لو سمحتوا ممكن احد يقولي ايش لازم اعمل دحين

[I can]

السلام عليكم ورحمة الله وبركاته

اول شي الف الف مبروووك لكل المتخرجين وعقبال ماتسيرو احسن دكاترة

انا حدخل على طول في الموضوع

الحمدلله خلصت المدرسة وعدت 3 ثانوي على خير الحمدلله المعدل التراكمي 97.91 اللي نزلني سنة تانية لكن تالت 99 والحمدلله

وطلعت نتيجة القدرات الاول 76 ايش اعمل بس اقول الحمدلله
لكن انا ما اعرف دحين ايش اعمل ....لكن التحصيلي والقدرات التاني إن شاء الله احسن

كيف مكتوب انو التسجيل بدا انتظام كيف يبدا ولسة درجات التحصيلي والقدرات التاني لسة ماطلعت
انا خايفة يروح عليا التسجيل او تخلص الاماكن ؟؟مررررة حيررانة

1-متى يبدا التقديم في جامعة عبدالعزيز للانتظام؟

2- كيف اقدم او اسجل ؟

3-تقريبا متى يرسلولي اني انقبلت او لاء؟ كم الفترة بين وقت التقديم ووقت القبول

4-تقريبا نتايجي عدت الخط الفاصل ولا كيف ؟


والف شكر للكل

[Beeshoob]

عاتي يا ماما

شوفي انتي خشي على عمادة القبول في الموقع حق الجامعه

وسجلي عاتي طبيعي زي صحبتك هع

وسيبي مكان النسب فااااضي الين ماتكون عندك دخليها

واعتقد انو يبدأ تاكيد الطلب من 2 - 8

فيلا يا بتي الحقي سجلي قبل ما يتقل الموقع ويعلق

[I can]

هه انا من زمان فتحت حساب هناك بس عالفاضي يعني ماعندي غير نسبة المدرسة يعني انا ايش استفدت
نتائج التحصيلي والقدرات حتطلع متاخر بعد 2-8

ايش اعمل

[JuStice]

.

وعليكم السلام ورحمة الله وبركاته ,

انتي سجلي عادي ودخلي كل البيانات المطلوبة والنتائج اللي لسا ما طلعت أتركي الخانة حقتها فاضية

لأنه ممكن إن موقع التسجيل تلقائيًا ياخد درجات القدرات والتحصيلي من موقع قياس لأنك حاطة رقم الهوية الوطنية

موفقة

.

[Beeshoob]

لا يا بتي مو معقوله انا حطيت نسبة الثانويه والقدرات بس باقي التحصيلي

واستحاله اساسا تكون النتايج بعد 2 مره صعب

[I can]

justice

منجد صح كيف ماجات على بالي دي الللف شكر

طب ماتعرف متى يترسل القبول ومتى كل شي يسير ؟؟

beeshoob
واللهي انا كدا قالولي انها حتطلع 8-8 الله يستر

[JuStice]

.

للأسف ما أعرف متى الموعد ,

لكن اللي أتذكره إني لما كنت لسا بـ أسجل البيانات للتقديم في الجامعة كنت نفس حالتك وتركت خانة القدرات والتحصيلي لغاية لما تطلع درجاتهم ,

عالعموم إنتي ادخلي الموقع كل يوم وشوفي تم قبولِك ولا لأ , إذا تم راح تشوفي موعد تسليم الأوراق الخاصة بكِ بنفس الصفحة

.

[I can]

طيب والله اشكرك بجد الله يجزاك خير

لكن في مشكلة شفت في موقع الجامعة انو الطلبات تتاكد من 2 شعبان الى 7
ودرجات التحصيلي حتطلع 7 او 8 كمان كيف كدا ؟