مهم للطالبات المرشحات للالتحاق بـ ماجستير قسمي الملابس والنسيج والاقتصاد التربوي

[بنت جدة المنكوبة]

كم معدلك

[بنت جدة المنكوبة]

معقولة ماعندك أي دورة في الإنجليزي في الحاسب مثلا أي دورة حضرتيها في الجامعة وأخذتي عليها شهادة

[بنت جدة المنكوبة]

بالنسبة للإنجليزي مايبغوه دحين...يعطوك مهلة ترم أوسنة علشان تاخذي التوفل

[ملكة الثلج2010]

معدلي 83مع مرتبة الشرف
وماعندي اي دوره ولا توضفت منذ 4 سنين

[ملكة الثلج2010]

انا متخرجه من كلية التربية

[بنت جدة المنكوبة]

بس ماأكذب عليك عدد المتقدمين كتير ماشاء الله
وهم أكتر شي حينتبهوا للمعدلات وحياخذوا 10 طالبات بس
أنا معدلي 4.62 وخايفة لأني لمن كلمت المسؤولة حسيتها إنو مو معطيتني أمل........بس علينا ندعي ومادري إيش ربي يكتبلنا

[بنت جدة المنكوبة]

وأنا موظفة عندهم في الجامعة

[ملكة الثلج2010]

من جد احباط الله يكتبلنا الخير انا بروح بكره وشوف
انا كمان قدمت في ام القرى واختباري يوم الخميس اشراف تربوي تعرفين احد دخل هذا القسم

[بنت جدة المنكوبة]

ماعرف ممكن يدخل من ضمن تخصص الإقتصاد المنزلي التربوي

[صمت الزمن]

بنت جده الله يسعدك

والله اليوم مرره متنكدة من دي الحكاية

انا معيده لازم اجيب لهم ورقة خبرة ؟؟؟
طيب هي تحتاج توقيع ومصادقه من جامعة أم القرى وانا في الجنوب وعندي محاضرات والله صعب الوضع كدا
ويوم الثلاثاء لازم تكون في الجامعة كيف اسوي الحين

شكلي ماراح ارسل ولا ورقه وخليها على الله
لو فيها خير راح تتيسر بإذن الله

ما اقول غير حسبي الله ونعم الوكيل