كبريائي

[السنيور ميدوو]

اصرخي يااقشر جروحي وقولي وش باقي ثمن
غير عمري اللي نثرته فوق احزانك هديه


علمي قلب الكرامه كيف تهويــــــن الطعن
في خفوقٍ غلطته انه هواكي بحسن نيه


كسري فيه الضلوع وهدّمي ذااااااااك الحصن
وان نسى منك تعالي بدلي الكيه بكيه


انقشي جرحك بصدره وارسمي دمعة جفن
من شموخي مارضيت انها تجرّح لي عنيه


لاني استاهل عشان القلب لعيونك يحن
وماطلبتك في نهار الهجر تطلق لي يديه


كل ذنبي اني برئٍ ضاق باسواااار السجن
يوم شاف الظلم بعيونه على مرئ البريه


انتخت فيه المروه وكسّر عيون الوهن
وفز فزة حر يوم انه تعزوا به خويه


لاجل مايكون العزيز اللي رضى انه يندفن
في تراب الذل مابين الخطا والمسخريه


مابقى للقلب صبرٍ في ليالٍ ماارحمن
ليت عتم الليل يقدر دمعة العين الشقيه


صح انا مانكر عشقتك يوم كنتي لي حضن
ارتجيه ان جاء شتاي ببرد ليله سرمديه


لكن اما اليوم مات بطعنتك كل الشجن
وش لي بحبٍ يسوق انفاسي لدرب المنيه


هل صحيح ان الوفا بيبان في وقت المحن ؟؟؟
( طيب انا اسف اني قلت لك انك وفيه)


والله انك اصغر من انك تكوني لي حزن
اسمعيها قول شاعر مايحب الغطرسيه


مايهمه لا عناد ولا تحدي ولا زمن
ومايهمه لو قضى عمره على جرح واذيه


وان تكبرتي ترى والله ماتسوى حفن
من ترابٍ تدعسه رجلي على روحه وجيه


دامها صارت تحدي شوفي بيديني الرهن
كيف تتجرا تحدى من بيديه المقدريــــه


شوفي بعينك غرامي يوم لحفته كفن
لاجل مايشفع لذنبك يوم نويتي الخطيــــه


ارحلي عني وروحي وغطي الذكرى بدفن
وان عصتك الذكريات اتذكري (جزل العطيه)


اذكري انه عزيز وماكسر حمله متن
واذكري انه مانزل له دمعه بفرقى صبيـــه


ولاتظني لي ندمتي اني برجع لك وطن
المغفل ياللي ليدغ مرتين بناب حيه

[مشاعر حائره]

السلام عليكم ورحمة الله وبركاته




وان تكبرتي ترى والله ماتسوى حفن
من ترابٍ تدعسه رجلي على روحه وجيه


دامها صارت تحدي شوفي بيديني الرهن
كيف تتجرا تحدى من بيديه المقدريــــه


شوفي بعينك غرامي يوم لحفته كفن
لاجل مايشفع لذنبك يوم نويتي الخطيــــه


ارحلي عني وروحي وغطي الذكرى بدفن
وان عصتك الذكريات اتذكري (جزل العطيه)


اذكري انه عزيز وماكسر حمله متن
واذكري انه مانزل له دمعه بفرقى صبيـــه


ولاتظني لي ندمتي اني برجع لك وطن
المغفل ياللي ليدغ مرتين بناب حيه


صح لسانك ولاهنت


بدايه رائعه

اما عن النهايه

لاتستحق ان تكون رائعه


بل تفوق الروعه

بدات بثبات محبتك وتذليل نفسك من اجل الحبيبه

ولاكن عند ما زادت الطعنات

استطعت رد الاعتبار

ابيات متناسقه سلمت انامل خطت لنا حروف ذهبيه

وسلم عقلك وابداعك

كن معنا دائما ولاتحرمنا من ذلك الابداع

فالمنتدى الادببي يتشرف بك وبكتاباتك وابداعك



تحياتي