دورات ومحاضرات لجنة صديقة الطــالبة ( متجدد )~

[Jay Jay]

سلااام بنات انا حضرت ... وانا انتساب مو انتظام واول مره احضر اجتماع ... كان حلو واول مره اتعرف على الدكتوره نسرين كانت مره متعاونهمع البنات بطريقه جدا رائعه ...وكان الاجتماع اهم شي يتكلم عن احتياجات الطالبات من طرق دراسه وزياده معرفه بالقسم وكيف نقدر نتطور ف بالدورات الي يسوها اول باول... وكانت تسال كمان ايش البنات يحتاجو من دورات مختلفه وكمان البنات اشارو عليها انهم يزودو في الدورات المختلفه.... وكتبت اسماء دورات كتير عشان يسوها للبنات وموكلها عليها شهادات بعضها... لكن الباقيه نستفيد منها في القسم وبعد التخرج اذا اتوظفنا يعني ... وطلبو البنات منها انهم يسووو رحلات خارج الجامعه للاستفاده زي تقريبا التدريب الميداني وانو الرحلات ماتكون اجباريه اختياريه حسب الطالبه وموافقه اهلها ~~~واتكلمت كمان انهم حيسوي يوم عن العنف الاسري وحيكون في دا اليوم مراثون ... انا عن نفسي عجبتني الافكار كتير وكان نفسي اكون انتظام عشان استفيد اكتر لكن كلمنها كمان بخصوص طالبات الانتساب عشان هما كمان يشمو هوا ويقدرو يستفدو في اشياء كتيره زي بنات الاتنساااااب ..... وهادا الي اخدنا في الاجتماع بإيجاز
وشكرا

[الشامخة.]

^
^
مرة حلو ان شاء الله نستفيد .. بس اختي متى حقت العنف الاسري ونقدر احنا الانتساب نحضرة عاادي

[Jay Jay]

قالت في شهر 6 حيكون العنف الاسري او يوم الطفل العالميلكن ماحددت اليوم

وبالنسبه للانتساب ما ادري لكن هيا عممت وماخصصت للانتظام فقط وكان الحضور انتساب وانتظام والكلام للاتنين

[جوجووبس2008]

والله شي حلو مشكوره Jay Jay

[مزون عابرة]

غدا

دورة السيرة الذآتيه

مع د. سناء سالم

من تعرف في أي مبنى؟

[امونة المزيونة]

شي حلوووو ان شاءالله بس نشهد تطبيق لهذي الاشيااء ..


واعتقد يامزون حتكون الدورة بنفس المبنى والقاعة 405 (اذا ماخاب ضني) ..
وللاسف مو حاضرتها عندي اختباار بنفس الوقت ..

[مزون عابرة]

موفقه يا جميله :)

[whiteness]

^

لا يا حلوة الدروة مو بكره .. اليوم رحت وكلمت الدكتورة سناء اتأكد من موعدها لأنهم ما كتبوا متى المكان في لوحة الاعلانات فقالت لي رح تكون الاسبوع الجاي يوم الاحد من 12 عشان تعطي اكبر فرصه للطالبات انهم يحضروا .. اللي بكره مداومه تروح تسألها وتتأكد بنفسها ..

[أماني العمر]

اش ذا والله صعب من 12

[مزون عابرة]

:(

رحت ع الفاضي اليوم
ياليت كنت أدرري

وكمان المعمل اتكنسل