عندي سؤال بخصوص المستويات

[S65 Aziz]

السلام عليكم ورحمة الله

أنا دحين في المستوى الثالث و عندي مادتين شعبتها مغلقة (اللغة العربية -1- و احصاء الا عمال)

ممكن انزل مواد من مستويات تانية ويسير أدرس هذي المواد في ترم تاني ؟؟؟


و كيف أعرف المواد الإجبارية و الإختيارية ؟؟؟

[S65 Aziz]

up up

[S65 Aziz]

عدت صيغة السؤال


أنا دحين في المستوى الثالث و عندي مادتين شعبتها مغلقة (اللغة العربية -1- و احصاء الا عمال)

ممكن انزل مواد من مستويات تانية ويسير أدرس هذي (اللغة العربية -1- و احصاء الا عمال) المواد في ترم تاني ؟؟؟


و كيف أعرف المواد الإجبارية و الإختيارية ؟؟؟

[نوونيتا]

طيب ليش ما تستنا ..
على امل انو يفتحو شعب

[S65 Aziz]

انا بستنى

بس السؤال في حالة إذا ما لقيت شعب

[colorful bubble]

لا ان شالله يمديك تضيفها

شوف اغلبكم الاولاد ماقدرو يضيفوها
ونحنا البنات ماقدرنا نضيف انقلش


روح ضيفها من كليتك

وان شالله يضيفوها ليك

وغير كدا علمي علمك

[>>joode<<]

تقدر تاخذ مواد من مستويات ثانيه اذا كان مالها متطلب …

[S65 Aziz]

المشاركة الأصلية كتبت بواسطة colorful bubble لا ان شالله يمديك تضيفها شوف اغلبكم الاولاد ماقدرو يضيفوها ونحنا البنات ماقدرنا نضيف انقلش روح ضيفها من كليتك وان شالله يضيفوها ليك وغير كدا علمي علمك

بوكرة الصباح مبلط في الكلية عشان أضيف المواد الباقية

و ألين دحين ما نزلت إلا مادتين الإنجلش و مبادئ أعمال

المشاركة الأصلية كتبت بواسطة >>joode<< تقدر تاخذ مواد من مستويات ثانيه اذا كان مالها متطلب …

شكررا على الإجابة

[iSimzZz]

بالنسبة لإحصاء الأعمال تقدر تاخد بدالها bus220 مباديء ادارة انا عملت كدا اول ترم

وبالنسبة للغة العربية تقدر تاخد بدالها ثقافة 1 isls 101