وارستله مرة ثانية بمشكلة السنترا والايميس .. وردلي على طول نسخة .. سعادة وكيل عمادة التعليم عن يعد للتكرم بالاحاطة و مساعدة الطالبة واللي يعرف رقم عميد التعليم عن بعد .. يحطلي اياه مع فتح الخط .. لاني مب فالسعودية .. ومشكورين مقدما .. < في الموقع حاطين ارقام تحويلات .. ما عرفت كيف ادق عليهم .. ^^" وترى انا خطة ب .. مب أ ..

شوفتوا يا شباب الدكتور المشاط بنفسه رد عليها ؟؟؟؟؟ يالاهووووووي
وحنا رفعنا طلبنا مدعومة بمقترحاتنا وشكوانا منذ اكثر من اسبوعين ولا حتى عبرنا
وكل يوم وانا امشط الايميل ابي اشوف رد منهم ولكن لاحياة لمن تنادي
ولكن اذا كان التي تنادي من شطر الطالبات فهنالك من يسمع ويجيب ...! عجبي
ياحليلكم يا شطر الطالبات يعطونكم وجه .... الله لنا

المهم ياختي طموحي كبير اصحى تقولين انك خارج السعودية لانه ممنوع انك تدرسي تعليم عن بعد من خارج المملكة
لا تدخلي نفسك في مشكلة معهم ولو عرفوا فهميهم انها سفرة طارئة ورادة نهاية الاسبوع
بالتوفيق