تجمع للراغبات بباصات نقل من مكة لجدة ذهاب واياب

[lavita]

السلام عليكم ورحمة الله وبركاته
بنات ياليت تساعدوني باسماء وارقام شركات باصات ذهاب وعودة للطالبات من مكة لجدة والعكس
وياليت البنات اللي من مكة نروح كلنا في باص واحد لانه السكن في الجامعة ممكن مافي مكان وربي شايلة هم المواصلات الله يعين واصلا قلت يلا خلي السكن لبنات اولى مني زي اللي في المدينة والرياض والشرقية والحمدلله مكة قريبة من جدة
انا شفت مواضيع السكن الداخلي في المنتدى بس قالوا حجز واحتمال تكون مليانة والبنات جزاهم الله خير ماقصروا عملوا تقارير عن المساكن برة الجامعة بس مابغى اسكن بعيد عن الجامعة هذا اذا لقيت اماكن شاغرة اساسا
جزاكم الله خيرا ووفقكم الله انتظر ردكم

[ابتسامة دمعة]

السلام عليكم ورحمة الله
lavita عزيزتي .. الله ييسر لكم يارب .. صاحبتي متلك لكن هي بالطائف وخايفه ماتلاقي سكن وبتدور على باص عاد تخيلي من الطائف لجده .. لكن خايفه ماتلاقي ومو عارفه اش تعمل ...
ان شاء الله ربي يحلها ويسهل اموركم جميعا ..

[lavita]

وعليكم السلام ورحمة الله وبركاته
ابتسامة اللهم امين ييسر لنا يارب يتقبل منك ...وبخصوص صحبتك الله يعينها بصراحة مشوار الطائف جدا متعب فمابالك لو راحت من الطائف لجدة يوميا اكيد حيتعبها ..مهم جدا السكن بالنسبة لها بس هي ماتقدر تستأجر شقة مع محرم لها كدا افضل لها الله يعينها يارب تلاقي مكان في السكن الجامعي هي محتاجته اكثر مني..
يارب يحلها وييسرها ويوفقك يارب جزاك الله خير شاكرة لكي مرورك
يأهل جدة انتم ادرى بباصاتها (على وزن اهل مكة ادرى بشعابها) من جد محتاجة ارقام باصات خاصة بنقل الطالبات لانها آمنة ..ماتعرفوا باصات تنقل من مكة لجدة جزاكم الله خيرا ووفقكم الله

[عماد الحسن]

العذر منكم ... هذه بعض المعلومات عن باصات نقل الطالبات من مكة للجامعة :

مؤسسة المطرف لنقل طالبات الجامعة 920016169
باصات درب النواف للنقل هاتف 920002321

والبقية قريباً .

[شذى الأوركيد]

U p














up

[lolyta lawlaw]

سلام انا كمان من مكه و بالزبط من الشرايع ازا احنا نقدر نتفق في جدولنا حتا لو نجيب سواق بسياره يودينا و يجيبنا اوكي
من جد مرره صعبا هرجت المواصلات دي

[نـُونْ]

السلام عليكم
الله يوفق الجميع
يا ليت اللي جربت تذكر لنا خبراتها
الصراحة الباصات متعبة لكن الواحد يضطر أحيان
أنا أقدر اسكن بمكة عند أختي
يللا باحط اسمي وياكم لو مالقيت سكن لأنه صعب اداوم من منطقتي بعيييدة جدا
وبعدين شفت سكن التميز للطالبات الصراحة كويس بس النظاااافة خصوصا دورات المياة مشتركة
صعب جدا جدا
وعسى ربي يوفق الجميع

[meme_3223]

http://www.skaau.com/vb/member.php?u=77098 الله يعينك أنتِ وبنات مكة ..

[lavita]

الاستاذ عماد الحسن ...

وفقك الله في دراستك وسهل عليك طريق العلم وجزاك الله خير على ارقام الباصات هذه ونطمع في المزيد ..إن شاء الله اتصل عليهم واشوف السالفة ..

شذى الاوركيد

انتي معانا من مكة ..؟ عشان لو لقينا سواق خاص يصير تكوني معانا

lolyta lawlaw ..

وعليكم السلام ورحمة الله وبركاته
طيب كويس اخيراً فيه بنات من مكة والله اكثر شيء قلقانة منه هي المواصلات لو كنا مجموعة بنات عادي نروح مع سواق خاص لكن المشكلة لو كنتي لوحدك لازم تروحي مع باص عشان آمن ..وآسفة يالوليتا اني مارديت عليكي برسالة مشاركاتي لازم توصل 100 ...
انتوا ابحثوا وانا عمالة ابحث وان شاء الله نلاقي ..

نـُونْ

وعليكم السلام ورحمة الله وبركاته ..

ايوة والله السكن صعب تلاقي بجدة قصدي السكن الداخلي تبع الجامعة لو اتصلتي بيقولوا لكي نسجل اسمك احتياط
والسكن خارج الجامعة 1000 اكثر حتى من المكأفاة وكمان ممكن تكون معاكي شريكة بالغرفة وانتي وحظك يا اما تطلع خلوقة او العكس ...

meme_3223

الله يوفقك يارب وجزاكِ الله خير ويارب يعيننا جميعاً ..

ويلا يابنات نتوكل على الله ونكثف البحث عن سواق وانا بأتصل ان شاء الله بالارقام اللي كتبها الاستاذ عماد واشوف هل يوصلوا من مكة للجامعة وكم اسعارهم ومتى اوقاتهم ؟

[Magd]

هناك شركة تنقل الطالبات من مكة الى جامعة الملك عبد العزيز (ذهابا- وعودة)

اسم الشركة: أبو سرهد

وارقام هواتفهم : 0556551534
0592830764


لديهم باصات صغيرة تأخذكم من منازلكم الى الباص الكبير في الصباح والباص الكبير الى جامعة الملك عبد العزيز
واثناء العودة ايضا اثناء وصولكم الى مكة توزعكم في باصات صغيرة وتوصلكم الى منازلكم

لديهم 4 رحلات في الصباح :

باص ساعة 7 الا ثلث
باص ساعة 7 الا ربع
باص ساعة السابعة
باص ساعة 8

وايضا اربع رحلات عودة:

اول رحلة ساعة وحدة
ثاني رحلة ساعة 2ونصف ظهرا
ثالث رحلة ساعة 3 ونصف
رابع رحلة والاخيرة ساعة 4 ونصف

سعر الاشتراك 2600 ريال
اما الاشتراك بالشهر 700 ريال
باليوم الاشتراك 70 ريال

وبالتوفيق للجميع