احتاج مساعدتكم في اختيار التخصص الافضل

[lolo24]

السلام عليكم ورحمة الله وبركاته

انا طالبة سنة تحضيرية طبعا تم التسكين بكلية التقنية الطبية

<<< كان طموحي الطب ولكن الخيرة فيما اختاره الله

المهم

ابغى اسأل واخد رايكم انا محتارة جدا بين تخصصين

العلاج الطبيعي

التغذية الاكلينيكية

و لحد يقول لي انتي اش تبغي انا لو عليا ادرس الاتنين

مدري اشياء اشوف العلاج فيها افضل

واشياء اشوف التغذية

محتارة جدا

وعلى فكرة عملت استخارة وماني عارفة اش الافضل

يعني ما حسيت بفرق نفس النتيجة في كل مرة

<<< انا في البداية كنت حابة التغذية وما كنت ادري ان في قسم علاج للطالبات

>>> لكني احيانا احس العلاج اقرب لطموحي من ناحية اني رح اشوف مريض اشخص حالته

واكتب له علاج يعني اقرب للطب واني امارس شغل الدكتور

لكن لما عرفت تلخبطت وسرت مشوشة ومو عارفة اش اعمل

ساعدوني كل واحد يقول ايجابيات وسلبيات التخصصين من وجهة نظره


معليه طولت عليكم وياريت تفيدوني

بلييييييييييييييييييييييزز

[crazy chance]

احس العلاج احلى

[Rozalinda]

اهليين يآإعسسل ~

انآإ زيك كنت محتآإرة بين القسميين دول
بس في النهآإيه اخترت الحلم الاول ~ التغذيه :d

سووي استخآإرة تآإني
و لفي على موآإضييع القسسم ~ اقري عن التخصصين

وان شآإءالله تستفيدي وتقدري تحددي الشي اللي تبغييه :$

بآإلتووفييق يآإرب =)

[miss me]

الله يوفقك يا قلبي و يكتبلك الخير

انا اشوف انك تقرئي مواضيع المنتدى عن العلاج الطبيعي لأنك ما حتلاقي عن التغزيه كتير و ادخلي منتدى جامعة الملك سعود اقرئي عن التغذية لانو احسن شي تشوفي كلام المجربين واللي داخلين التخصص قبلك

وووو بس =)

[سحـــر]

الصراحة ما اقدر افيدك..
لاني ما اعرف عن تخصص التغذية كثير..
حاولي تقرأي كثير..
بس اعرف بنوتات كثير احبوا العلااج الطبيعي...
احسوه قريب الى الطب ويشخصوا الحالة وهيك..

بالتوفيق..

[المتفائلة]

حياك ِ عزيزتي

بالفعل التخصصين روعه
ولكن انا مااقدر احكم لانو الاثنين مو تخصصي


لكن انا اقول لك
في اول مستوى انتي اللي راح تقدري تحكمي

لانو بتاخذي من كل شي شوي
وبعدها راح تشوفي نفسك تميلي لاي قسم


لا تستعجلي والله يوفقك يااااارب
وينور بصيرتك

ولا تنسي الاستخاااره

[weddah]

انا نفس حالتك

حتى الكلام اللي كاتبته كانك تتكلمي عني

فجأة اقول خلاص تغذية بعدها اقول خلاص علاج طبيعي

قررت اني يوم السبت بعد اليوم الارشادي اقرر

والله يوفقنا كلنا ياااارب

[Dr~NanoOok]

عليكم السلام ورحمة الله

عشان تقدري تقرري وترتاحي لأحد التخصصين
أقرأي عنهم وأبحثي , واعملي المقارنات بينهم

وقبلها حطي أهدافك ورغبتك الأساسية لدراسة الطب البشري اللي حبيتيه
فتشوفي ايش الأقرب لنفسك ولميولك

وهذا باذن الله مره حيسهلك وحيطك في الصورة لكلا القسمين

واتفضلي هذا الدليل عن تخصصات كلية العلوم التطبيقية وإن شاء الله يفيدك
http://www.skaau.com/vb/showthread.php?t=97773


وبالنسبة للاستخارة
ترا مو شرط انك تحسي بالراحة تجاه أحد التخصصين الآن
بل الشي اللي ربنا سهلك هو ويسرلك كل شي عشانه
ويوم اختيار التخصصات هو اللي ربي يختارلك هو
ومن بعدها ولو بعد فترة حتحسي بالراحة و الرضا عنه


ربي يختارلك الخير حيث كان ثم يرضيكِ به
ان شاء الله

[lolo24]

الله يسعدكم كلكم يا رب

والله مررررة افدتوني بصراحة الله يجزاكم الف خير

وانا والله اطلعت على كلا من القسمين واليوم الارشادي طبعا هو كان اليوم السبت

عرفت اكثر عن القسمين وقدرت اقرر

واخترت بإذن الله العلاج الطبيعي ان شاء الله انقبل فيه <<< خايفة تجيني صدمة تانية زي الطب

ويارب يوفقكم كلكم ومرسي على مروركم وافادتي

شكرا لكم

شكر خاص Dr~NanoOok

على الدليل