بنات خطة أ ممكن تجاوبوني!؟ ^^

[Mirinoxd]

السلام عليكم ورحمة الله وبركاتته

بنات خطة أ حابة اسألكم
انا نزل ججدولي وماحبيتو
وحابة احول الحاسب والمهارات ليومين الربوع والاثنين
وحدة من العضوات قالت ان المهارات الدكتورات يدوا محاضرات طوال الأسبوع يعني مو زينا خطة ب الدكتورة ماتجي الجامعه الا في الايام الي عندها محاضرات يا يومين يا ثلاث أيام
ف حابة أعرف كل دكتورات المهارات كدا ولا بس بعضهم!!!؟
وحابة اعرف الحاسب نفس النظام كمان ولا لا ! :(

و ف حالة لا سمح الله طلع لا
دكتورات الفيزياء والرياضيات يرضو بالتحويل بسهولة ولا مايرضوا !؟

[Somaiah Yousef]

سوي بحث عن الشعب الدراسية وشوفي المادتين
لما تنزل اسماء الدكتورات شوفي جدول دكتورتك وحولي
الحاسب والاتصال انا دكتوراتي كانو يعطو طول الاسبوع
ماعرف عن البقيةة
والرياضيات والفيزياء ماعرف ماجربتت انقل

حتى انا جدولي م عجبني
سهل التحويل عندكم بالنسبة للاحصاء والكيميا ؟

[Mirinoxd]

كويس يارب دكتوراتي كمان يعطو طوال الأسبوع
للأسف لين دحين مانزلت اسماء الدكتورات نستنى وأمرنا لله.

أيوا سسهل باذن الله مايمانعو بس عندكك دكتورة ليلى الحربي (كيمياء) ما تستقبل طالبات ينقلو لأنو محاضراتها دايما زحححححمة ودا الشي يضايق طالباتها الأصليين ف لمصلحتهم منعت التحويل
لكن باقي الدكتورات مافي مانع, بس للي تبا تنقل عندها أقولها جربي أول شي ماتدري ممكن تقبل

شكراً يديكي ألف عافية

[Yasmina95]

^
ليلى الحربي تقبل النقل وصحبتي صارت تحضر عندها بعد مانقلت

بس لا تنقلي لعندها نهاية الترم لأنو مرة زحمة بيصير و الكل عندها فانقلي من بدري أحسن
انقلي عندها من بداية الترم او نصه تقبل وبالراحة :)

[Yasmina95]

و الإحصاء و الأحياء مايمانعوا برضوا بس بعض دكاترة الأحياء يزعلوا اذا حولتي من عندها هههههه

[Mirinoxd]

^
أوه! كويس قلتي, لأنو وحدة أعرفها زي كدا كانت تبا تنقل وقالتلها لا :| شكلو كانت معصبة وقتها ولا شي
يلا ككويس يعني باذن الله كلهم يقبلوا
ويب منجد في دكتورات يزعلو :\ بس م عليكي ياخي دام ما بيدهم شي ولا درجات اهم حاجة راحتك, واصلا قليل

[رفّات حُلم]

مو شرط حق الحاسب والمهارات عندهم كل يوم؛
انا درستني د/ أميرة النمر،
وكانت بس فيه لها محاضرات للاتصال " احد، تلوت، خميس "
و أ/ بسمة السُّلمي،
كانت لها، 5 شُعب في ايام محددة " احد، تلوت، خميس "

[legend45]

مين عندو الحاسب بدري ابغى قبل البريك ؟؟

[Somaiah Yousef]

^
سوي بحث في الشعب الدراسية

ان شاء الله يارب كلنا تترتب جداولنا على مزاجنا :)

[سعاادد]

انا كمان جدولي يجيب البلى
بس ابي اسألك انتي ليش تسألي هم يعطوا طوال الاسبوع ؟؟
يعني ممكن تنقلي محاضرات الحاسب والاتصال من الاحد ثلوث خميس الى اثنين وربوع ..؟؟
هل يقبلوا كذا .؟؟؟؟؟